إرسال موضوع جديد الرد على الموضوع  [ 94 مشاركة ]  الانتقال إلى صفحة 1, 2, 3, 4, 5 ... 10  التالي
الكاتب رسالة
 عنوان المشاركة: شرح برنامج View 32 CAD لعرض الباترونات وكيفية طباعتها
مرسل: الثلاثاء سبتمبر 21, 2010 6:39 pm 
غير متصل
مراقب عام
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة

شرح برنامج View 32 CAD لعرض الباترونات وكيفية طباعتها



بسم الله الرحمن الرحيم

برنامج View 32 CAD
وهوا برنامج لعرض الصور وطباعتها

الهدف من وجود هذا البرنامج فى هذا القسم من المنتدى (قسم الخياطه والتفصيل)
إنه يساعدنا على طباعة باترونات الخياطه فى البيت على ورق A4 لان طبعا كلنا عارفين ان اى باترون بتبقا مساحته كبيره وبالتالى مش هنقدر نطبعه كله على ورقه واحده وبالاستعانه بهذا البرنامج يمكننا تقسيم الباترون على ورق A4 ولصقها لعمل باترون متكامل

النهارده هشرح إزاى نسطب البرنامج ده

اولا ده لينك البرنامج
لتحميله إظغط على الرابط أدناه


حمل من هنا

البرنامج

عند الضغط هنلاقى الصندوق ده قدامنا هنضغط على بدء التحميل كما فى الصوره


صورة

اولا هنفك الملف المضغوط كما فى الصوره

صورة

وماننساش كتابة الباسورد عشان نقدر نفك الضغط
الباسورد هوا http://www.lahlooba.com

صورة

2/هنفتح الملف هنلاقى الايقونه الموجوده فى الصوره هنضغط عليها كليك يمين مرتين
3/هيفتح صندوق كما فى الرسم هنضغط التالى

صورة

4/هنكتب اسم المستخدم وليكن منتدى لهلوبه
5/هنكتب البلد
6/هنضغط التالى

صورة

7/هنضغط التالى تلقائيا

صورة

8/هنضغط التالى تلقائيا

صورة

9/هنضغط اوك

صورة

وبكدا يبقا انتهينا من تحميل البرنامج

وهنلاقى على سطح المكتب ايقونه مختصره تفتحلنا البرنامج على طول بمجرد النقر عليها مرتين

صورة

وإن شاء الله بكره هشرح ازاى نستخدم البرنامج وازاى نقوم بطباعه الباترون بواسطته

أجى بكره ألاقيكوا محملين البرنامج يا حلوين






دورة تعلم الكروشيه من البداية وحتى الإحتراف

صورة



أعلى
رد مع اقتباس


 عنوان المشاركة: Re: شرح برنامج View 32 CAD لعرض الباترونات وكيفية طباعتها
مرسل: الأربعاء سبتمبر 22, 2010 7:27 pm 
غير متصل
مراقب عام
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة

السلام عليكم ورحمة الله وبركاته

طبعا الناس الكسلانه محملتش البرنامج

المهم نكمل الشرح

هشرح النهارده كيفية إستخدام البرنامج

عشان نفتح البرنامج هنضغط كليك يمين مرتين على الايقونه المختصره اللى موجوده على سطح المكتب

والبرنامج هيبقا شكله كدا لما يفتح

صورة

1/هنضغط على قائمه File
2/ثم Open عشان نختار الباترون اللى هنفتحه زى ما مشروح فى الصوره

صورة

3/هيظهرلنا الصندوق ده وهيبقا فاتح على الباترونات الافتراضيه للبرنامج هنقوم احنا بالبحث عن الباترون اللى حملناه وحفظناه فى الكمبيوتر


صورة

4/وعشان الباترون المحفوظ يظهر لازم نختار من قائمه Files of tyeps هنختار All drawings

صورة

6/هنضغط على الباترون اللى ظهر كما فى الصوره او نحدده ونضغط اوك

صورة

7/الباترون هيبقا شكله كدا فى البرنامج وهتبقا الخلفيه سودا ودى الخلفيه الافتراضيه ودى مش بتظهر فى الطباعه ولا بتأثر على شكل الباترون ولكن ممكن تغيير الخلفيه السودا عشان نقدر نشوف ملامح الباترون كويس بالضغط على قائمه View

صورة

8/ونختار الاختيار التانى Background القائمه هتختفى ولكن الاختيار هيكون لسه نشط

صورة

9/هنضغط كليك يمين مره واحده على الخلفيه السودا هيظهر لينا بالته الوان كما فى الصوره
10/ هنختار اللون الابيض مثلا او اى لون تحبيه
11/ هنضغط اوك

صورة

12/ستتحول الخلفيه الى اللون الابيض كما فى الصوره ويمكننا رؤيه الباترون بوضوح

صورة




دورة تعلم الكروشيه من البداية وحتى الإحتراف

صورة



أعلى
رد مع اقتباس


 عنوان المشاركة: Re: شرح برنامج View 32 CAD لعرض الباترونات وكيفية طباعتها
مرسل: الأربعاء سبتمبر 22, 2010 8:07 pm 
غير متصل
مراقب عام
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة

