إرسال موضوع جديد الرد على الموضوع  [ 7 مشاركة ] 
الكاتب رسالة
 عنوان المشاركة: سؤال فى تزويد الأكمام
مرسل: السبت مايو 04, 2013 10:20 pm 
غير متصل
عضو متالق
عضو متالق
اشترك في: الثلاثاء مارس 12, 2013 8:24 pm
مشاركات: 655

سؤال فى تزويد الأكمام



لو سمحتى يا لولو انا شغالة فى بلوفر رجلان و الباترون مكتوب فيه بعد ما نشتغل الاسورة بتاعة الكم ح نزود غرزة كل 4 سطور ( فى آخر السطر )

المهم انى عملت زى الباترون ما قايل بالظبط بس لقيت الكم ناحية منه مستقيمة و الناحية التانية مايلة انا بعتلك صورة الكم على صفحتك ع الفيس لانها ما اتحملتش ع المنتدى يا ريت تشوفيها و تقوليلى الغلط فين ؟ظ
على فكرة المشكلة دى ظهرت لى و انا بشتغل الظهر كمان برضه كان مكتوب التنقيص غرزة كل 4 سطور بس برضه طلع ناحية مستقيمة و التانية ظاهر فيها التنقيص
وده الرابط لو حبيتى تبصى ع الباترون
http://www.patonsyarns.com/pattern.php?PID=3873




أعلى
رد مع اقتباس


 عنوان المشاركة: Re: عاجل جدا لهلوبة
مرسل: الأحد مايو 05, 2013 6:44 am 
غير متصل
مراقب عام
مراقب عام
اشترك في: الاثنين إبريل 05, 2010 7:23 pm
مشاركات: 12899
مكان: المنصورة

اهلا بيكى ميرفت ليكى وحشه ياقمر
انا دخلت على الباترون
دى الجزئية اللى بتتكلم عن حردة الباط الرجلان
تعالى اشرحهالك بالتفصيل

Shape raglans: Cast off 2 sts beg next 2 rows. Dec 1 st each end of needle on next and every 4th row to 47 (53-55- 59) sts, then every alt row** to 21 (21-25-25) sts. Leave sts on a st holder.

_هتقفلى غرزتين فى بداية السطرين التاليين بمعنى
السطر1(وجه العمل)=هتقفلى غرزتين فى بدايته
السطر الثانى(ظهر العمل)=هتقفلى غرزتين فى بدايته

_ثم هتقفلى غرزة ( each end of needle) يعنى من الناحيتين او بمعنى اخر فى اول السطر واخره (وده اكيد اللى عمل عندك اللخبطه لانك اكيد كنتى بتنقصى فى بداية السطر بس) فى السطر التالى وكل رابع سطر حتى يصل عدد الغرز الى 47(53_55_59)غرزة حسب المقاس
تعالى اقولك الجزئية دى بالسطور
السطر3=هتقفلى غرزة فى اول السطر ثم هتشتغلى السطر عادى واخر السطر هتقفلى غرزة
السطر4=بدون تنقيص
السطر5=بدون تنقيص
السطر6=بدون تنقيص
السطر7=هتكررى التنقيص زى السطر3
وهكذا حتى يصبح عدد الغرز على السنارة =47(53_55_59)غرزة حسب المقاس

_ثم هتقفلى غرزة من كل جانب كل سطر امامى او وجه العمل كالتالى
السطر1(وجه العمل)=هتقفلى غرزة فى اول السطر ثم هتشتغلى السطر عادى واخر السطر هتقفلى غرزة
السطر2=بدون تنقيص
السطر3=هتنقصى زى السطر الاول

