إرسال موضوع جديد الرد على الموضوع  [ 43 مشاركة ]  الانتقال إلى صفحة 1, 2, 3, 4, 5  التالي
الكاتب رسالة
 عنوان المشاركة: الدرس الأول البداية (CASTING ON)
مرسل: الجمعة إبريل 16, 2010 9:40 pm 
غير متصل
مراقب عام
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة

الدرس الأول البداية (CASTING ON)



لمتابعة دورة تعلم التريكو الجديدة من هنا
البداية فى التريكو - knitting cast on - cast on methods - طرق البدايه فى التريكو - تعلم التريكو من البدايه حتى الاحتراف - فن التريكو واساسياته - التريكو - باترونات تريكو - غرز التريكو - اساسيات التريكو - تريكو تعليمى - فيديوهات تعلم التريكو - منتديات التريكو

بسم الله الرحمن الرحيم



الدرس الأول

البداية
CASTING ON


الخطوة الأولى فى أى عمل تريكو سواء كان صعب أو سهل هى البداية .
البداية ببساطة معناها إزاى تحطى الغرز على السنارة عشان تبداى الشغل.

هناك طرق عديدة للبداية,وساعات الواحد بيتلخبط من كتر الأسامى لأن ساعات الطريقة الواحدة يكون ليها أكتر من إسم,وأنا بإذن الله خلال شرحى هقول المرادفات الإسمية بتاع كل طريقة, وجميع الطرق مفيدة ولكل طريقة مميزاتها وإستخدامها.

إذا كنتى مبتدأة فهناك طريقتين أساسيتين للشغل سهلين جدا وهما:
1/طريقة الغرزة العدلة(Knitted Cast on)
2/طريقة الذيل الطويل(Long Tail Cast on)

وقبل مانبدأ فى شرح الطرق دى هنبدأ الأول بعمل
غرزة البداية(slip Knot)

ودى شكلها

صورة

إتعلمى طريقة عملها بالخطوات المصورة


صورة

صورة

صورة

هنحط غرزة البداية على السنارة بتاعتنا عشان نبدأ بإنشاء الغرز


صورة

صورة


تابعونى






دورة تعلم الكروشيه من البداية وحتى الإحتراف

صورة



أعلى
رد مع اقتباس


 عنوان المشاركة: Re: دورة تعليم التريكو بالتفصيل مع الصورالدرس الأول**البداية
مرسل: السبت إبريل 17, 2010 7:50 pm 
غير متصل
مراقب عام
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة

بسم الله الرحمن الرحيم

الطريقة الأولى

طريقة الغرزة العدله
(knitted cast on),(knitting on),(Knit cast on)



ودى الطريقة الأساسية وتعتبر اسهل طريقة ومهمة كمان عشان نتعلم بالمرة إزاى نعمل الغرزة العدلة.

بعد ماحطينا غرزة البداية على السنارة كالتالى

صورة


هنمسك السنارة اللى عليها غرزة البداية باليد الشمال وهنمسك السنارة التانية باليد اليمين وبعدين هندخل راس السنارة اليمين فى غرزة البداية من قدام لورا وفى نفس الوقت من تحت السنارة الشمال زى ماموضح فى الرسمة

صورة

وهنمسك السنارة اليمين بالشكل ده

صورة

بعد كدا هنلف الخيط على الصباع اليمين

صورة

وهنلف الخيط على السنارة اليمين زى مافى الرسمة

صورة

بعد كدا هنسحب الخيط من خلال غرزة البداية بإستخدام رأس السنارة اليمين

صورة
هنلاقى ان فيه غرزة جديدة إتكونت عندنا هنحطها على السنارة الشمال ونسحب السنارة اليمين

صورة

بعد كدا هنشد الخيط براحة عشان نضبط الغرزة الجديدة على السنارة دلوقتى اصبح عندنا غرزتين على السنارة بما فيهم غرزة البداية


صورة




دورة تعلم الكروشيه من البداية وحتى الإحتراف

صورة



أعلى
رد مع اقتباس


 عنوان المشاركة: Re: دورة تعليم التريكو بالتفصيل مع الصورالدرس الأول**البداية
مرسل: الأربعاء إبريل 21, 2010 6:25 pm 
غير متصل
مراقب عام
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة

بسم الله الرحمن الرحيم

الطريقة التانية

طريقة الذيل الطويل
(Long-Tail Cast On)
وتعرف أيضا بإسم
(Double Cast-On or Continental Cast-On or sling shot, two-strand, Y cast on)


وهى من اجمل وانسب طرق البداية ومناسبة جدا لعمل الجرسيه والبليسيه فهى
1- تجعل العمل ذو حافة مرنة
2- سهلة عند لقط الغرز
3- هذه البداية تعد بعد كده على انها سطر تريكو مع انه لا يعد بالباترونات ولا يؤخذ فى الحسبان
4- كما ان الشغل بالسطر الاول بعد كدة بيكون سهل وبمجرد انك تتعلميها بتبقى اسرع معاكى من الطريقةالاولى

طبعا زى أى طريقة فى البداية هنعمل غرزة البداية ولكن مع مراعاة إننا هنسيب جزء طويل من الخيطوعلى حسب عدد الغرز بنقدر طول الخيط المتروك وده سبب تسميتها بطريقة الذيل الطويل
الغرز هتتكون بإستخدام الذيل ده مع الناحية التانية من الخيط المتصل بالبكرة
هنمسك السنارة باليد اليمين


صورة

يمسك الخيط باليد الشمال ويحمل على اصبعيك السبابة والابهام على ان يكون الخيط المتروك لعمل الغرز على اصبع الابهام و الطرف الاخر المتصل بالشلة على اصبع السبابة ثم تجمع الطرفين وتمسك بباقى اصابعك ليتتدلو للاسفل

صورة

قومى ببسط اصبعيكى الابهام و السبابة وادخلى الابرة بينهما من اسفلهم وشدى الخيط بالابرة اصبح الان على الابهام لفة او دائرة من الخيط وكذلك على السبابة


صورة

ادخلى الابرة من اسفل الابهام من جهة اليسار لتصبح فى منتصف لفة الخيط يعنى ادخلناها من اسفل لاعلى


صورة

قومى الان بادخال الابرة من اعلى داخل اللفة اللى على السبابة

صورة

واسحبى الخيط من السبابة واخرجيه من الابهام



صورة




دورة تعلم الكروشيه من البداية وحتى الإحتراف

صورة



أعلى
رد مع اقتباس


 عنوان المشاركة: Re: دورة تعليم التريكو بالتفصيل مع الصورالدرس الأول**البداية
مرسل: الخميس إبريل 29, 2010 7:15 pm 
غير متصل
مراقب عام
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة

بسم الله الرحمن الرحيم

الطريقة الثالثة

طريقة الضفيرة
(Cable Cast On)


الطريقة دى سهلة ولكن من عيوبها إن الشغل من تحت مش بيكون مطاط .
الطريقة دى بتستخدم أيضا فى تزويد الغرز فى وسط الشغل وده هنشرحه بعد كدا بإذن الله.

صورة


زى أى طريقة هنعمل غرزة البداية ونحطها على السنارة(الغرزة دى بتتحسب من ضمن الغرز)
الطريقة دى مش محتاجين إننا نسيب جزء من الخيط زى ماعملنا فى طريقة الذيل الطويل.

صورة


عشان نعمل الغرزة التالية هنحط السنارة التانية فى قلب غرزة البداية ونلف الخيط عليها ونسحب الخيط من داخل غرزة البداية (بالضبط كأننا بنشتغل غرزة عدلة).

صورة


هننقل الغرزة اللى إتكونت دى على السنارة الشمال ونسحب السنارة اليمين ونشد الخيط براحة.

صورة


عشان نعمل الغرزة التالتة وباقى الغرز اللى بعد كدا هنحط السنارة اليمين فى المسافة اللى بين الغرزتين الموجودين على السنارة الشمال .