بسم الله الرحمن الرحيم

نيجى بقا للطباعه ودى اهم نقطه فى الموضوع كله ولازم نركز فى النقطه دى

صورة

1/هنضغط على قائمة File
2/هنختار الإختيار Print من القائمه كما هوا موضح فى الصوره

صورة

هيظهر لينا الصندوق السابق وهوا صندوق الطباعه وينقسم إلى 5 أقسام رئيسيه

1/ Printer
اللى يهمنا فى القسم ده الاختيار preview وده هنضغط عليه بس بعد مانخلص تظبيط كل الاختيارات التاليه
والاختيار ده عند الضغط عليه هيعرضلنا شكل الباترون النهائى وتقسيمته على ورق A4 قبل طباعته عشان لو فيه حاجه غلط ممكن نلحقها ونعدلها قبل ما نطبع

كمان فى فى القسم ده عدد النسخ اللى احنا عاوزنها copies والافتراضى بتاعها نسخه واحده ممكن لو عاوزه اكتر من نسخه للباترون تغيرى الرقم فى المربع المقابل لكلمة copies

2/View to print
القسم ده لاختيار اى جزء من الباترون نريد طباعته والاختيار الافتراضى بتاعه Active windows وده اللى احنا عاوزينه فى الباترونات بتاعتنا اللى موجوده فى منتدى لهلوبه يعنى عنسيب القسم ده زى ماهو افتراضى ومش هنلعب فيه

3/Scaling
وهوالقسم المسؤل عن تحجيم الباترون ليتناسب مع الورق وافتراضيا البرنامج مختار Fit to page
ولكن يجب تغيير هذا الخيار عند الطباعه الى الاختيار التانى Scale factor وترك الارقام الافتراضيه كما هيا 1:1

4/Tiling
هذا القسم مسؤل عن عدد الورق اللى هيطبع عليه الباترون وده بيختلف من باترون الى اخر وهنجد مع كل باترون الارقام اللى هنحطها فى الثلاث مربعات الموجودين فى القسم ده
Horz عدد الاوراق الافقيه
Vert عدد الاوراق الراسيه
Overlap عدد التداخلات بين الاوراق

5/options
وده المسؤل عن شكل والوان الطباعه والاختيارات الفرضيه للبرنامج هيا دى اللى احنا عاوزنها وهنسيبها زى ماهيا
والبرنامج مختار Print white as black وايضا portrait

بعد الانتهاء من جميع الاختيارات هنضغط على preview فى اول قسم printer عشان نشوف شكل الباترون النهائى قبل الطباعه وبيظهر مقسم بخطوط حمرا راسيه وعرضيه ودى بتبقا شكل لورق A4

وفى النهايه بنضغط على مفتاح Ok الموجود فى نهايه الصندوق لطباعه الباترون

وبكدا نكون طبعنا الباترون على ورق A4 وبإذن الله بكره هشرحلكوا ازاى نلزق الورق جنب بعضه لعمل باترون متكامل ونبدا نرسم على القماش ونقص

سلام أشوفكوا بكره إن شاء الله




دورة تعلم الكروشيه من البداية وحتى الإحتراف

صورة



أعلى
رد مع اقتباس


 عنوان المشاركة: Re: شرح برنامج View 32 CAD لعرض الباترونات وكيفية طباعتها
مرسل: الخميس سبتمبر 23, 2010 4:14 am 
غير متصل
مراقب عام
مراقب عام
اشترك في: الاثنين إبريل 05, 2010 7:25 pm
مشاركات: 10942
مكان: المنصورة

ايه الروعة دى

بجد شرح ممتاز جدااااا

شكرااا لكي لهلوبه

وجزاكى الله خيراً




لا اله الا الله محمد رسول الله



أعلى
رد مع اقتباس


 عنوان المشاركة: Re: شرح برنامج View 32 CAD لعرض الباترونات وكيفية طباعتها
مرسل: الجمعة سبتمبر 24, 2010 12:56 pm 
غير متصل
مراقب عام
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة

شكرا دريم نورت الموضوع
ويارب اكون اتوفقت فى شرح البرنامج والكل يقدر يستفيد منه




دورة تعلم الكروشيه من البداية وحتى الإحتراف

صورة



أعلى
رد مع اقتباس


 عنوان المشاركة: Re: شرح برنامج View 32 CAD لعرض الباترونات وكيفية طباعتها
مرسل: الجمعة سبتمبر 24, 2010 1:40 pm 
غير متصل
مراقب عام
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة

بسم الله الرحمن الرحيم
النهارده وصلنا للمرحله النهائيه من طباعة الباترون
وهيا كيفية لصق ورق الباترون المطبوع على ورق A4 لعمل باترون متكامل

ولتجميع الباترون هنحتاج الى مقص وشريط لاصق عرضه 1سم

صورة

طبعا ده شكل الباترون المتكامل قبل الطباعه

صورة

وده شكله بعد الطباعه على ورق A4

صورة

قبل مانلزق الورق ببعضه لازم نرتبه ونضع كل ورقه فى مكانها المضبوط
هنلاحظ ان الورق مرقم بشكل معين ليساعدنا على ترتيبه
هنلاقى كل ورقه مكتوب عليها رقمين وليكن مثلا 3.2 ده معناه ان الورقه فى السطر التانى وفى العمود التالت وهيبقا موقعها فى الباترون بتاعنا ده تحت فى اقصى اليمين

