عنوان المشاركة: Re: الدرس(18):غرزة الصدفة shell stitch
مرسل: الأحد يونيو 19, 2011 10:19 am
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة
بسم الله الرحمن الرحيم
(1)
غرزة صدفة مكونه من عمودين+سلسلة+عمودين فى نفس الغرزة
ورمزها فى الباترون المرسوم بيكون بالشكل ده
وشكلها وسط الباترون
وتعالوا نشوف طريقة عملها ونركز فيها شوية
هنفترض إننا عاوزين نعمل غرزة صدفة فى أول السطر هنشتغل 3 سلاسل إضافيين ودول بيمثلوا إرتفاع لغرزة العمود المكونه لغرزة الصدفه (بمعنى لو هنعمل صدفه مكونه من غرز نصف عمود مثلا يبقا إرتفاعها يساوى سلسلتين بس وهكذا)
ثم نفوت غرزتين سلسلة ونلف الخيط لفة حول الإبرة وندخلها فى السلسلة الثالثة
هنشتغل غرزتين عمود فى نفس السلسلة ثم نشتغل غرزة سلسلة طايرة زى ما فى الصورة وبعدين نشتغل غرزتين عمود فى نفس السلسلة
ملاحظة مهمة جداا
الغرزتين اللى سبناهم قبل مانشتغل الصدفه دول عشان يعادلوا أول غرزتين عمود فى غرزة الصدفة والغرزة الثالثة اللى دخلنا فيها وهنشتغل فيها غرزة الصدفة دى تعادل غرزة السلسلة الطايرة فى غرزة الصدفة وبعد ما نخلص الصدفة هنفوت غرزتين كمان وندخل فى الثالثة ودول هيعادلوا اخر عمودين فى الصدفة) لاننا فى غرزة الصدفة وكمان فى المروحة اللى شرحناها فى الدرس السابق بنشتغل فى غرزة واحدة وفى النهايه بنجد عندنا 5 غرز فلو ماسبناش المسافات دى هنلاقى ان الشغل بيزيد معانا وكمان شكل الصدفه أو المروحة مش هيبقا مظبوط وهتبقا مكلكعه
والمسافات دى بتختلف على حسب عدد الغرز المكونه للصدفة فمثلا لو هنعمل صدفه مكونه من (3عمود+سلسلة+3 عمود) يبقا هنسيب 3 غرز قبل الصدفة ونشتغل فى الرابعه وبعدين هنسيب 3 غرز بعد الصدفة وهكذا
على عكس الغرز اللى فاتت زى الفيشارة والمنتفخه والعنقود كنا بنشتغل فى غرزة واحده وفى النهايه بيتبقا عندنا غرزة واحده فمكنش بيبقا عندنا مشكله فى المسافات بين الغرزة والتانيه يعنى كان ممكن نشتغل غرزة فيشارة مثلا فى كل الغرز بدون ترك مسافات
فى الرسمة التاليه بيوضح المكان اللى هندخل فيه عشان نعمل غرزة الصدفة التاليه
وواضح انه ترك 4 غرز سلسلة بين الصدفه الأولى والصدفه التانيه (يعنى فوت سلسلتين ودول يعادلوا اخر عمودين من الصدفه الاولى وفوت كمان سلسلتين ودول يعادلوا اول عمودين من الصدفه التانيه)
ويارب تكون النقطه دى وضحت عشان مهمه
وده شكل لغرزة الصدفة المكونه من عمودين+سلسلة+عمودين فى نفس الغرزة
عنوان المشاركة: Re: الدرس(18):غرزة الصدفة shell stitch
مرسل: الأحد يونيو 19, 2011 10:44 am
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة
بسم الله الرحمن الرحيم
(2)
غرزة صدفة مكونه من (3عمود+2سلسلة+3عمود) فى نفس الفراغ
رمزها فى الباترون المرسوم
وشكلها وسط الباترون المرسوم