صورة


هنلف الخيط حول السنارة اليمين ونسحبه من بين الغرزتين

صورة


ونحطه على السنارة الشمال بإستخدام السنارة اليمين ونسحب السنارة اليمين

صورة


هنشتغل باقى الغرز بنفس الطريقة السابقة


شوفى برضه الرسم التوضيحى المبسط ده



صورة

صورة

صورة

تابعونى




دورة تعلم الكروشيه من البداية وحتى الإحتراف

صورة



أعلى
رد مع اقتباس


 عنوان المشاركة: Re: دورة تعليم التريكو بالتفصيل مع الصورالدرس الأول**البداية
مرسل: الجمعة إبريل 30, 2010 10:53 pm 
غير متصل
مراقب عام
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة

بسم الله الرحمن الرحيم

الطريقة الرابعة
طريقة الغرزة البسيطة
(wrap cast on)
(loop cast on, e-wrap cast on, single cast on)


هذه الطرق هى أبسط الطرق ولكن من عيوبها إن شكل العمل من تحت بيبقا مش منتظم قوى وبيبقا مطاط زيادة عن اللزوم.

كالعادة طبعا هنعمل غرزة البداية ونمسك السنارة باليد اليمين ونمسك الخيط باليد الشمال ونشده عشان نثبت غرزة البداية على السنارة.

صورة

هنلف الخيط حول الابهام ونمسك طرفه بباقى الاصابع زى ما موضح بالصورة

صورة

هندخل الابرة من تحت الخيط زى ما فى الصورة

صورة

إسلتى الخيط من إيدك وشدية بقوة عشان تثبتى الغرزة على السنارة

صورة

كررى الخطوات حتى تحصلى على العدد المطلوب من الغرز




دورة تعلم الكروشيه من البداية وحتى الإحتراف

صورة



أعلى
رد مع اقتباس


 عنوان المشاركة: Re: دورة تعليم التريكو بالتفصيل مع الصورالدرس الأول**البداية
مرسل: الأحد مايو 02, 2010 6:58 pm 
غير متصل
مراقب عام
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة

بسم الله الرحمن الرحيم

الطريقة الخامسة
الطريقة المحترفة أو الغير مرئية
(Invisible (Provisional) Cast-On)
أيضا تسمى
(Looped Cast-On)


هذة الطريقة قد تبدو صعبة بس لما تعرفيها وتجربيها هتكتشفى إنها سهلة جدا.
الطريقة دى فكرتها ببساطة إنك بتعملى بداية وهمية عشان ممكن تحتاجى إنك تكملى الشغل بتاعك من تحت فى بعض الباترونات فبدل ماتلقطى الغرز والعمل يبقا شكلة موصول
بنفك البداية الوهمية دى ونكمل الشغل عادى فى عكس الإتجاه وبيبقا شكل العمل مرتب ومنتظم .

الطريقة دى كمان حلوة قوى فى الشال المثلث عشان البداية بتاع الشال بتبقى فى نص العمل وبتشتغلى يمين وترجعى تشتغلى شمال.

أنا مش عاوزاكوا تتخضوا من الكلام لأن التطبيق هيبين الموضوع أسهل من كدا بكتير.

البداية المحترفه دى ليها كذا طريقة هنشرحهم كلهم وإختارى الأسهل ليكى

الطريقة الأولى:
هنستخدم فيها إبرة كروشيه وخيط بلون مختلف عن لون الصوف اللى هنشتغل بيه

هنبدأ بعمل غرزة البداية عادى ولكن هنحطها على إبرة الكروشيه

صورة


هنشتغل غرزة السلسة كالتالى وأهى فرصة برضه نتعلمها
هنلف الخيط حول إبرة الكروشيه كما موضح فى الصورة

صورة


بإستخدام رأس إبرة الكروشيه هنسحب الخيط من خلال غرزة البداية وبكدا إتكونت عندنا غرزة سلسلة

صورة


هنستمر فى عمل غرز السلسلة حتى نصل إلى العدد المطلوب وممكن نعمل بزيادة وفى النهاية هنقص طرف الخيط وندخلة فى أخر غرزة موجودة على إبرة الكروشيه ونعقدة

صورة


وده بيسمى السطر الوهمى أو البداية الوهمية اللى هنفكها بعد كدا

صورة


هنحط إبرة التريكو فى أول غرزة سلسلة

صورة


هنلف الخيط اللى هنستخدمه فى العمل حول إبرة التريكو ونسحبه من خلال غرزة السلسلة هتتكون عندنا غرزة عدلة

صورة


هنفضل نحط إبرة التريكو فى كل غرزة سلسلة وننشأ منها غرز عدله كما سبق لحد ما نوصل لعدد الغرز اللى هنبدأ به

صورة


لما نحتاج بقا إننا نشتغل من تحت هنشيل السطر الوهمى ده بفك العقدة اللى عملنها فى أخر غرزة سلسلة ونكرها

صورة


شوفوا الغرز اللى بانت دى هنلقطها بإبرة التريكو ونشتغلها عادى جدا

صورة

.............................................................................................................

