إرسال موضوع جديد الرد على الموضوع  [ 40 مشاركة ]  الانتقال إلى صفحة 1, 2, 3, 4  التالي
الكاتب رسالة
 عنوان المشاركة: الدرس(3):إبر وأدوات وإكسسوارات التريكو
مرسل: الأحد مارس 02, 2014 10:43 pm 
غير متصل
مراقب عام
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة

الدرس(3):إبر وأدوات وإكسسوارات التريكو



بسم الله الرحمن الرحيم

صورة

الدرس(3)

إبر وأدوات وإكسسوارات التريكو

صورة

أولا

(إبر التريكو)

إبر التريكو تختلف على حسب 3 نقاط
1/ نوع الإبرة
2/ خامة الإبرة
3/ مقاس الإبرة

...........

(1)
**أنواع إبر التريكو**

إبر التريكو عبارة عن 3 أنواع ومهم نعرف إسم كل نوع بالإنجليزى علشان نفهم الباترون عاوز إبرة نوعها إيه

النوع الأول هو الإبر مدببة الطرف الواحد

Straight
أو
Pointed needle
أو
Single pointed needle

وهذا النوع يكون عبارة عن زوج من الإبر المستقيمة وتكون الإبرة مدببة من طرف واحد ومغلقة من الطرف الأخر

وهو من أكثر الأنواع إستخداما

وهذا النوع من الإبر يمكن الشغل عليه أمام وخلف العمل ولا يمكن الشغل عليه دائرى لأن الشغل الدائرى يتطلب أن تكون الإبرة مفتوحة من الناحيتين

والشغل أمام وخلف العمل والشغل الدائرى هنتعرف عليهم بشكل أكبر خلال الدورة إن شاء الله

صورة

...

النوع الثانى هو الإبر مدببة الطرفين

Double pointed needle

وهذا النوع يكون مدبب من الطرفين ويأتى فى مجموعة مكونة من 4 أو 5 إبر

وتستخدم هذه الإبر غالبا فى عمل الشرابات والجوانتيات والقبعات

وهذا النوع من الإبر يمكن الشغل عليه أمام وخلف العمل وأيضا دائرى

صورة

...

النوع الثالث هو الإبر الدائرية

Circular needle

وهذا النوع يكون عبارة عن قطعة واحدة وتتكون من إبرتين مدببتين ويصل بينهم سلك مرن من النايلون كما هو موضح فى الصورة

وهذا النوع من الإبر يمكن الشغل عليه أمام وخلف العمل وأيضا دائرى

أيضا الإبر الدائرية منها نوعين

النوع الأول وهو الإبرة الثابتة Fixed Circular needle
ودى بتبقا قطعه واحدة الابرتين والسلك اللى فى المنتصف كله متصل ولا يمكن فك القطع عن بعضها ودى من عيوبها إن بعض الماركات بيبقا الجزء الواصل بين الإبر والسلك مش إنسيابى فالغرز بتتحشر فى الجزء ده وبتعطل الشغل

صورة

أما النوع الثانى وهو الإبرة المتغيرة Interchangeable Circular needle
ودى جميلة جدا وبتيجى شنطة أو مجموعه مع بعضها عبارة عن كذا إبرة بكذا مقاس وايضا عدد من الأسلاك بأطوال مختلفة وبتركبى السلك على الإبرة وتقدرى تفكى وتركبى القطع زى ماإنتى عاوزة وبتبقا القطع كلها إنسيابية مع بعضها والشغل عليها قمة السهولة والمتعة بس عيبها الوحيد إنها غاليه جدااا

صورة

........

فيه كمان ملاحظة بالنسبة لسن الإبرة أو الطرف المدبب
هنلاقى الطرف ده إما يكون حاد ورفيع أو غير حاد ومدور كما مبين فى الصورة

صورة

وبتختارى السن على حسب الشغل فعلى سبيل المثال إذا كنتى هتشتغلى قطعة مليئة بالضفائر أو غرز اللاسيه فيفضل أن تختارى الإبرة ذو السن الحاد
أيضا بتختارى السن على حسب راحتك وتمكنك أثناء العمل فهناك البعض يحب أن تكون غرز التريكو محكمة جدا على الإبرة فى هذه الحالة يفضل أيضا أن تختارى الإبرة ذو السن الحاد

**تنبيه هام **
فى كل الأحوال يجب الحرص التام على عدم ترك الإبر أمام الأطفال فالكثيرون يعتقدون أن إبر التريكو آمنه وهذا غير صحيح فبرجاء الحرص .. حفظ الله أولادنا من كل سوء