وتعالوا نشوف شرحها
هنلف الخيط لفة على الإبرة وندخلها فى الفراغ زى مافى الرسم
الفراغ يحسب كغرزة واحده عند الشغل فيه بمعنى هنلاحظ إننا سبنا 3غرز(سلسلتين وغرزة حشو) قبل الصدفه ودول بيعادلوا أول 3 عماويد فى الصدفه وبعدين إشتغلنا فى الفراغ واللى حسبناه كأنه غرزة واحدة وده بيعادل غرزتين السلسلة الطايريين فى الصدفة ثم تركنا 3 غرز(غرزة حشو وسلسلتين)بعد الصدفه ودول بيعادلوا أخر 3 عماويد فى الصدفه
زى ما شرحت فى الرسم بالأرقام
هنشتغل 3 اعمده فى الفراغ ثم هنشتغل سلسلتين طايريين
ثم هنشتغل 3 اعمده مرة اخرى فى نفس الفراغ
ونبقا خلصنا اول غرزة صدفه
وزى ماشرحنا هنسيب 3 غرز بعد الصدفه ثم نشتغل فى الغرزة الثامنه غرزة حشو
وده شكل لغرزة صدفه مكونه من (3 عمود+سلسلتين+3عمود) فى نفس الفراغ
أتمنى يكون الدرس واضح وسهل وأى إستفسار أنا تحت أمركم
عنوان المشاركة: Re: الدرس(18):غرزة الصدفة shell stitch
مرسل: الاثنين يونيو 20, 2011 1:01 pm
عضو نشيط
اشترك في: الجمعة مايو 27, 2011 1:46 am
مشاركات: 144
مكان: القاهره/الهرم
الدرس واضح جدا والملحوظة كمان وبجد انا استفدت منك جدا ربنا يقومك بالسلامة وعلي فكرة انا خريجة اداب عبري وعندي 30سنة وعايشة في القاهرة متزوجة من سنة ونصف ونفسي ربنا يرزقني بالذرية الصالحة انا لاامارس اي عمل واعشق الكروشية وليس لي اي اصدقاء واتمني نكون اصحاب وارجوا ان تدعيلي ربنا يرزقني بالذرية الصالحة
ربي اوزعني ان اشكر نعمتك التي انعمت علي وعلي والدي وان اعمل صالحا ترضاه اللهم اني استودعك مافي رحمي فرده الي في وقته سليما معافي من غير زيادة اونقصان وحسن خلقه وخلقه واجعله من حفظة القران
عنوان المشاركة: Re: الدرس(18):غرزة الصدفة shell stitch
مرسل: الاثنين يونيو 20, 2011 1:12 pm
عضو نشيط
اشترك في: الجمعة مايو 27, 2011 1:46 am
مشاركات: 144
مكان: القاهره/الهرم
عندي سؤال بعد ماخلصت اول سطر بغرزة الصدفة تاني سطر هاشتغل في السلسلة اللي بين جزئي غرزة الصدفة وهاسيب نفس المسافة اللي سبتها في السطر اللي فات عشان تبقي غرزة الصدفة كلها فوق بعض والفراغ كلة فوق بعض صح ولا اية
ربي اوزعني ان اشكر نعمتك التي انعمت علي وعلي والدي وان اعمل صالحا ترضاه اللهم اني استودعك مافي رحمي فرده الي في وقته سليما معافي من غير زيادة اونقصان وحسن خلقه وخلقه واجعله من حفظة القران
عنوان المشاركة: Re: الدرس(18):غرزة الصدفة shell stitch
مرسل: الاثنين يونيو 20, 2011 9:19 pm
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة
امل محمد كتب:
الدرس واضح جدا والملحوظة كمان وبجد انا استفدت منك جدا ربنا يقومك بالسلامة وعلي فكرة انا خريجة اداب عبري وعندي 30سنة وعايشة في القاهرة متزوجة من سنة ونصف ونفسي ربنا يرزقني بالذرية الصالحة انا لاامارس اي عمل واعشق الكروشية وليس لي اي اصدقاء واتمني نكون اصحاب وارجوا ان تدعيلي ربنا يرزقني بالذرية الصالحة
