إرسال موضوع جديد الرد على الموضوع  [ 2 مشاركة ] 
الكاتب رسالة
 عنوان المشاركة: سؤال عن قياس الوحدة
مرسل: الأربعاء يناير 22, 2014 10:04 pm 
غير متصل
عضو فعال
عضو فعال
اشترك في: الجمعة يوليو 19, 2013 6:15 pm
مشاركات: 277

سؤال عن قياس الوحدة



بسم الله الرحمن الرحيم
انا عندي سؤال عن قياس الوحدة يفرق ايه في الشغل قصدي مثلا لو كان طالب مني قياس وحدة ١٠ في ١٠ = ١٥ في ١٠ مثلا يعني

مش المفروض قياس الوحدة هيفرق معاية في الابرة مش في الخيط بمعنى اخر هل مثلا لو جبت ١٠ سم من خيط صوف رفيع ١٠ سم من خيط صوف تخين واستخدمتهم في نفس الابرة هل كل واحد فيهم هيديني عدد غرز مختلف؟؟؟؟ ولما يوصل لعشرة سم في الطول هيديني عدد سطور مختلفة؟؟؟؟


يعني من الاخر قياس الوحدة هل من الممكن يفرق معاية في القياس يعني لو طول البلوزة مثلا ٢٠ سم هل لو استخدمت خيط بقياس وحدة مختلف عن اللي هو بيقوله ممكن يفرق معاية في موضوع حجم القطعة اللي بعملها؟؟؟

يعني هيفرق في ايه قياس الوحدة ؟؟؟؟




أعلى
رد مع اقتباس


 عنوان المشاركة: Re: سؤال عن قياس الوحدة
مرسل: الخميس نوفمبر 20, 2014 2:41 am 
غير متصل
مراقب عام
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة

بصى ياجميل انا هديلك مثال هيبسطلك الامور

نفترض انك شغاله على باترون قياس الوحده فى عينة 10 سم = 20 غرزة× 10 سطور وطالب انك تشتغلى بإبر مقاس 3 مللى

انتى بقا عندك 5 حالات و 5 نتائج

الحاله الاولى
انك تشتغلى بابر 3 مللى
وخيط بنفس قياس الوحده المطلوب

والنتيجه هيطلع المقاس مظبوط 100%

....

الحاله التانيه
انك تشتغلى بابر 4 مللى
وخيط بنفس قياس الوحده المطلوب

والنتيجه هيطلع المقاس اكبر م المقاس المطلوب

....

الحاله الثالثه
انك تشتغلى بابر 2 مللى
وخيط بنفس قياس الوحده المطلوب

والنتيجه هيطلع المقاس اصغر م المقاس المطلوب

....

الحاله الرابعه
انك تشتغلى بابر 3 مللى
وخيط أسمك من الخيط المطلوب (قياس الوحده مثلا= 15 غرزة× 8 سطور)

والنتيجه هيطلع المقاس اكبر وكمان الملمس اسمك من المطلوب

....

الحاله الخامسه
انك تشتغلى بابر 3 مللى
وخيط أرفع من الخيط المطلوب (قياس الوحده مثلا= 30 غرزة× 15 سطور)

والنتيجه هيطلع المقاس اصغر وكمان الملمس مرخى جدا عن المطلوب


..............

يعنى باختصار قياس الوحده بيعبر عن سمك الخيط وسمك الخيط بنختار على اساسه مقاس الابره يعنى هيا دائرة مغلقه لازم تظبطى سمك الخيط ومقاس الابرة زى الباترون علشان يديكى المقاس المظبوط والمطابق للباترون




دورة تعلم الكروشيه من البداية وحتى الإحتراف

صورة



أعلى
رد مع اقتباس


إرسال موضوع جديد الرد على الموضوع  [ 2 مشاركة ] 

أقرا ايضا
سؤال للهلوبة عن قياس الوحدة مهم اني اعرفه عشان لما اختبر قياس الوحدة :)
سؤال فى باترون
سؤال عن إسم غرزة
سؤال ضررررررررررررورى
سؤال فى حردة الباط
سؤال فى حردة الكم
سؤال شرح غرزه فى الكول
سؤال عن شرح حردة الباط
ارجوكم عندي سؤال مهم
سؤال عن اللفات فى التريكو

تعليمات المشاركة
لا تستطيع كتابة مواضيع جديدة في هذا المنتدى
لا تستطيع كتابة ردود في هذا المنتدى
لا تستطيع تعديل مشاركاتك في هذا المنتدى
لا تستطيع حذف مشاركاتك في هذا المنتدى
لا تستطيع إرفاق ملف في هذا المنتدى
لهلوبه - أعلى

Powered by phpBB® Forum Software © phpBB Group
ترجم بواسطة phpBBArabia
phpbb_seo