بعد مارتبنا الورق واصبح شكل الباترون عندنا سليم هنلاحظ ان اماكن الالتصاق بين كل ورقه والتانيه فى جزء متداخل فى الورقتين هنقص الجزء ده من كل ورقه ونلزق الورقتين بالشريط اللاصق وهكذا حتى نلصق كل الورق مع بعضه

صورة

وبكدا يبقا انتهينا من عمل الباترون وبقا جاهز دلوقتى لرسمه على القماش والقص والخياطه

وإن شاء الله هشرح كيفية رسم الباترون على القماش وقص القماش والخياطه فى المواضيع المقبله

أشوفكوا على خير




دورة تعلم الكروشيه من البداية وحتى الإحتراف

صورة



أعلى
رد مع اقتباس


 عنوان المشاركة: Re: شرح برنامج View 32 CAD لعرض الباترونات وكيفية طباعتها
مرسل: الأحد سبتمبر 26, 2010 9:50 am 
غير متصل
عضو جديد
عضو جديد
اشترك في: الأحد سبتمبر 26, 2010 8:26 am
مشاركات: 2
لماذا لا استطيع فتح الصور تظهر رسالة Error in page


أعلى
رد مع اقتباس


 عنوان المشاركة: Re: شرح برنامج View 32 CAD لعرض الباترونات وكيفية طباعتها
مرسل: الأحد سبتمبر 26, 2010 2:07 pm 
غير متصل
مراقب عام
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة
دانا كتب:
لماذا لا استطيع فتح الصور تظهر رسالة Error in page


اهلا بيكى دانا منوره الموضوع والمنتدى كله

بس مش فاهمه تقصدى ايه بالصور مش بتفتح

هل تقصدى ان الصور مش ظاهره قدامك ولا تقصدى اللينك بتاع التحميل مش شغال


ارجو التوضيح عشان اقدر افيدك




دورة تعلم الكروشيه من البداية وحتى الإحتراف

صورة



أعلى
رد مع اقتباس


 عنوان المشاركة: Re: شرح برنامج View 32 CAD لعرض الباترونات وكيفية طباعتها
مرسل: الاثنين سبتمبر 27, 2010 5:07 am 
غير متصل
عضو جديد
عضو جديد
اشترك في: الأحد سبتمبر 26, 2010 8:26 am
مشاركات: 2
اهاي ، قصدي انه لصور مش ظاهرة امامي ولا اي صورة في المواضيع كلها، يعني كل المواضيع الي بتحمل صور بتظهر الصور على شكل صندوق في داخلة X و ما بتفتخ هل يجب ان انزل اولا ال View 32 CAD عشان اشوف صور الموقع ولا هو بس لرسم البترون


أعلى
رد مع اقتباس


 عنوان المشاركة: Re: شرح برنامج View 32 CAD لعرض الباترونات وكيفية طباعتها
مرسل: الاثنين سبتمبر 27, 2010 11:35 am 
غير متصل
مراقب عام
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة

اهلا بيكى دانا

الصور فى المنتدى متاحه للاعضاء وبما إنك مسجله معانا فى المنتدى يبقا تقدرى تشوفى الصور ومش محتاجه اى برامج عشان تشوفيها

بالنسبه للبرنامج ده خاص فقط بالباترونات يعنى فى قسم الخياطه والتفصيل فى مواضيع تحتوى على باترونات عشان تقدرى تشوفيها محتاجه انك تحملى البرنامج ده

ومشكلة ان الصور مش ظاهره عندك ده عيب من النت ممكن يكون النت عندك بطئ او بتفتحى اكتر من موضوع فى نفس الوقت

وفى حل للمشكله دى ممكن تجربيه إنك تقفى على علامه × وتضغطى كليك يمين وتختارى الإختيار Show picture

جربى وشوفى النتيجه واحنا مع بعض لو قابلتك اى مشكله




دورة تعلم الكروشيه من البداية وحتى الإحتراف

صورة



أعلى
رد مع اقتباس


إرسال موضوع جديد الرد على الموضوع  [ 94 مشاركة ]  الانتقال إلى صفحة 1, 2, 3, 4, 5 ... 10  التالي

أقرا ايضا
فهرس بجميع باترونات الخياطة الخاصة ببرنامج View 32

تعليمات المشاركة
لا تستطيع كتابة مواضيع جديدة في هذا المنتدى
لا تستطيع كتابة ردود في هذا المنتدى
لا تستطيع تعديل مشاركاتك في هذا المنتدى
لا تستطيع حذف مشاركاتك في هذا المنتدى
لا تستطيع إرفاق ملف في هذا المنتدى
لهلوبه - أعلى

cron
Powered by phpBB® Forum Software © phpBB Group
ترجم بواسطة phpBBArabia
phpbb_seo