وهكذا حتى يصبح عدد الغرز=21(21-25-25)غرزة

وهتتركى الغرز جانبا على ماسك الغرز




دورة تعلم التريكو من البداية وحتى الإحتراف

صورة



أعلى
رد مع اقتباس


 عنوان المشاركة: Re: عاجل جدا لهلوبة
مرسل: الأحد مايو 05, 2013 10:28 am 
غير متصل
عضو متالق
عضو متالق
اشترك في: الثلاثاء مارس 12, 2013 8:24 pm
مشاركات: 655
حبيبتى لولو مشكورة و الله .....................كالعادة مهتمة بالجميع الله لا يحرمنا منك و ان شاء اللله اصلح الخطأ لانى فعلا فهمت ان التنقيص آخر السطر بس :D :D :D


أعلى
رد مع اقتباس


 عنوان المشاركة: lمراجعة للترجمة لو سمحتى يا لهلوبة
مرسل: الأحد مايو 05, 2013 11:29 pm 
غير متصل
عضو متالق
عضو متالق
اشترك في: الثلاثاء مارس 12, 2013 8:24 pm
مشاركات: 655
:mrgreen: :mrgreen:

انا صلحت الخطا زى ما شرحتيلى و الظهر اتظبط معايا و الحمد لله ... الله يكرمك
وكنت عيزاكى ترجعيلى ترجمة حردة الرقبة قبل ما اشتغلها علشان ما ارجعش افك الشغل

Shape neck: Next row: (RS). Work 2tog. K9 (neck edge). Turn. Leave rem sts on a spare needle. Dec 1 st at neck edge on next 2 rows then on alt rows twice more AT THE SAME TIME, dec 1 st at raglan edge on every alt row to 2 sts.
Next row: Work 2tog. Fasten off.
With RS facing, slip next 9 (9-13-13) sts onto a st holder. Join appropriate color, knit to last 2 sts. Work 2tog. Work as for left side, reversing all shapings
.

1- وجه الشغل : 2 عدل معا - ( 9 عدل ) لحردة الرقبة
2- نلف الشغل ( كأننا ح نشتغل short row ) و نترك الغرز الباقية على خيط و حامل
3-فى السطريين الجايين من ناحية حردة الرقبة ح ننقص غرزة

4- ح نفص غرزة من ناحية الرقبة فى سطر و سطر لأ مرتين و فى نفس الوقت ح ننقص غرزة من ناحية حردة الرجلان يعنى من برة فى سطر و سطر لأ برضه

5-السطر اللى جاى : ح نشتغل 2 ع معا و بعدين نقفل Fasten off ? :?: صح كدة و لا ايه
اما السطريين الجايين دول محتاجين توضيح

With RS facing, slip next 9 (9-13-13) sts onto a st holder. Join appropriate color, knit to last 2 sts. Work 2tog. Work as for left side, reversing all shapings[/colo


أعلى
رد مع اقتباس


 عنوان المشاركة: Re: lمراجعة للترجمة لو سمحتى يا لهلوبة
مرسل: الاثنين مايو 06, 2013 8:33 am 
غير متصل
مراقب عام
مراقب عام
اشترك في: الاثنين إبريل 05, 2010 7:23 pm
مشاركات: 12899
مكان: المنصورة

اولا ياقمر ماتتخضيش عشان انا نقلت سؤالك فى الموضوع هنا لانه سؤال فى نفس الموديل ومش عاوزين نشتت الناس ونحاول نحافظ على تنظيم المنتدى

اما بالنسبه لترجمتك فهيا ميه ميه ولا فراخ الجمعيه هههههههه
لا بجد برافو عليكى وشكلى هستعين بيكى بعد كدا فى ترجمة الموديلات للعضوات

بس فيه ملاحظه واحده بس ممكن متكونيش واخده بالك منها

السطر دلوقتى عندك عليه 31 (31-35-35)غرزة
وزى مانتى شرحتى بس هشرحلك تانى بطريقة تانيه عشان تثبت المعلومة اكتر

