محتارة كتب:
دوران الصدر 54
دوران الوسط 487
دوران الهانش 56
طول الوسط الامامى 27
طول الوسط الخلفى 21
عرض الظهر 24
عرض الكتف 7
طول الذراع 30
طول الرجل 37
بجد مش عارفة اشكرك على زوقك ومعلش اتاخرت على لرد بسبب المدرسة والولاد ربنا يهديهم
مشاء الله انت انسانة زوق جدا ربنا يكرمك
بس انا رخمة معلش اصل انا عاوزة اعرف ازاي هتعدلى البترون
أصل اختك بتحب تحشر نفسها في كل حاجة
نفسي اتعلم الخياطة وعاملة بنوتى فار التجارب بتاعي
معلش مرة تانية
وربنا يجعلة في ميزان حسناتك
اهلا بيكى يا محتارة وان شاء الله ماتشوفى حيرة فى حياتك ابدا
بالنسبه لتظبيط الباترون انا بجمع الباترون وبظبط مقاساته على برنامج الفوتوشوب واى موديل عاوزه تعمليه امرى بس وانا اظبتلك مقاسه واشرحهولك زى الفستان كدا
وربنا يخليلك بنتك وتفرحى بيها وتعمليلها كل اللى نفسها فيه وشكلك كدا هتعمليلها الفستان ده مريله للمدرسه صح ولا تخمينى غلط
على العموم ربنا يوفقك ويعينك وطلب صغنطط بس ارجوكى مش عاوزه اسمع منك تانى كلمة معلش انتى قولتيها 3 مرات انا بساعد الناس لوجه الله وعمرى ما هبخل على حد باى معلومه واطلبى اللى انتى عاوزاه وادعيلى بس مش اكتر من كدا
الباترون بقا ياستى اهو احفظى الصورة عندك وافتحيها على برنامج الرسام واختارى امر الطباعه واطبعى ووصلى الورق ببعضه وان شاء الله المقاس يطلع مظبوط
واى استفسار انا تحت امرك