إزيك يا أموله ده انا قلقت عليكى لما إتأخرتى فى دخول المنتدى
والحمد لله ان الدرس مفهوم
ومتشكرة على الدعوة الحلوة ويارب يرزقك بالذرية الصالحة وأصبرى إن الله مع الصابرين إذا صبروا وأحلى حاجة فى الدنيا إن يكون عندك هواية مفيدة تشغلى بيها وقتك وتنفعى بيها نفسك وإن شاء الله تعملى لولادك بإذن الكريم
بس إشمعنى أداب عبرى ولا انتى كاتباها غلط ؟ ده مجرد فضول ههههههه
عنوان المشاركة: Re: الدرس(18):غرزة الصدفة shell stitch
مرسل: الاثنين يونيو 20, 2011 10:24 pm
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة
امل محمد كتب:
عندي سؤال بعد ماخلصت اول سطر بغرزة الصدفة تاني سطر هاشتغل في السلسلة اللي بين جزئي غرزة الصدفة وهاسيب نفس المسافة اللي سبتها في السطر اللي فات عشان تبقي غرزة الصدفة كلها فوق بعض والفراغ كلة فوق بعض صح ولا اية
بصى ياجميل انتى بتشتغلى حسب الباترون اللى هتعمليه
انا بشرح بس طريقة عمل الغرزة نفسها عشان لو شوفتيها فى اى باترون تعرفى بتتعمل إزاى
مش شرط تبقا الغرز فوق بعضها فى كل السطور ومش شرط تبقا نفس نوع الغرزة فى كل سطر انا اقصد ان مفيش قوانين
وانا جبتلك مثال وحده بتحتوى على غرزة الصدفه
شوفى الباترون ده
عامل اول صدفه مكونه من عمودين+سلسلتين+عمودين فى نفس الفراغ
وفى السطر اللى بعده عامل صدفه مكونه من 3عمود+سلسلتين+3عمود فى نفس الفراغ
وفى السطر اللى بعده عامل غرزة مروحه مكونه من 8عماويد ففى نفس الفراغ
انا اقصد انه الباترون ممكن يحتوى على اكثر من نوع من الغرز وكل غرزة ليها طريقه وليها مسافات وحسابات مختلفه عن باقى الغرز
وانا هحاول ان شاء الله احط كذا نموذج للباترونات اللى بتحتوى على الغرز عشان الصوره توضح اكتر
عنوان المشاركة: Re: الدرس(18):غرزة الصدفة shell stitch
مرسل: الأربعاء يوليو 20, 2011 7:27 am
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة
وحده واقفه كتب:
مرحب لهلوبه انا طبقة على الى فهمته انشاء الله تطلع صح
اهلا وسهلا وحده واقفه
انا بقيت بنتظر تطبيقاتك وبستمتع بمشاهدتها
وتطبيقك جميل وصحيح بإذن الله
ولو فيه حاجه صعبة الفهم عليكى فى هذا الدرس او اى درس ياريت نتناقش فيها سويا
وعلى فكرة التطبيق على الباترون المرسوم اسهل بكتيييير من التطبيق على الباترون المكتوب وطبعا فى درس هيبقا مخصوص لتعلم كيفيه قراءة الباترونات المرسومه والمكتوبه باذن الكريم
لا تستطيع كتابة مواضيع جديدة في هذا المنتدى لا تستطيع كتابة ردود في هذا المنتدى لا تستطيع تعديل مشاركاتك في هذا المنتدى لا تستطيع حذف مشاركاتك في هذا المنتدى لا تستطيع إرفاق ملف في هذا المنتدى
