Salwa ahmed كتب:
دي محاوله مني في ترجمت البونشو يارب يكون فيها حاجه صح
هنبدا بلجنب الشمال بابره مقاس (٣.٧٥ م ) هنعمل ١٤٣ غرزه
السطر الاول ( وجه الشغل) ١م،(١ع،١م) هنكرر مابين القوسين وننهي السطر ب١ع،١م هنكرر السطر ده ٣ مرات ونغير الابر لمقاس (٤،٥)
السطر التاني (ظهر العمل): نزود ٣ غرز ونكمل السطر كله مقلوب
بداية عمل الضفيره:
السطر الاول: ( وجه العمل) هنزود ٣ غرز ثم نبدا في عمل اول سطر من الباترون a هنشتغل لنهاية السطر مع تكرار ال١٣ غرزه ٤ مرات ثم نضع علامه ؛ ٣ع ونضع علامه ثم نبدا في عمل اول سطر من باترون b مع تكرار ال١٣غرزه ٤ مرات
بعد الزيادات يصبح عدد الغرز ١٤٩ غرزه
السطر التاني: هنشتغله حسب الباترون ال٣ غرز الزياده هنشتغلهم دايماً مقلوب علي ضهر العمل
سطر الزياده ( وجه العمل) هنشتغل من الباترون A حتي العلامه ثم نزود غرزه عدله او مقلوبه حسب الباترون ثم نشيل العلامه ؛ ٣ع ونشيل العلامه الاخري ونزود غرزه اخري عدله او مقلوبه حسب الباترون ثم نشتغل من الباترون B لنهاية السطر
السطر٤: هنشتغل حسب الباترون
السطر ٥: زي السطر التالت
السطر٦:(ظهر العمل) هنشتغل من باترون B حتي العلامه ثم نزود غرزه عدله او مقلوبه علي حسب الباترون هنشيل العلامه ثم ٣ ع ونشيل العلامه الاخري هنزود غرزه عدله او مقلوبه حسب الباترون
وقفت لغاية هنا
ياريت تشوفي صح ولا غلط اكون شاكره جداً
كله صحيح باذن الله فيما عدا
السطر الاول فى الضفيره =( وجه العمل) هنزود ٣ غرز ثم نبدا في عمل اول سطر من الباترون a هنشتغل لنهاية ال13 غرزة بتوع الضفيرة ونتوقف ثم نكررهم تانى 4 مرات ثم نكمل باقى السطر ثم نضع علامه ؛ ٣ع ونضع علامه ثم نبدا في عمل اول سطر من باترون b هنشتغل لنهاية ال13 غرزة بتوع الضفيرة ونتوقف ثم نكررهم تانى 4 مرات ثم نكمل باقى السطر
السطر الثانى =هنشتغله حسب الباترون ال٣ غرز اللى فى نص السطر (مش الزياده ) هنشتغلهم دايماً مقلوب علي ضهر العمل
بالتوفيق ودائما للامام ان شاء الله