دورة تعلم الكروشيه من البداية وحتى الإحتراف

صورة



أعلى
رد مع اقتباس


 عنوان المشاركة: Re: الدرس(3):إبر وأدوات وإكسسوارات التريكو
مرسل: الأحد مارس 02, 2014 10:44 pm 
غير متصل
مراقب عام
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة

(2)
**خامات إبر التريكو**

كل نوع من أنواع الإبر السابق ذكرها يصنع من أربع خامات فهناك
1/ إبر معدنية Metal
2/ إبر بلاستيك Plastic
3/ إبر خشب Wood
4/ إبر خيزران Bamboo

>>>>>

أولا
الإبر المعدنية
Metal Needles

وتكون مصنوعة غالبا من الألومنيوم أو النحاس ومنها ماهو مطلى وأخر غير مطلى

دى الإبر الغير مطلية

صورة

وأنا بفضل النوع ده لأنها بتبقا سريعة فى الشغل والغرز بتجرى على الإبر دى من نعومتها وإنسيابتها وده ممكن يكون ميزة للمحترفين ولكن برضه ممكن تكون عيب للمبتدئين اللى بيحبوا يشتغلوا براحة وببطئ

..

ودى الإبر المطلية

صورة

ونصيحة منى إبتعدوا قدر الإمكان عن الإبر المطلية لأنها أسوأ أنواع الإبر خصوصا الصينى لأنها مع الإستخدام بتقشر وبتنتش الخيط وممكن تقطعه كمان



..............

ثانيا
الإبر البلاستيك
Plastic needles

من مميزاتها إنها خفيفة الوزن ورخيصة الثمن
ولكن من عيوبها إنها بتبوظ بسرعة وبتنكسر وممكن تتأثر بالحرارة وتسيح
وهيا مناسبة جدا لتعليم الأطفال

صورة

..............

ثالثا
الإبر الخشبية
Wooden needles

من أفضل الأنواع على الإطلاق فهيا تتميز بنعومتها وقوتها فهيا تبقى طويلا محتفظة برونقها
وهيا أغلى ثمنا من باقى الأنواع كما أنها ندرة فى الأسواق

صورة

صورة

صورة

..............

رابعا
إبر الخيزران
Bamboo needles

وهيا شبيه بالإبر الخشبيه ولكن مصنوعه من أشجار الخيزران وتكون أخف وزنا و أرخص ثمنا من الخشبية
وهيا مثالية للمبتدئين
ولكنها أيضا نادرة فى الأسواق

صورة




دورة تعلم الكروشيه من البداية وحتى الإحتراف

صورة



أعلى
رد مع اقتباس


 عنوان المشاركة: Re: الدرس(3):إبر وأدوات وإكسسوارات التريكو
مرسل: الأحد مارس 02, 2014 10:45 pm 
غير متصل
مراقب عام
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة

(3)
**مقاس إبر التريكو**

_ مقاس الإبرة معناه قطر الإبرة بالمللى

_ المقاسات المتوفرة من إبر التريكو تتراوح من 2 مللى وحتى 16 مللى

_ طبعا مهم جداااااااااا إننا نعرف مقاس الإبرة اللى بنشتريها وغالبا بيبقا مكتوب على الإبرة مقاسها أو على الغلاف اللى فيه الإبرة ولكن فى بعض الإبر مابيبقاش مكتوب عليها المقاس زى الدائرية ومدببة الطرفين ولذلك لازم يكون معانا المسطرة دى

إسمها مسطرة القياس
Needle/Stitch Gauge

صورة

وزى ماإنتوا شايفين فى الصورة هيا عبارة عن دواير بأقطار مختلفة وكل دائرة مكتوب قدامها قطرها فلو عندك إبرة مش عارفة مقاسها ممكن تدخليها فى الدواير دى علشان تعرفى مقاسها بالظبط

كمان المسطرة دى مفيدة فى قياس الوحدة = عدد الغرز×عدد السطور فى عينة 10 ×10سم

صورة

زى الصورة المسطرة فيها فتحة على شكل زاوية قايمة طولها 10 سم وعرضها 10 سم كل اللى عليكى انك تحطى الفتحة دى على العينة بتاعتك وتعدى عدد الغرز بالعرض× عدد السطور بالطول


..........