الطريقة التانية:

بنستخدم فيها برضة إبرة كروشيه وخيط بلون مختلف

هنعمل غرزة البداية ونحطها على إبرة الكروشيه ونلف الخيط ورا إبرة التريكو زى الصورة

صورة


هنلف الخيط حول إبرة الكروشيه

صورة


ونسحبه من خلال غرزة البدايه

صورة


هنرجع الخيط ورا إبرة التريكو ونكرر الخطوات اللى فاتت لحد مانحصل على عدد الغرز المطلوبة هنقطع الخيط ونمررة خلال أخر غرزة موجودة على إبرة الكروشيه

صورة


هنستخدم الخيط اللى هنشتغل بيه ونبدأ سطر عادى بإعتبار إن الغرز الموجودة على السنارة هيا غرز البدايه

صورة


فى بعض الباترونات بنحتاج إننا نشتغل من تحت عشان كدا هنشيل سطر البداية الوهمى ده بإننا بنفك العقدة اللى عملنها فى أخر غرزة ونكرها

صورة


صورة


هنلقط الغرز اللى إتفكت على إبرة تريكو

صورة


هيبقا الشكل عندنا عامل كدا

صورة

.............................................................................................................




دورة تعلم الكروشيه من البداية وحتى الإحتراف

صورة



أعلى
رد مع اقتباس


 عنوان المشاركة: Re: دورة تعليم التريكو بالتفصيل مع الصورالدرس الأول**البداية
مرسل: الثلاثاء مايو 04, 2010 5:08 pm 
غير متصل
مراقب عام
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة

بسم الله الرحمن الرحيم

نكمل طرق البداية المحترفة

الطريقة الثالثة
بدون إبرة كروشية هنعملها بإستخدام الإيد فقط والطريقه دى تشبه طريقة الذيل الطويل

هنربط طرف الخيطين ونمسكهم على السنارة باليد اليمين زى الصورة الخيط الأزرق ده خيط الشغل هنلفه حول الإبهام والخيط الاحمر ده اللى هيكون البداية الوهميه هنلفه حول السبابه

صورة

هنلف الخيط الأزرق حول الإبرة زى ما فى الصورة

صورة

ونلف رأس الإبره حول الخيط الأحمر عشان نعمل لفة على السنارة ونسحب الخيط الأزرق لقدام وتحت الخيط الأحمر

صورة

هنلف رأس الإبره حول الخيط الأزرق ونسحب الخيط الأحمر لفوق

صورة

هنكرر الخطوات لحد مانحصل على عدد الغرز المطلوب

صورة

وبعد كدا هنشتغل عادى ولما نحتاج نفك البداية الوهميه اللى عملنها دى هنفك العقدة اللى فى الأول ونكرها ونلقط الغرز على سنارة ونشتغل عادى


صورة




دورة تعلم الكروشيه من البداية وحتى الإحتراف

صورة



أعلى
رد مع اقتباس


 عنوان المشاركة: Re: دورة تعليم التريكو بالتفصيل مع الصورالدرس الأول**البداية
مرسل: الأربعاء مايو 05, 2010 5:28 pm 
غير متصل
عضو جديد
عضو جديد
اشترك في: الاثنين مايو 03, 2010 4:30 pm
مشاركات: 1

بسم الله الرحمن الرحيم

الطريقة الرابعة فى البداية المحترفة

بنستخدم فيها الكابل بتاع السنارة الدائرية

هنعمل غرزة البداية ونحطها على إبرة التريكو اللى هنشتغل بيها

صورة

هنمسك الإبرة والكابل بتاع الإبرة الدائرية فى اليد اليمين ونمسك الخيط ونلفه على السبابة الشمال وطرف الكابل بالابهام الشمال زى الصورة هتوضح أكتر

