بلوفر تريكو للأولاد برقبة شال وغرزة الجيرسية بالشرح العربى

بسم الله الرحمن الرحيم

بلوفر تريكو للأولاد برقبة شال وغرزة الجيرسية بالشرح العربى

هنا شكل البلوفر





وهنا بعض تطبيقات الأعضاء











...........

المقاس حسب السن = 3/4 _ 5/6 _ 7/8 _ 9/10 _ 11/12 سنة
المقاس حسب طول الطفل = 98/104 _ 110/116 _ 122/128 _ 134/140 _ 146/152 سم

فى الرسم التخطيطى التالى يوضح مقاسات أجزاء البلوفر بالسنتيميتر



.......
المواد المستخدمة

_ 250_300_350_400_450 جرام من الصوف الأخضر
_ 50_50_50_100_100 جرام من الصوف البرتقالى
_ 50_50_50_100_100 جرام من الصوف البنفسجى

_ إبر تريكو مدببة الطرفين مقاس 5 مللى
_ إبر تريكو دائرية مقاس 5 مللى وطول 60 سم
_ إبر تريكو مدببة الطرفين مقاس 4 مللى
_ إبر تريكو دائرية مقاس 4 مللى وطول 60 سم

..........
قبل البدء فى شرح الباترون هنشرح باترون الألوان

اولا
باترون الالوان المستخدم فى أسفل البلوفر وأسفل الكم
سطرين بنفسجى ثم 4 سطور أخضر ثم سطرين بنفسجى ثم سطرين برتقالى ثم سطرين أخضر ثم سطرين برتقالى

ثانيا
باترون الالوان المستخدم فى الكوله الشال
(سطرين برتقالى ثم سطرين أخضر ثم سطرين برتقالى ثم سطرين بنفسجى ثم 4 سطور أخضر ثم سطرين بنفسجى ثم سطرين أخضر) هنكرر مابين الأقواس

شرح الخطوات

أولا
(جسم البلوفر)

_ هنشتغل دائرى على الإبر الدائرية
_ هنبدأ بعمل 100_108_116_124_132 غرزة على الإبر الدائرية مقاس 4 مللى باللون البنفسجى
_ هنضع علامة فى بداية السطر وعلامة أخرى بعد 50_54_58_62_66 غرزة (هذه العلامات توضح جوانب البلوفر)
_ هنشتغل سطر مقلوب
_ هنستمر بغرزة الطوق (غرزة الطوق فى الشغل الدائرى سطر عدل وسطر مقلوب)مع ملاحظة عمل باترون الألوان للبلوفر سيصبح الطول 4 سم
_ هنبدل إلى الإبر الدائرية مقاس 5 مللى هنستمر بعمل غرزة الجيرسيه وباللون الأخضر (غرزة الجيرسيه فى الشغل الدائرى كل السطور عدل)
_ عندما يصل الطول إلى 6_7_8_9_10 سم هنشتغل سطر مقلوب ثم هنستمر بعمل غرزة الجيرسيه
_ عندما يصل الطول إلى 10_10_11_11_12 سم هنزود غرزة على جانبى كل علامة وهنكرر التزويد كل 5_6_7_8_9 سم مرتين كمان
سيصبح عدد الغرز بعد جميع التزويدات= 112_120_128_136_144 غرزة
_ عندما يصل الطول إلى 22_24_26_28_30 سم هنشتغل سطر مقلوب
_ عندما يصل الطول إلى 24_26_29_31_34 سم هنشتغل سطر مقلوب
_ عندما يصل الطول إلى 27_30_33_36_39 سم هنشتغل السطر التالى كما يلى
هنقفل 3 غرز لعمل حردة الباط ثم هنشتغل 18_20_22_23_25 عدل ثم هنقفل 14_14_14_16_16 غرزة لعمل فتحة الرقبة ثم هنشتغل 18_20_22_23_25 عدل ثم هنقفل 6 غرز لعمل حردة الباط الثانية ثم هنشتغل 50_54_58_62_66 عدل ثم هنقفل أخر 3غرز هنقطع الخيط ثم هنكمل الجزء الأمامى والجزء الخلفى منفصلين

ثانيا
(الجزء الخلفى)

_ هنشتغله أمام وخلف العمل
_ عدد الغرز= 50_54_58_62_66 غرزة
_ هنستمر بعمل غرزة الجيرسيه( أمام وخلف العمل سطر عدل وسطر مقلوب)
_ وفى نفس الوقت هنستمر فى التقفيل لعمل حردة الباط من كل جانب كالتالى
غرزة/2_2_3_4_4 مرات

سيصبح عدد الغرز= 46_50_52_54_58غرزة
_ عندما يصل الطول إلى 38_42_46_50_54سم هنقفل 18_20_22_24_24 غرزة فى المنتصف لعمل حردة الرقبة الخلفية ثم هنكمل كل ناحية منفصلة
_ فى السطر التالى هنقص غرزة من كل جهة ناحية الرقبة
سيصبح عدد الغرز= 13_14_14_14_16 غرزة متبقين لكل كتف
_ هنقفل الشغل عندما يصل الطول إلى 40_44_48_52_56 سم

.........