فى كمان نقطة أخيرة بالنسبة لمقاس الإبر

الإبر كمان مش بس بتختلف فى قطرها ولكن كمان بتختلف فى أطوالها فكل نوع من الأنواع الثلاثة يحتوى على أطوال مختلفة

ولكن الطول مابيفرقش معانا قوى غير فى حالة الإبر الدائرية لازم نلتزم بطول الإبرة اللى الباترون طالبه وطول الإبر الدائرية بيتقاس من سن الإبرة إلى سن الإبرة المقابلة مرورا بالسلك اللى فى النص




دورة تعلم الكروشيه من البداية وحتى الإحتراف

صورة



أعلى
رد مع اقتباس


 عنوان المشاركة: Re: الدرس(3):إبر وأدوات وإكسسوارات التريكو
مرسل: الأحد مارس 02, 2014 10:45 pm 
غير متصل
مراقب عام
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة

ثانيا

( أدوات التريكو)

هناك أدوات أخرى تكميلية بنستخدمها فى شغل التريكو سأستعرضها معكم بالتفصيل طبعا فيها حاجات ممكن نلاقيها فى الأسواق وأدوات أخرى مش موجودة ممكن إستبدالها بأشياء بسيطة فى متناول إيدينا

(1)

إبرة الضفيرة
Cable needle

هيا إبرة بنستخدمها أثناء شغل التريكو اللى بيحتوى على ضفائر وطبعا أثناء الدورة هنعرف إزاى بنستخدمها

وعامة هيا إبرة مفتوحة أو مدببة من الطرفين ومعوجة من المنتصف علشان الغرز ما تقعش أو ماتتزحلقش من عليها ولها ثلاث أشكال بس كلهم نفس الإستخدام يعنى الشكل مش هيفرق فى حاجه

صورة

الشكل A بيسمى J-Hook Cable Needle
الشكل B بيسمى Bird’s Wing or Bird’s Beak Cable Needle
الشكل c بيسمى Regular Cable needle

وإبرة الضفيرة ليها مقاسات زى إبر التريكو العادية وأثناء الشغل بنستخدم مقاس إبرة الضفيرة نفس مقاس الإبر اللى إحنا بنشتغل بيها

وكمان بتبقا مصنوعة من نفس الخامات المصنوعة منها إبر التريكو العادية وبينطبق عليها نفس المميزات ونفس العيوب لكل خامة

وغالبا إبرة الضفيرة بتبقى مش متوفرة فى الأسواق وحتى لو موجودة مش هنقدر نجيب كل المقاسات وللسبب ده بستبدلها بإبرة تريكو مدببة الطرفين

صورة

................

(2)

ماسك الغرز
Stitch holder

بنستخدمه لركن بعض الغرز مؤقتا أثناء الشغل وتأمينها من الإنزلاق

له أشكال ومقاسات كتير

صورة

صورة

صورة

صورة

ويمكن إستبدالها بأى مشبك أو حتى بنسة شعر إنتوا وإبداعاتكم بقا يالهلوبات

صورة

..............

(3)

علامات الغرز
Stitch Markers

بنستخدمها لتعليم منطقة معينة أو غرزة معينة أثناء الشغل

ودى بقا أشكال وألوان لا حصر لها بس عامة بتكون إما حلقة مغلقة بنضعها ونشيلها أثناء الشغل وفيه منها حلقات مفتوحة يمكن وضعها وإزالتها بعد الإنتهاء من العمل سأستعرض معاكم بعضها

صورة

صورة

صورة

صورة

صورة

وطبعا إحنا ممكن نستغنى عنها ونستبدلها بأى حاجدة زى دبابيس المشبك او أى حاجه نعلم بيها

................

(4)

حامى الأطراف
point protector

طبعا إحنا بنقعد نشتغل فى قطعة التريكو أكثر من يوم وكمان على فترات متقطعة على مدار اليوم وساعات لما بتركنى الشغل وترجعى تشتغلى مرة تانية بتلاقى الغرز إتسلتت من على الإبرة علشان كدا عملوا حاجه إسمها حامى الأطراف ودى زى السدادة بنسد بيها طرف الإبرة علشان تحمى الغرز من الإنزلاق

صورة

................

(5)

مكوك الخيط
Yarn Bobbins

بنستخدمها لو بنشتغل قطعة تريكو فيها تداخل ألوان كتير وأهميتها إنها بتحافظ على الخيوط من التشابك والتداخل أثناء الشغل

صورة

صورة

صورة

صورة

...............

