إرسال موضوع جديد الرد على الموضوع  [ 8 مشاركة ] 
الكاتب رسالة
 عنوان المشاركة: حبايبى لقيتكم اخيرا
مرسل: الجمعة أكتوبر 11, 2013 9:39 pm 
غير متصل
عضو جديد
عضو جديد
اشترك في: الجمعة أكتوبر 11, 2013 9:29 pm
مشاركات: 7
مكان: القاهرة

حبايبى لقيتكم اخيرا



السلام عليكم يا غالين
انا فاطمة سيف 23سنة
عندى خبرة 5 سنين فى التريكو و خبرة من الصغر فى الكروشيه
انا مجنونة تريكو لدرجة ان اعصاب ايدى اليمين و الرقبة جالها التهاب و بتعالج الان
ده بجد على فكرة :)
بس العلاج بيحس حالتى الحمد لله
انا بدور على ناس فى مصر بيحبوا الاريكو و مكنتش لاقية
تعليمى و خبرتى كلها انجليزى من اليوتيوب
فاللى عندها اى مشكلة فى الترجمة انا مستعدة اساعد

و احب اقول اخواتى اهلا بيكم فى عالم الانتاج من الصفر
انا بحب التريكو لانه طريقة اقدر اكون بيها شخص منتج
بيعمل حاجة من الصفر للمية مرة واحدة
ده غير انى اقدر اعمل كل اللى نفسى فيه براحتى

انا اصلا بحب التفصيل لانى متربية من الصغر فى مصنع ملابس حريمى بتاع بابا
فعندى خبرة فى الصنعة كلها
ده غير انى بعمل بترونات و اخدت قرصات بترون و بعرف اقعد على مكن الخياطة و الاوفر
فالصنعة كلها فى دمى

برحب بيكم و بنفسى وسط اخواتى و حبايبى
ان شاء الاه نقدر نسفيد مت بعض و نبقى احلى صحاب

فاطمة سيف




أعلى
رد مع اقتباس


 عنوان المشاركة: Re: حبايبى لقيتكم اخيرا
مرسل: السبت أكتوبر 12, 2013 10:56 am 
غير متصل
مراقب عام
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة

اهلا اهلا اهلا ومليون اهلا وسهلا
عايزة اقولك الاول سلامتك الف سلامة ويارب يتمم شفاكى على خير وده درس عشان الناس تستفيد منه لان الحاجة لما بتزيد عن حدها بتقلب لضدها
يعنى مش لازم تشتغلى 24 ساعة تريكو لازم الجسم ياخد راحته وكمان عشان نحافظ على نظرنا

المهم طبعا احب اقولك ان الحمد لله ان احنا اللى لاقيناكى لانك شكلك كدا بسم الله ماشاء الله عليكى كنز واكيد هنستفيد من خبرات بعض ان شاء الله

انا لهلوبة عندى 30 سنه وزيك بالظبط هههههههههه بموت فى الأشغال اليدوية بجميع أشكالها وألوانها الحمد لله الواحد معدش لاقى وقت فراغ عنده بل بالعكس بيحتاج وقت فوق 24 ساعة عشان أقدر أنفذ الحاجات اللى بحبها

وعملت المنتدى عشان نفسى بجد كل البنات واى حد عنده الموهبه دى يقدر ينميها ويستفيد منها وممكن تكون كمان سبب للرزق وتبقا مصدر دخل لناس كتير

واكتر حاجه بركز عليها فى المنتدى فى الوقت الحالى التريكو لان مافيش منتدى مهتم بيه وغالبا الاهتمام بيبقا بالكروشيه
كمان الخياطة ان شاء الله نخلى المنتدى متميز فيها عشان انا بعشقها ونفسى ابقا محترفة فيها

طولت عليكى بقا معلش

بس فى الأخر بتمنى إنك تلاقى هنا المتعة والفائدة والصحبة الصالحة إن شاء الله

نورتى ياقمر




دورة تعلم الكروشيه من البداية وحتى الإحتراف

صورة



أعلى
رد مع اقتباس


 عنوان المشاركة: Re: حبايبى لقيتكم اخيرا
مرسل: الاثنين أكتوبر 14, 2013 8:27 am 
غير متصل
مراقب عام
مراقب عام
اشترك في: الاثنين إبريل 05, 2010 7:25 pm
مشاركات: 10942
مكان: المنصورة

الف سلامة عليكم

ومنورة المنتدى




لا اله الا الله محمد رسول الله



أعلى
رد مع اقتباس


 عنوان المشاركة: Re: حبايبى لقيتكم اخيرا
مرسل: الأربعاء أكتوبر 16, 2013 10:03 am 
غير متصل
عضو متقدم
عضو متقدم
اشترك في: السبت فبراير 25, 2012 5:31 pm
مشاركات: 920
مكان: سوهاج

