نفسى اتعلم التريكو رجاء ياخبيرات التريكو

انا اتعلمت الكروشيه من على النت ولما حبيت اتعلم التريكو عرفت الغرز الاساسيه بس لما جربت حسيت ان الغرز مش مرتبه ارجو النصيحه

بسم الله والصلاة والسلام على رسول الله .. وبعد اهلا لهلوبة جديدة متقاقيش من شغلك كلنا منا زيك كدة لازم يكون عندك صبر وتصميم وابدئى فى عمل عينات بالتريكو او بلوفر واييدك حاتنظبط فى الشغل واوعى تملى ولا تزهقى وبكرة تبقى استازة ورئيس قسم فى التريكو واعملى الشغل بغرزة عدلة مثلا وربنا يوفقك

حبيببتى أنا كنت زيك برضه بتعلم من النت و طبعا أنا لسة مبتدئة بس ح أقولك على شوية حاجات نفعتنى كتيير و لو فى خطأفى اللى ح أقوله أرجو منكى المعذرة و التصويب من الخبيرات


1- أكتشفت ان الشغل بأبر مقاسها اقل من المكتوب ع الخيط بيخلى الشغل أحلى يعنى مثلا لو مكتوب ع الخيط ان مقاس الابر 6 بشتغل بأبر مقاس 5 أو 5ز4
و الشغل بيطلع معايا زى الفل و الله


2- لو مش عارفة حاجة بسأل كتتييير و اللى ساعدنى فى كدة الاخت لهلوبة الله يبارك لها ما فيش س}ال الا و بتجاوب عليه



3- اليوتيوب روعة فى التعليم يعنى أى غرزة مش عارفاها بتدخلى ع اليوتيوب و فى المستطيل بتاع البحث بتكتبى اسم الغرزة الللى عايزة تعرفيها يعنى مثلا لو كتبتى ( غرزة الجرسيه ) ح يظهرلك فيديوهات كتيير بس أنا برضة اكتشفت انك لو عرفتى اسماء الغرز بالآنجليزية ده ح يكون أفضل و الفيديوهات الاجنبية اكثر اتقانا ع اليوتيوب
و أخيرا احب اقولك خليليكى متابعة المنتدى هنا لأن لهلوبة وعدت تعمل سكشن كامل عن الغرز و طرق تفقيل الشغل و الحردات خاص بايوتيوب علشان ما تدوريش و تتعبى
و كمان فى الشروحات اللى هية حطها أسماء الغرز بالانجليزية أنا اتعلمت منها الله يكرمها ....... معلش طولت عليكى و بالتوفيق ان شاء الله