(6)

صانعة كرات الصوف
pompom makers

عبارة عن ألة بسيطة وبنستخدمها بطريقة معينة لعمل كرة من الصوف تعالوا نشوف الصور
وفى طريقة بسيطة بدون حاجه للألة دى هبقا أشرحهالكم بعدين خلال الدورة

صورة

صورة

صورة

صورة




دورة تعلم الكروشيه من البداية وحتى الإحتراف

صورة



أعلى
رد مع اقتباس


 عنوان المشاركة: Re: الدرس(3):إبر وأدوات وإكسسوارات التريكو
مرسل: الأحد مارس 02, 2014 10:46 pm 
غير متصل
مراقب عام
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة

(7)

شريط قياس ( مازورة )
Tape measure

هنحتاجها فى أخذ المقاسات ومهم إننا نجيبها بناحيتين الأولى بالسنتيميتر والناحية الأخرى بالإنش لأن فى باترونات كتير مقاساتها بالإنش

صورة

..........

(8)

مقص
Scissor

طبعا هنحتاجه أثناء الشغل
فيه مقص بيطبق حلو قوى وآمن كمان

صورة

..........

(9)

إبرة إيتامين وإبرة منحنية
Tapestry & bent needle

صورة

هنحتاج إلى إبرة إيتامين وميزتها إنها بعين واسعة وسن غير حاد (علشان كدا محدش يستخدم إبرة الخياطة العادية لانك اولا مش هتعرفى تدخلى خيط التريكو فيها وكمان سنها حاد ممكن ينتش الخيط ويبوظه)

هنستخدمها فى خياطة القطع ببعضها أو خياطة الزراير وكمان التطريز على التريكو وغيرها من المجالات

كمان فيه إبرة مخصصة للتريكو بتبقا منحنية من تحت بتسهل عمليه الخياطة وتوصيل القطع ببعضها

صورة

صورة

............

(10)

إبرة كروشيه
Crochet Hook

هنحتاجها فى لقط الغرز الساقطة أو فى لقط غرز حول الرقبة لشغل الكوله أو لعمل حواف كروشيه وغيرها من الإستخدامات

صورة

صورة

............

(11)

عداد السطور
Row counter

وبنستخدمة لمعرفة إحنا فى السطر الكام
كل مانشتغل سطر نظغط على زرار +

صورة

صورة

...........

(12)

دبابيس خياطة
dressmaking pins

هنحتاجها فى تشبيك القطع ببعضها لخياطتها أو لتثبيت القطع بعد الإنتهاء منها على سطح افقى لتظبيط المقاس

صورة

............

(13)

نوتة ملاحظات

طبعا كلكم بتقولوا دلوقتى إيه الهيافة دى ما اللاب والأى باد موجودين مش محتاجين النوته بس دى مهمة وانا بحبها لأنك مش ضامنه الجهاز بتاعك ممكن تضيع من عليه كل المعلومات وكمان أثناء الشغل بتحتاجى تدونى ملحوظه أو حاجه هتعمليها علشان ماتنسيهاش أو أى ملاحظة صغيرة ممكن تكتبيها وكمان تبقا مرجع ليكى بعد كدا لو إحتاجتى تعملى نفس الموديل

صورة

.............

(14)

فى النهاية هنحتاج شنطة علشان نجمع فيها كل الأدوات السابقة وكمان الخيوط المستخدمة
ممكن تستخدمى أى شنطة عندك حتى لو بلاستيك وتنظمى فيها أدواتك

ومهم يالهلوبات إننا نحافظ على نظافة وترتيب أدواتنا علشان ده بيأثر على الراحة النفسية أثناء الشغل وبيسهل عليكى تلاقى الحاجه اللى إنتى عاوزاها بسهولة

صورة

كمان أثناء الشغل من المهم إننا نحافظ على نظافة الخيط مش نسيب البكرة مرمية على الأرض
شوفوا الأفكار الحلوة دى

صورة

صورة

صورة

صورة

..............

صورة

Julia Hopson دخلت إلى موسوعة غينيس العالمية لحياكتها عينة من التريكو 10 × 10 سم بإستخدام أضخم إبر فى العالم قطرها 6.5 سم وطولها 3.5 متر

.............