مرحبا بكى فى لهلوبه
ماشاء الله عليكى تسلمى من كل سوء




صورة


أعلى
رد مع اقتباس


 عنوان المشاركة: Re: حبايبى لقيتكم اخيرا
مرسل: الأربعاء أكتوبر 16, 2013 12:15 pm 
غير متصل
عضو جديد
عضو جديد
اشترك في: الجمعة أكتوبر 11, 2013 9:29 pm
مشاركات: 7
مكان: القاهرة
شكرا على ردكم
و يا ريت كلنا ناخد بالنا و احنا بنشتغل عشان مانأذيش نفسنا
انا المشكلة عندى فى ايدي اليمين بس لانى كنت بقفش على الأبرة و انا مسكاها
ده غير ان الابر الطويلة اللى فى مصر بشعة
و المدورة الصينى اللى موجوده مهببة و زبالة بصراحة
انا فضلت سنة مستنية اشترى ابر مدورة من بره مصر
و أشتريت knitters pride interchangble needles
بجد تحفة ، سحر فى ايد الواحدة
و فرقت كتييييييييير معاها
بس انا تعبت تانى لانى مكنتش اتعالجت اولانى اصلا


عندك حق
مافيش اى حاجة بالعربى مهتمية بالتريكو
كله كروشيه
اعتقد ده راجع لعدم توافر الابر و ادواتها
التريكو عالم تانى احنا منعرفش عنه حاجة فى مصر
انا زهقت من كتر الحاجات اللى فعلا محتاجاها و لما بسأل عنها الناس فى المحل مش فاهمين انا بتكلم لغة ايه اصلا
يا رب التريكو ينتشر و نقدر نجيب الحاجت دى كلها
هعمل موضوع عن كل الحاجات دى ان شاء الله

شكرا على ترحيبكم


أعلى
رد مع اقتباس


 عنوان المشاركة: Re: حبايبى لقيتكم اخيرا
مرسل: الخميس أكتوبر 17, 2013 10:22 am 
غير متصل
مراقب عام
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة

والله يافاطمة إنتى عندك حق الأدوات فى مصر وحشة جدا ده إذا لاقيتيها أصلا
انا برضه جبت إبرة دائرية من هنا بس عقدتنى كانت وحشة جدا جدا
وباقى الادوات زى العلامات وكابل الضفاير والحاجت دى كلها مش موجودة ولما تسألى عليها بيحسسوكى انك جاية من كوكب تانى

انا عملت بحث عن نوع الابر اللى انتى كاتباه بصراحه حتجه فوق الخيال

صورة

بس عاوزة اعرف انتى جبتيها منين وبكام ؟

وشكرا ليكى ياقمر انك بتشاركينا خبراتك وتجاربك




دورة تعلم الكروشيه من البداية وحتى الإحتراف

صورة



أعلى
رد مع اقتباس


 عنوان المشاركة: Re: حبايبى لقيتكم اخيرا
مرسل: الجمعة أكتوبر 18, 2013 10:59 am 
غير متصل
عضو جديد
عضو جديد
اشترك في: الجمعة أكتوبر 11, 2013 9:29 pm
مشاركات: 7
مكان: القاهرة
لهلوبة

انا اشتريتها من على amazon.com و سعرها 64 دولار و الشحن بيتكلف 300 جنيه
يعنى دفعت دم قلبى الصراحة
بس تعالى نحسبها حسبة بسيطة
هم 9 ابر
معاهم 4 كابل اللى بيوصل الابرتين ببعض
يعنى ممكن تعملى منهم 32 أبرة مقاسات مختلفة و اطوال مختلفة

لو اشتريتى الابر الصينى ، اصغر مقاس سعره 13 جنيه
و بيوصل السعر ل 22 جنيه
ناخد متوسط 16 جنيه للابرة
يبقى لو هتشترى 32 ابرة مقاسات و اطوال مختلفة يبقة السعر
32*16=512 جنيه
الابر لوحدها سعرها كان حوالى 400 جنيه لما كان الدولار ب 6 جنيه
طبعا لو تعرفى حد فى اى دولة ممكن يجيبهالك معاه من غير مصاريف شحن

يعنى انا مدفعتش كتير
انا بس دفعت مرة واحدة
لكن اى حد تانى بتشترى ابرة ابرة على مدار شهور او سنين
فمش بتحس بالفلوس
مش اكتر

بس للاسف الدولار غلى اوى
و سعرها بالمصرى زاد
بس حتى و هو كتير
هوهو سعر اللى هتشتريهم من هنا

الابر دى نيكل نااااااااااااااعمة جدا
و مابين الابرة و الكابل ناعم مافيش مطبات الاخيط بيدخل فيها زى الصينى

فعلا الحمد لله انى عرفت اجيبها


أعلى
رد مع اقتباس


 عنوان المشاركة: Re: حبايبى لقيتكم اخيرا
مرسل: الجمعة أكتوبر 18, 2013 7:41 pm 
غير متصل
مراقب عام
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة

شكرا ليكى حبيبتى
وان شاء الله احاول اشوف حد بره يجيبهالى




دورة تعلم الكروشيه من البداية وحتى الإحتراف

صورة



أعلى
رد مع اقتباس


إرسال موضوع جديد الرد على الموضوع  [ 8 مشاركة ] 

تعليمات المشاركة
لا تستطيع كتابة مواضيع جديدة في هذا المنتدى
لا تستطيع كتابة ردود في هذا المنتدى
لا تستطيع تعديل مشاركاتك في هذا المنتدى
لا تستطيع حذف مشاركاتك في هذا المنتدى
لا تستطيع إرفاق ملف في هذا المنتدى
لهلوبه - أعلى

Powered by phpBB® Forum Software © phpBB Group
ترجم بواسطة phpBBArabia
phpbb_seo