ثالثا
(الجزء الأمامى اليمين)

_ هنشتغله أمام وخلف العمل
_ عدد الغرز= 18_20_22_23_25 غرزة
_ هنستمر بعمل غرزة الجيرسيه( أمام وخلف العمل سطر عدل وسطر مقلوب)
_ وفى نفس الوقت هنستمر فى التقفيل لعمل حردة الباط من ناحية الكم
غرزة/2_2_3_4_4 مرات
_ فى نفس الوقت عندما يصل الطول إلى 2سم من فتحة الرقبة الأمامية هنقص غرزة ناحية الرقبة ثم هنكرر التنقيص كل 2سم /2_3_4_4_4 مرات
سيصبح عدد الغرز= 13_14_14_14_16 غرزة متبقية للكتف
_ هنقفل الشغل عندما يصل الطول إلى 40_44_48_52_56 سم

..........

رابعا
(الجزء الأمامى الشمال)

_ بالمثل زى الجزء الامامى اليمين ولكن معكوس

خامسا
(الأكمام)

_ هنشتغل دائرى على الإبر مدببة الطرفين
_ هنبدأ بعمل 30_32_32_34_34 غرزة على الإبر مدببة الطرفين مقاس 4 مللى باللون البنفسجى
_ هنشتغل سطر مقلوب
_ هنستمر بعمل غرزة الطوق ( سطر عدل وسطر مقلوب) مع عمل باترون الألوان للأكمام
_ هنبدل إلى الإبر مدببة الطرفين مقاس 5 مللى ثم هنستمر بعمل غرزة الجيرسيه(كل السطور عدل)
_ هنضع علامة فى أول السطر
_ عندما يصل الطول إلى 8 سم هنزود غرزة على جانب من العلامة وهنكرر التزويد كل 4_4_3.5_3.5_3.5 سم / 4_5_7_8_9 مرات كمان
سيصبح عدد الغرز بعد جميع التزويدات= 40_44_48_52_54 غرزة
_ عندما يصل الطول إلى 8_9_10_11_12 سم هنشتغل سطر مقلوب
_ عندما يصل الطول إلى 20_22_24_26_28 سم وأيضا عندما يصل الطول إلى 22_24_27_29_32 سم هنشتغل سطر مقلوب
_ عندما يصل الطول إلى 28_32_35_40_45 سم هنقفل 3 غرز على جانبى العلامة(بمعنى هنقفل 6غرز) لعمل قبة الكم ثم هنكمل العمل أمام وخلف العمل حتى نهاية الشغل
_ ثم هنستمر فى التقفيل من كل جانب لعمل قبة الكم كالتالى
غرزتين/مرتين
غرزة/1_1_2_2_2 مرات
ثم هنستمر بقفل غرزتين من كل جانب حتى يصل الطول إلى 33_37_41_46_51 سم
ثم هنقفل 3غرز من كل جانب مرة واحدة
ثم هنقفل باقى الغرز
_ طول الكم أصبح تقريبا = 34_38_42_47_52 سم

(التقفيل)

_ هنخيط الأكتاف وهنخيط الكم فى فتحة الكم

..........
( الكوله)
_ هنشتغل أمام وخلف العمل على الإبر الدائرية مقاس 4 مللى
_ هنبدأ بلقط الغرز على الجانب الشمال ل 14_14_14_16_16 غرزة المقفولين لعمل فتحة الرقبة بإستخدام اللون الخضر هنلقط حوالى 22 إلى 30 غرزة حتى نصل إلى الكتف ثم هنضع علامة ثم هنلقط حوالى 20 إلى 28 غرزة على دوران فتحة الرقبة الخلفية ثم هنضع علامة ثم هنلقط حوالى 22 إلى 30 غرزة على طول الناحية الأخرى لفتحة الرقبة (مع ملاحظة عدم لقط الغرز فوق 14_14_14_16_16 غرزة المقفولين لعمل فتحة الرقبة
_ تقريبا تم لقط حوالى 64 إلى 88 غرزة
_ هنشتغل سطر عدل من ظهر العمل
_ هنستمر بعمل غرزة الطوق مع عمل باترون الألوان للكوله وفى نفس الوقت كل 6 سطور هنزود غرزة على جانبى كل علامة
_ عندما يصبح طول الكوله = 8_8_8_10_10 سم هنقفل الشغل
_ فى النهاية هنضع الناحية الشمال للكوله فوق الناحية اليمين للكوله ثم هنخيطهم فى الغرز المقفولة لفتحة الرقبة الأمامية

...........

إنتهينا بحمد الله من ترجمة الباترون
تحت أمركم فى أى إستفسار

جزانا وإياكى نورتى الموضوع

الحمد لله حبيبتى وانتى كمان ليكى وحشة
بصى ياحبيبتى
البلوفر ده مشغول قطعة واحدة دائرى يعنى بتشتغلى الصدر والظهر مرة واحدة تمام
لغاية ما بتوصلى لحردة الإبط بتبدأى تفصلى الشغل وبتشتغلى كل جزء لوحده يعنى الظهر لوحده والصدر لوحده
وعلشان الصدر فيه فتحه مربعة كبيرة زى ما فى الصورة بنشتغل الصدر كل ناحية منفصله اليمين لوحدها والشمال لوحدها
اتمنى اكون وضحتلك الصورة
واى استفسار انا تحت امرك
بالتوفيق