إرسال موضوع جديد الرد على الموضوع  [ 3 مشاركة ] 
الكاتب رسالة
 عنوان المشاركة: المناقيش من مطبخى مروى الشافعى بالجبنة و الزعتر الناشف الطريقة بالتفصيل و الصور
مرسل: الأربعاء يناير 25, 2017 6:17 pm 
غير متصل
مراقب عام
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة

المناقيش من مطبخى مروى الشافعى بالجبنة و الزعتر الناشف الطريقة بالتفصيل و الصور



بسم الله الرحمن الرحيم

المناقيش من مطبخى مروى الشافعى بالجبنة و الزعتر الناشف الطريقة بالتفصيل و الصور

صورة

صورة

المقادير ..
عجينة المناقيش. ...
2 و نص كوب دقيق ..
معلقة صغيرة من الخميرة الفورية. .
معلقة صغيرة من السكر ...
2 معلقة كبيرة زيت زيتون ... لو معندكيش استخدمى اى زيت ... بس طبعا بزيت الزيتون أحلى كتيييييير و بيفرق فى الطعم جدااااا
رشة ملح ...
تقريبا كباية من المية الدافية ممكن تزيد شوية أو تقل شوية حسب نوع الدقيق. .. انا بستخدم دقيق اسمة خمس نجوم لجميع الاستخدامات حلو جدا
و بس خلاص

صورة

أول حاجة رشة ملح و قلبى الدقيق ..

صورة

حطى الخميرة و اتأكدى من تاريخ الإنتاج و الانتهاء علشان الخميرة تكون حلوة و العجينة متبظش. ..و حطى السكر كمان ..

صورة

و زيت الزيتون ....

صورة

و المية الدافية ... حطى المية بالتدريج علشان تكونى مسيطرة ....

صورة

لمى العجينة كويس بأيدك ...

صورة






دورة تعلم الكروشيه من البداية وحتى الإحتراف

صورة



أعلى
رد مع اقتباس


 عنوان المشاركة: Re: المناقيش من مطبخى مروى الشافعى بالجبنة و الزعتر الناشف الطريقة بالتفصيل و الصور
مرسل: الأربعاء يناير 25, 2017 6:27 pm 
غير متصل
مراقب عام
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة

رشى شوية دقيق على الرخامة و نزلى العجينة و لميها و اعجنيها شوية حلوين بأيدك يعنى تقريبا خمس دقايق ... اهريها عجن لغاية متكون متجانسة و طرية

صورة

غطيها بكلينج فيلم و سبيها ترتاح من ساعة لساعة و نص علشان تتخمر و يتضاعف حجمها. ..

صورة

بعد ما اتخمرت و بقلظت

صورة

رشى دقيق على الرخامة و نزلى العجينة براحة من غير ما تعجنى فيها علشان منخرجش الهوا الجواها ... و قطعيها بالسكينة أجزاء صغيرة و كل جزء من العجينة بططية بصوبعك و اعملى شكل دايرة صغير و افرديها و رفعيها و تكون ايدك فيها زيت الزيتون. ..

صورة

هاتى صينية فرن و ادهنيها زيت زيتون و رصى دواير العجين .. لو بتحبى المناقيش رفيعة يبقى رققى سمك العجين

صورة

هنحضر بقى حشو الزعتر .... و دة بيكون زعتر ناشف تقريبا 4 معالق كبار ....

صورة

و عليهم معلقة كبيرة سمسم ....

صورة

و معلقة كبيرة سماق. ...لو معندكيش سماق خلاص متقلقيش مفيش مشكلة ... بلاها سماق

صورة

و عليهم بقى معلقتين كبار من زيت الزيتون أو يمكن اكتر شوية ...

صورة

و قلبيهم كويس بصوبعك عوزين معجون حلو و الزيت باين فية كويس ....

صورة




دورة تعلم الكروشيه من البداية وحتى الإحتراف

صورة



أعلى
رد مع اقتباس


 عنوان المشاركة: Re: المناقيش من مطبخى مروى الشافعى بالجبنة و الزعتر الناشف الطريقة بالتفصيل و الصور
مرسل: الأربعاء يناير 25, 2017 6:33 pm 
غير متصل
مراقب عام
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة

افردى بقى حشو الزعتر على العجين و دوسى كويس علشان يمسك فى العجينة. ..

صورة

و اعملى حشو الجبنة بقى ... هيكون جبنة فيتا. . أو أى جبنة تانية زى جبنة عكاوى أو حلوم أو شيدر برحتك ....

صورة

حطى الجبنة على العجين و اضغطى كويس ...

صورة

و آخر حاجة جبنة موتزاريلا من فوق على فكرة انتى ممكن تغيرى و تألفى فى الحشو بتاع المناقيش و تحطى اى حاجة برحتك ... زى لحمة مفرومة أو زيتون شرايح قلفى بقى و حطى العندك فى التلاجة ....

صورة

كدة عملنا مناقيش الزعتر و مناقيش الجبنة دخليهم بقى فرن سخن على درجة 180 تقريبا من 12 الر 13 دقيقة لما تلاقى الجبنة ساحت و من تحت العجينة اخدت لون خفيف ...

صورة

بعد ما طلعتها من الفرن رشى بقى من فوق بقدونس مثلا

صورة

عجينة ناجحة جدااا و غرقانة فى زيت الزيتون مخلى طعمها تحفة و ريحة الزعتر مع السمسم و السماق خطيرة ...

صورة

الجبنة الموتزاريلاااااااا

صورة

جربوها فى العشاء أو الفطار أو فى الحفلات و تنفع فى المدرسة ... يا رب تعجبكم. .. اعملى أكل بنفسك و بأيدك الحلوين أولادنا يستهلوا نتعب علشنهم شوية فى المطبخ

صورة

صورة




دورة تعلم الكروشيه من البداية وحتى الإحتراف

صورة



أعلى
رد مع اقتباس


إرسال موضوع جديد الرد على الموضوع  [ 3 مشاركة ] 

أقرا ايضا
الفطير باللحمة على البوتجاز من مطبخ مروة الشافعى الطريقة بالتفصيل و الصور
عجينة البيتزا و البيتزا كون (القرطاس) من مطبخ مروى الشافعى بالخطوات
برك بالجبنة ، خطوات عمل برك الجبنة ، وصفة برك بالجبنة
تارت بالجبنة والبسطرمة
برك بالجبنة ، طريقة تحضير برك الجبنة خطوة بخطوة فيديو
الباتية المورق بحشو العجوة و الجبنة من مطبخ مروة الشافعى بالصور
طريقة عمل سمبوسك على الطريقة الهندية
طريقة عمل عيش باللحم على الطريقة السعودية
فطيرة اللحم بالعجين على الطريقة السعودية
فطائر محشوة باللحم على الطريقة السعودية

تعليمات المشاركة
لا تستطيع كتابة مواضيع جديدة في هذا المنتدى
لا تستطيع كتابة ردود في هذا المنتدى
لا تستطيع تعديل مشاركاتك في هذا المنتدى
لا تستطيع حذف مشاركاتك في هذا المنتدى
لا تستطيع إرفاق ملف في هذا المنتدى
لهلوبه - أعلى

cron
Powered by phpBB® Forum Software © phpBB Group
ترجم بواسطة phpBBArabia
phpbb_seo