إرسال موضوع جديد الرد على الموضوع  [ 2 مشاركة ] 
الكاتب رسالة
 عنوان المشاركة: الضفيرة اشتغلها كل كام سطر؟
مرسل: الجمعة إبريل 05, 2013 3:34 pm 
غير متصل
عضو متالق
عضو متالق
اشترك في: الثلاثاء مارس 12, 2013 8:24 pm
مشاركات: 655

الضفيرة اشتغلها كل كام سطر؟



شكرا على شرحك الجاكت ابو ضفرتين و كابتشو فهمت و الحمد لله و ماشية مع الشرح و السؤال ده على نفس الموديل
1- نسيتى تقولى الضفيرة كل كام سطر علشان بقالى ساعتين بشتغل و طبعا بكرر الضفيرة كل سطر زى الجهلة والشغل كلكع معايا لحد ما دخلت على اليوتيوب و لقيت ان الضفيرة بتكرر بعد عدد اسطر معين مش كل سطر زى ما فهمت غلط طبعا دى حاجات بديهية بالنسبة لك بس للمبتدئين كارثة زى اللى عملتها :?:

2- برواز الزراير قلتيلى ان كل سطوره عدل بس انا شفت لك شرح لموديل تانى فيه البرواز كالتالى
2 طوق- 2 ع- 2م- 2ع
ايه الفرق؟؟؟ :roll: :roll:

3- بالنسبة للتقفيل علشان فتحة الزراير قلتى نقفل غرزة واحدة بس الفتحة طلعت صغيرة قوى ينفع نقفل غرزتين و نعمل فى السطر اللى بعده لفتين ورا بعض بدل لفة واحدة؟؟ :?:




أعلى
رد مع اقتباس


 عنوان المشاركة: Re: لهلوبة حبيبتى
مرسل: الجمعة إبريل 05, 2013 4:13 pm 
غير متصل
مراقب عام
مراقب عام
اشترك في: الاثنين إبريل 05, 2010 7:23 pm
مشاركات: 12899
مكان: المنصورة
اهلا بيكى ميرفت

ياحبيبتى والله لو حطيتى اسئلتك كرد فى الموضوع هيبقا اسهل ليا بكتير لانى بقعد ادور على الموضوع فياريت تساعدينى وسؤالك يبقا فى الموضوع عشان ارد عليكى بسرعة وكمان عشان الناس تستفيد من الاسئلة والرد عليها

ده الموضوع اللى بتسالى فيه

تطبيقى لجاكت تريكو بضفيرتين - جاكت تريكو




اقتباس:
1- نسيتى تقولى الضفيرة كل كام سطر علشان بقالى ساعتين بشتغل و طبعا بكرر الضفيرة كل سطر زى الجهلة والشغل كلكع معايا لحد ما دخلت على اليوتيوب و لقيت ان الضفيرة بتكرر بعد عدد اسطر معين مش كل سطر زى ما فهمت غلط طبعا دى حاجات بديهية بالنسبة لك بس للمبتدئين كارثة زى اللى عملتها



بصى ياقمر ده باترون الضفيرة

صورة


المربعات الافقيه بتمثل عدد الغرز
والمربعات الراسيه تمثل عدد السطور
يعنى الضفيرة مكونه من 16 غرزة و 22 سطر
الضفيرة بتعمليها فى السطر التاسع

يعنى بطريقة تانيه بتشتغلى 8 سطور غرزة جرسيه او قماشه
وفى السطر التاسع بتعملى الضفيرة
ثم بتشتغلى 13 سطر غرزة جرسيه او قماشه

وبتكررى ال 22 سطر دول حتى النهايه





اقتباس:
2- برواز الزراير قلتيلى ان كل سطوره عدل بس انا شفت لك شرح لموديل تانى فيه البرواز كالتالى
2 طوق- 2 ع- 2م- 2ع
ايه الفرق؟؟؟


بصى ياقمر كل موديل ليه شرح والاختلاف بيبقا فى الشكل يعنى برواز الزراير مالوش طريقة عمل ثابته فى كل الموديلات يعنى ليه اكثر من طريقة وفى الموديل بتاعنا الباترون بيقول ان برواز الزراير من غرزة الطوق واللى بتبقا فى كل السطور الامامية والخلفية عدل



اقتباس:
3- بالنسبة للتقفيل علشان فتحة الزراير قلتى نقفل غرزة واحدة بس الفتحة طلعت صغيرة قوى ينفع نقفل غرزتين و نعمل فى السطر اللى بعده لفتين ورا بعض بدل لفة واحدة؟؟


ممكن قوى لو هتستخدمى زرار كبير تعملى فتحه اوسع
واستخدمى الطريقة اللى انتى شرحتيها



واى استفسار انا تحت امرك حبيبتى




دورة تعلم التريكو من البداية وحتى الإحتراف

صورة



أعلى
رد مع اقتباس


إرسال موضوع جديد الرد على الموضوع  [ 2 مشاركة ] 

أقرا ايضا
الضفيرة دى يه؟؟ يا لهلوبة
طريقة عمل الإسكارف ده خصوصا الضفيرة

تعليمات المشاركة
لا تستطيع كتابة مواضيع جديدة في هذا المنتدى
لا تستطيع كتابة ردود في هذا المنتدى
لا تستطيع تعديل مشاركاتك في هذا المنتدى
لا تستطيع حذف مشاركاتك في هذا المنتدى
لا تستطيع إرفاق ملف في هذا المنتدى
لهلوبه - أعلى

Powered by phpBB® Forum Software © phpBB Group
ترجم بواسطة phpBBArabia
phpbb_seo