لمشاهدة الدرس على اليوتيوب

https://youtu.be/5LxXfV7V32Y

بكدا أحبائى نكون إنتهينا من الدرس الثالث
إنتظرونى فى الدرس القادم إن شاء الله وهيبقا بداية للدروس العمليه يعنى هنطبق بإيدينا كل درس

عاوزاكوا تحضروا إبرة تريكو مقاس 4 مللى أو أى مقاس متوفر عندكوا وخيط رخيص الثمن عشان هنجرب نشتغل بيه

فهرس دورة تعلم التريكو من البداية وحتى الإحتراف




دورة تعلم الكروشيه من البداية وحتى الإحتراف

صورة



أعلى
رد مع اقتباس


 عنوان المشاركة: Re: الدرس(3):إبر وأدوات وإكسسوارات التريكو
مرسل: الاثنين مارس 03, 2014 11:51 pm 
غير متصل
عضو جديد
عضو جديد
اشترك في: الجمعة إبريل 16, 2010 5:55 pm
مشاركات: 24
معلومات وافيه وقيمة جزاك الله خيرا


أعلى
رد مع اقتباس


 عنوان المشاركة: Re: الدرس(3):إبر وأدوات وإكسسوارات التريكو
مرسل: الثلاثاء مارس 04, 2014 7:46 am 
غير متصل
عضو متالق
عضو متالق
اشترك في: الثلاثاء مارس 12, 2013 8:24 pm
مشاركات: 655
رررررررررررررررررررررررررررررررروعة استاذة لهلوبة ........... الدرس خطيييييير


أعلى
رد مع اقتباس


 عنوان المشاركة: Re: الدرس(3):إبر وأدوات وإكسسوارات التريكو
مرسل: الثلاثاء مارس 04, 2014 10:09 am 
غير متصل
مراقب عام
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة
تيتا نؤنؤ كتب:
معلومات وافيه وقيمة جزاك الله خيرا


جزانا وإياكى تيتا وإنتظرى تكملة الدرس



ميرفت كتب:
رررررررررررررررررررررررررررررررروعة استاذة لهلوبة ........... الدرس خطيييييير


انتى الأجمل حبيبتى
منورة والله الدرس ولسه فيه تكمله على فكرة ياريت تبقى تدخلى تانى وتشوفيها




دورة تعلم الكروشيه من البداية وحتى الإحتراف

صورة



أعلى
رد مع اقتباس


 عنوان المشاركة: Re: الدرس(3):إبر وأدوات وإكسسوارات التريكو
مرسل: الثلاثاء مارس 04, 2014 5:11 pm 
غير متصل
عضو فعال
عضو فعال
اشترك في: الجمعة يوليو 19, 2013 6:15 pm
مشاركات: 277
كالعادة معلومات مهمة جدا وحلوة ومفيدة وانا عجبتني موضوع الكراتين اللي بنحفظ فيها الخيوط حاجة جميلة فعلا :)ش


أعلى
رد مع اقتباس


 عنوان المشاركة: Re: الدرس(3):إبر وأدوات وإكسسوارات التريكو
مرسل: الثلاثاء مارس 04, 2014 5:38 pm 
غير متصل
مراقب عام
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة
lolo92 كتب:
كالعادة معلومات مهمة جدا وحلوة ومفيدة وانا عجبتني موضوع الكراتين اللي بنحفظ فيها الخيوط حاجة جميلة فعلا :)ش


منورة الدرس ياقمر
بالتوفيق إن شاء الله




دورة تعلم الكروشيه من البداية وحتى الإحتراف

صورة



أعلى
رد مع اقتباس


إرسال موضوع جديد الرد على الموضوع  [ 40 مشاركة ]  الانتقال إلى صفحة 1, 2, 3, 4  التالي

أقرا ايضا
الدرس الأول لتعليم التريكو
الدرس(1): تعريف وتاريخ التريكو
الدرس(2):الخيوط المستخدمة فى التريكو
الدرس(5):البداية فى التريكو للمبتدئين casting on
الدرس(10): قفل الغرز فى التريكو للمبتدئين Bind off/Cast off
الدرس(4):عقدة البداية فى التريكو Slip Knot
الدرس(14): بداية التريكو بطريقة الضفيرة Cable cast on
الدرس(17): بداية التريكو بطريقة الذيل الطويل Long tail CO
الدرس(15): بداية التريكو بطريقة الضفيرة المعكوسة Reversed Cable CO
الدرس(13): بداية التريكو بطريقة الغرزة العدلة والمقلوبة المتبادلة Alternating CO

تعليمات المشاركة
لا تستطيع كتابة مواضيع جديدة في هذا المنتدى
لا تستطيع كتابة ردود في هذا المنتدى
لا تستطيع تعديل مشاركاتك في هذا المنتدى
لا تستطيع حذف مشاركاتك في هذا المنتدى
لا تستطيع إرفاق ملف في هذا المنتدى
لهلوبه - أعلى

cron
Powered by phpBB® Forum Software © phpBB Group
ترجم بواسطة phpBBArabia
phpbb_seo