إرسال موضوع جديد الرد على الموضوع  [ 2 مشاركة ] 
الكاتب رسالة
 عنوان المشاركة: الاساور لازم تكون بأبر اقل من المقاس اللى شغالين بيه و لا مش ضرورى؟
مرسل: الخميس مارس 28, 2013 6:24 pm 
غير متصل
عضو متالق
عضو متالق
اشترك في: الثلاثاء مارس 12, 2013 8:24 pm
مشاركات: 655

الاساور لازم تكون بأبر اقل من المقاس اللى شغالين بيه و لا مش ضرورى؟



1- لما بنيجى نشتغل الكمر او الاساور لازم تكون بأبر اقل من المقاس اللى شغالين بيه و لا مش ضرورى؟؟
2- فى التزويد من وجه الشغل ساهل بس من الخلف طريقته معقدة ايه الحل ؟؟ انا فكيت ظهر البلوفر كله لما اتعقدت من تزويد الاكمام علشان الشغل كلكع وبقى شكله غريب
3- فى التزويد لازم نزود سطر سطر :و لا نزود سطر و نشتغل السطر اللى بعده من غير زيادة بمعنى إخر هل لازم التزويد يكون ممتتابع؟؟
4- و أخيرا الشغل بيبرم من الحروف ايه الغلط اللى بعمله؟؟
ارجوكم ردوا علية لهلوبة كتر خيرها شرحت لى و ما قصرت بس المشكلة فية انا معلش ان شاء الله ح ابدأ من جديد و يا أنا يا البلوفر :lol: :lol: :lol: :lol: :lol: :lol: :lol:




أعلى
رد مع اقتباس


 عنوان المشاركة: Re: حبيباتى الخبيرات المحترفات ....محتاجة اجابات مفصلة
مرسل: الجمعة مارس 29, 2013 7:35 pm 
غير متصل
مراقب عام
مراقب عام
اشترك في: الاثنين إبريل 05, 2010 7:23 pm
مشاركات: 12890
مكان: المنصورة

اهلا بيكى ميرفت
حبيبتى اسالى والله 100 سؤال انا معاكى ومش هزهقا ولا همل وربنا يقدرنى وارد على كل اسألتك وتقدرى تستوعبى الافكار ان شاء الله

بس ياريت لو سؤالك بيبقا فى موديل معين موجود فى المنتدى ياريت تحطى اسالتك فى نفس الموضوع اللى فيه الموديل عشان كل موديل بيبقا ليه شرح واسلوب مختلف

وبيسهل على الاعضاء فى مساعدتك والرد على اسالتك

انما لو سؤالك عام ومش بخصوص موديل معين فممكن تحطيه فى قسم سؤال فى التريكو

المهم بالنسبه لاسئلتك




اقتباس:
1- لما بنيجى نشتغل الكمر او الاساور لازم تكون بأبر اقل من المقاس اللى شغالين بيه و لا مش ضرورى؟؟


طبعا بيفضل انك تشتغلى على ابر مقاسها اقل خصوصا فى اطراف الشغل يعنى زى الاساور وبداية البلوفر من تحت وكمان الرقبه او اللياقه
ولكن مافيش اى مشكلة انك تشتغلى الحاجات دى بنفس الابرة اللى بتشتغلى بيها القطعه


اقتباس:
2- فى التزويد من وجه الشغل ساهل بس من الخلف طريقته معقدة ايه الحل ؟؟ انا فكيت ظهر البلوفر كله لما اتعقدت من تزويد الاكمام علشان الشغل كلكع وبقى شكله غريب


انا مش عارفه اذا كنتى بتتكلمى عن موديل معين ولكن عادة التزويد فى الاكمام بيبقا فى وجه العمل بس ومش بيبقا فى كل السطور ولكن بيبقا مثلا كل 3 سم وهكذا
ولكن اذا كنتى بتتكلمى عن موديل معين ياريت تحطى سؤالك ده فيه او حتى تحطى لينكه


اقتباس:
3- فى التزويد لازم نزود سطر سطر :و لا نزود سطر و نشتغل السطر اللى بعده من غير زيادة بمعنى إخر هل لازم التزويد يكون ممتتابع؟؟


برضه ده بيبقا حسب الموديل ممكن موديل يطلب انك تزودى كل سطر وموديل اخر يطلب انك تزودى مثلا كل 2 سم فلازم يبقا سؤالك فى الموديل نفسه



اقتباس:
4- و أخيرا الشغل بيبرم من الحروف ايه الغلط اللى بعمله؟؟
ارجوكم ردوا علية لهلوبة كتر خيرها شرحت لى و ما قصرت بس المشكلة فية انا معلش ان شاء الله ح ابدأ من جديد و يا أنا يا البلوفر


حبيبتى لو انتى بتشتغلى غرزة الجرسيه يبقا البرم ده حاجه طبيعيه ومافيش غلط ولا حاجه وعشان الشغل مايبرمش كدا ممكن تعملى حافه من اى غرزة مابتبرمش زى البليسيه او الطوق وهكذا

اتمنى اكون قدرت افيدك واى استفسارات اتمنى انك ماتتردديش فى طرحها

وبالتوفيق




دورة تعلم التريكو من البداية وحتى الإحتراف

صورة



أعلى
رد مع اقتباس


إرسال موضوع جديد الرد على الموضوع  [ 2 مشاركة ] 

أقرا ايضا
لازم نشتغل الاكمام بأبر دائرية و لا مش لازم ؟
عاوزة أعرف المقاس اللى اشتغل عليه
باترون الغرزة دى ضرورى
محتاجة شرحة ضرورى
ترجمة شال فراشه ضرورى
محتاجة ضرورى موديلات بلوفرات 2012
لو سمحتو حد جرب خيط هيمالايا ايفري داى التركي ..لو هعمل بيه بلوفر خروج ؟
البرواز اللى بيتركب عليه السوسته
ازاى احسب عدد الغرز اللى لازمانى
ازاى بنعمل الاطار اللى بيتركب عليه السوستة؟

تعليمات المشاركة
لا تستطيع كتابة مواضيع جديدة في هذا المنتدى
لا تستطيع كتابة ردود في هذا المنتدى
لا تستطيع تعديل مشاركاتك في هذا المنتدى
لا تستطيع حذف مشاركاتك في هذا المنتدى
لا تستطيع إرفاق ملف في هذا المنتدى
لهلوبه - أعلى

Powered by phpBB® Forum Software © phpBB Group
ترجم بواسطة phpBBArabia
phpbb_seo