اخيرا بعد عناء وكفاح وبعد ما عذبت الاستاذة لهلوبة واعتقد اني اكتر وحدة عذبتها بالشكل ده وانا بعتذرلها وبقولها اهم حاجة ان شرحك نفع يعني ما تفتكريش ان كل تعبك راح الأرض
خلصت البلوفر اللي هيلبسه ابني المستقبلي انا عارفة انه ما حدش يرضى يلبسه لابنه بس انا هلبسه لابني غصب عن عين امه لاني ما عملتهوش عشان في الاخر عروسة تلبسه لازم انسان يلبسه وانا ما رضاش لحد غير ابني انه يتعقد
وادي صور للي عملته عشان تقوليلي ايه الأخطاء لو قدرتي
بغض النظر عن لون الخيط وبغض النظر عن الزراير اللي الوانها مش متناسقة وبغض النظر عن الكم الي قدام عشان ما كنتش عارفة ان غرزة الحافة المفروض تتنقل من اول ما بديت زيادة ورحت نقلتها متأخر
طبعا بما اني ما عنديش عيال ومش مخطوبة ولا اي حاجة فلبسته للعروسة بتاعتي
عنوان المشاركة: Re: تطبيقي لبلوفر تريكو بضفاير لطفلك الصغير غاية فى الأناقة
مرسل: الخميس سبتمبر 19, 2013 9:54 am
عضو فعال
اشترك في: الجمعة يوليو 19, 2013 6:15 pm
مشاركات: 277
Dream كتب:
الف الف الف الف الف الف الف الف مليون مبروك
والله جميل ولو ماحدش رضا يلبسة البسة انا
وانا كمانى فى قمة سعادتى ان فى ناس بتستفيد من المنتدى
لان انا والاخت لهلوبه اسسنا المنتدى لخدمتكم
وبيقا يوم عيد عندى لما حد ينفذ حاجة
واعقبال ما تنفيذى العمل القادم والناس تتخانق على مين اللى ياخذه
بالتوفيق
بسم الله الرحمن الرحيم أختي دريم الف شكر على هذا الرد الجميل وشكرا ليكم لأنكم عملتم هذا المنتدى وانا بصراحة شفت منتديات كتيرة لكن هذا المنتدى الوحيد اللي شجعني على اني اشتغل واظهر شغلي كمان ل أني كنت من النوع اللي ما بحب أكتب في المنتديات ولكن هذا المنتدى شجعني على اني اشتغل واعطاني الثقة بأني اقدر اعمل أي حاجة بحبها
عنوان المشاركة: Re: تطبيقي لبلوفر تريكو بضفاير لطفلك الصغير غاية فى الأناقة
مرسل: الخميس سبتمبر 19, 2013 10:39 am
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة
ههههههههههههههههههههههههههههه والله انتى دمك زى العسل انا اللى بشكرك عشان ضحكتينى من قلبى بجد ووالله البلوفر ده عندى احسن من اتخن بلوفر تانى لانى عاصرت المعاناه والتعب والمجهود اللى انتى بذلتيه فيه وكفايه انك مايأستيش رغم كل الصعوبات والعكوسات وصممتى تكملى للنهايه انا فخورة بيكى جدا ومتأكده إن شاء الله إنك هتبقى موهوبه مش شرط فى التريكو لانك عندك صبر واصرار وكفاية كدا عشان ما احسدكيش ولو مش عاوزة البلوفر انا اخذه وأبروزه كمان وإن شاء الله لما ربنا يرزقك بولد عسول او بنت أمورة كدا تكونى بقيتى أستاذه وتلبسيهم أحلى شغل والناس تتهبل عليهم
طبعا البلوفر انتى عارفه الأخطاء اللى فيه او العيوب لانها حاجات بسيطه ولو كررتيه تانى اكيد هتقدرى تفادى الاخطاء دى
ومش محتاجه اقولك لو إحتجتى أى حاجه أنا موجودة وتحت أمرك
لا تستطيع كتابة مواضيع جديدة في هذا المنتدى لا تستطيع كتابة ردود في هذا المنتدى لا تستطيع تعديل مشاركاتك في هذا المنتدى لا تستطيع حذف مشاركاتك في هذا المنتدى لا تستطيع إرفاق ملف في هذا المنتدى
وبعد ما عذبت الاستاذة لهلوبة واعتقد اني اكتر وحدة عذبتها بالشكل ده وانا بعتذرلها وبقولها اهم حاجة ان شرحك نفع يعني ما تفتكريش ان كل تعبك راح الأرض 