صورة

هنعمل لفة بالخيط على الإبرة تابعى الصور

صورة

صورة

هنلف السنارة حول الخيط والكابل تابعى الصور

صورة

صورة

الخطوتين اللى فاتوا دول عملولنا غرزة واحدة
هنكرر الخطوتين دول لحد مانحصل على عدد الغرز المطلوب
ويفضل إننا نعمل غرز زياده عن المطلوب عشانممكن يتسلت مننا غرز فى بداية الشغل يبقا عندنا غرز احتياطى

صورة

الكابل بعد ما خلصنا الغرز هيبقا مبروم على السنارة هنعدله ونستعد للشغل

صورة

صورة

هنشتغل السطر الأول عادى هتحسى إنه غريب شويا مطاط قوى وواسع بس مع الشغل هيتعدل

صورة

هنستمر فى الشغل عادى ولما نحتاج نشتغل من تحت هنشتغل الغرز الموجودة على الكابل

صورة


......................................................................................
.............................................................................
....................................................................


وبكدا تم بحمد الله الإنتهاء من طرق البداية المختلفه

ولو ظهر قدامى طريقة جديدة أو فكرة جديدة بإذن الله هشرحها

أتمنى تكونوا إستفدتوا من الموضوع ونتقابل إن شاء الله فى الدرس القادم واللى هيكون عن الغرزتين الأساسيتين فى شغل التريكو كله وهما الغرزة العدلة والغرزة المقلوبه



أعلى
رد مع اقتباس


 عنوان المشاركة: Re: دورة تعليم التريكو بالتفصيل مع الصورالدرس الأول**البداية
مرسل: الأربعاء مايو 05, 2010 5:31 pm 
غير متصل
مراقب عام
مراقب عام
اشترك في: الاثنين إبريل 05, 2010 7:25 pm
مشاركات: 10942
مكان: المنصورة

شكرااا لكى لهلوبه موضوع عظيم جداااا

وننتظر منك المزيد ان شاء الله




لا اله الا الله محمد رسول الله



أعلى
رد مع اقتباس


 عنوان المشاركة: Re: دورة تعليم التريكو بالتفصيل مع الصورالدرس الأول**البداية
مرسل: السبت يونيو 19, 2010 9:53 pm 
غير متصل
مراقب عام
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة
اقتباس:
شكرااا لكى لهلوبه موضوع عظيم جداااا

وننتظر منك المزيد ان شاء الله

شكرا لوجودك وبإذن الله إنتظروا إبداع لهلوبه فى شرح التريكو واساسياته




دورة تعلم الكروشيه من البداية وحتى الإحتراف

صورة



أعلى
رد مع اقتباس


إرسال موضوع جديد الرد على الموضوع  [ 43 مشاركة ]  الانتقال إلى صفحة 1, 2, 3, 4, 5  التالي

أقرا ايضا
الدرس الثالث قفل الغرز لإنهاء العمل Casting off بالصور
الدرس الأول:الخيوط والإبر المستخدمة فى الكروشيه وانواعهما
الدرس الثالث:عمل عقدة البداية فى الكروشيه crochet slip knot
الدرس(17):غرزة المروحة fan stitch
الدرس(18):غرزة الصدفة shell stitch
الدرس(14):غرزة الفيشارة popcorn stitch
الدرس(13):غرزة البيكو picot stitch
الدرس(15):الغرزة المنتفخه puff stitch
الدرس(25):الغرزة الممتدة extended stitches
الدرس(30):التناقص فى الكروشيه Decreasing in crochet

تعليمات المشاركة
لا تستطيع كتابة مواضيع جديدة في هذا المنتدى
لا تستطيع كتابة ردود في هذا المنتدى
لا تستطيع تعديل مشاركاتك في هذا المنتدى
لا تستطيع حذف مشاركاتك في هذا المنتدى
لا تستطيع إرفاق ملف في هذا المنتدى
لهلوبه - أعلى

Powered by phpBB® Forum Software © phpBB Group
ترجم بواسطة phpBBArabia
phpbb_seo