إرسال موضوع جديد الرد على الموضوع  [ مشاركة واحده ] 
الكاتب رسالة
 عنوان المشاركة: طريقة عمل الجمبرى بالخلطة السحرية
مرسل: الأحد سبتمبر 16, 2012 5:38 am 
غير متصل
مراقب عام
مراقب عام
اشترك في: الاثنين إبريل 05, 2010 7:25 pm
مشاركات: 10934
مكان: المنصورة

طريقة عمل الجمبرى بالخلطة السحرية



طريقة عمل الجمبرى بالخلطة السحرية

المقادير

كيلو جمبري وسط كبير لو عايزة جامبو مافيش مانع يعني
بصلة كبيرة مقطعة معكبات صغيييرة
طماطم كبيرة مقطعة مكعبات صغييييرة
فلفل رومي كبيرة مقطعة مكعبات صغيييرة
ملعقة صغيرة ثوم مهروس
ملح
فلفل
نصف ملعقة صغيرة كمون
اقل من نصف ملعقة صغيرة زعتر
اقل من ربع كوب خل
عصير ليمونة
شوية زيت

الطريقة

الطريقة:


انا هقولكم بالمرة علي طريقة تنضيف الجمبري علشان كنت بضًيًع نصف الجمبرياية في التنضيف
المفروض انت بتقولي للراجل ينظفلك ضهر الجمبري
طيب لو ما نظفهوش
زي الشاطرة كده تجيي الجمبري من ظهره و بمقص صغير تقصي القشر من الراس للذيل
(ماتقصيش الذيل طبعا)


صورة


و تشرطي شرطة بالسكين بالراحة في مكان االعمود الفقري بتاع الجمبري في لحم الجمبري نفسه
(طبعا هو مالوش عمود فقري بس انا بحاول اوضحلك الصورة)


صورة


هتلاقي زي عرق كده هو ده امعاء الجمبري
شيلية طبعا

صورة

عايزة افكركم اني ماشلتش الراس
(علشان الست اللي في الصور شالتها)
هتلاقي في راس الجمبري مادة كده لونها اصفر او برتقالي
اوووعي تشيليها
بيقولوا عليها البطروخ بتاع الجمبري و هي اللي فيها الفايدة كلها
بس كده خلاص
و تنقعي الجمبري في ماية فيها دقيق و ملح و ليمون
(بس كتري الليمون)
و تسيبيه شوي علشان الزفارة
(10 دقائق مثلا)
انا كده ماقشرتش الجمبري
الصينية ديه بتكون احلي كده
طبعا ممكن تستخدمي المقشر مافيش مشكلة
نحط كل الحاجات الحلوة اللي عملناها في المقادير ديه مع الجمبري في صينية او طاسة كبيرة و نقلب كويس
و نحطها علي البوتاجاز من فوق
(مش محتاج فرن لانه مش بيخد وقت)
و تغطيها و كل فترة تقلبي
هينزل مايته كلها و بعدين يشربها و كده خلاص نكون خلصنا
التسوية مابتكملش ربع ساعة
ممكن طبعا يتاكل كده من الصينية
يمكن عمل رز ابيض بجانبه
و احط منه علي الرز و شوية صوص و الرز يكون طعمه تححححفة
ممكن من غير رز خااالص و جنبه سلطات و خلاص
و بالهنا و الشفا






لا اله الا الله محمد رسول الله



أعلى
رد مع اقتباس


إرسال موضوع جديد الرد على الموضوع  [ مشاركة واحده ] 

أقرا ايضا
طريقة عمل سمك فيليه بصوص الجمبرى
طريقه عمل الجمبرى المقلى
فراخ بالخلطة
رز بالخلطة على الطريقة المصرية
جمبرى بالبصل ، الجمبرى بالبصل ، خطوات عمل جمبرى مع البصل
الجمبرى بالارز الصينى
وصفة الجمبرى على الطريقة الاسكندرانية
طريقة عمل الفتة ، خطوات عمل فته الاعياد والمناسبات
طريقة عمل كفتة ، خطوات عمل الكفتة
طريقة عمل كباب حلة ، خطوات عمل لحم كباب الحلة

تعليمات المشاركة
لا تستطيع كتابة مواضيع جديدة في هذا المنتدى
لا تستطيع كتابة ردود في هذا المنتدى
لا تستطيع تعديل مشاركاتك في هذا المنتدى
لا تستطيع حذف مشاركاتك في هذا المنتدى
لا تستطيع إرفاق ملف في هذا المنتدى
لهلوبه - أعلى

Powered by phpBB® Forum Software © phpBB Group
ترجم بواسطة phpBBArabia
phpbb_seo