السطر الاول(وجه العمل)= هتشتغلى 2ع معا ,9ع (هيتبقا عندك على الابرة 20_20_24_24 غرزة هتركنيهم على ماسك الغرز)
هنلف الشغل (فعلا كانك هتشتغلى سطور قصيرة وهنبدا نشتغل فوق 10 غرز الموجودين دلوقتى على الابرة)
السطر الثانى= هنقص غرزة من ناحية الرقبه ونكمل السطر عادى
السطر الثالث=هتشتغلى 2ع معا ونشتغل عادى ثم هنقص غرزة ناحية الرقبه
السطر الرابع=بدون تنقيص
السطر الخامس=هتشتغلى 2ع معا ونشتغل عادى ثم هنقص غرزة ناحية الرقبه
السطر السادس=بدون تنقيص
السطر السابع=هتشتغلى 2ع معا ونشتغل عادى ثم هنقص غرزة ناحية الرقبه
السطر الثامن=بدون تنقيص
السطر التاسع=هتشتغلى 2ع معا ونكمل السطر عادى
اصبح الان على الابرة غرزتين
السطر العاشر=2م معا ونقفل الشغل

انا قصدت اترجملك كدا عشان اوضحلك التنقيص من ناحية الرقبه والتنقيص من حردة الرجلان وهما ماشيين مع بعض

الجزء التالى بقا خاص ب 20_20_24_24 غرزة اللى كنا راكننهم على ماسك الغرز هنشتغلهم كالتالى
السطر الاول(وجه العمل)= هنسلت اول 9 (9-13-13) غرزة (اللى موجودين ناحية الرقبة)على ماسك الغرز(ودول هنحتاجهم بعد كدا لما نعمل اسورة الرقبه) ثم هنربط الخيط باللون اللى عليه الدور ونشتغل 9ع ثم 2ع معا
دلوقتى عندنا 10 غرز هنشتغلهم بنفس طريقة شغل الناحية الشمال الموضحه فوق بنفس التنقيصات ناحية الرقبه وناحية الرجلان حتى يتبقا على الابرة غرزتين هنشتغلهم معا ونقفل الشغل

بس كدا
اتمنى تكون الصورة وضحت ياقمر
واى استفسار انا تحت امرك




دورة تعلم التريكو من البداية وحتى الإحتراف

صورة



أعلى
رد مع اقتباس


 عنوان المشاركة: الله لا يحرمنا منك ابدا
مرسل: الاثنين مايو 06, 2013 9:25 am 
غير متصل
عضو متالق
عضو متالق
اشترك في: الثلاثاء مارس 12, 2013 8:24 pm
مشاركات: 655
طبعا لو الترجمة مظبوطة يبقى الفضل لله اولا و ثانيا و ما فيش ثالثا للأستاذة العظيمة اللى علمتنى حبيبتى لولو الله يزيدك علم و فهم


حبيبتى لولو انتى علمتينى من الصفر مش ح انسى عمرى فضلك علية و ما فيش وقت احتاجلك الا و بلاقيكى ربنا يباركلك فى بنتك يا رب و بالنسبة للترجمة يا ريت اقدر اساعدك زى ما بتساعدينا كلنا فاضل بس اتعلم الباترون المرسوم فى المرحلة الجاية ان شاء الله و عيونى ليكى بالمناسبة انا اتعلمت ازاى اشتغل الجاكار بأبرة الايتامين زى ما قلتيلى و ممكن احضر موضوع كامل بالفيديو و الصور و مخططات لرسوم الاطفال بس المشكلة ان المنتدى مش بيحمل الصور و لا ملفات الوورد المهم لو ربنا كرمنى و حضرت الموضوع ح ابعتهولك على صفحتك ع الفيس



و مشكورة ع الشرح ح ابدأ فورا ان شاء الله :D :D :D


أعلى
رد مع اقتباس


 عنوان المشاركة: Re: الله لا يحرمنا منك ابدا
مرسل: الاثنين مايو 06, 2013 11:39 am 
غير متصل
مراقب عام
مراقب عام
اشترك في: الاثنين إبريل 05, 2010 7:23 pm
مشاركات: 12899
مكان: المنصورة
ميرفت كتب:
طبعا لو الترجمة مظبوطة يبقى الفضل لله اولا و ثانيا و ما فيش ثالثا للأستاذة العظيمة اللى علمتنى حبيبتى لولو الله يزيدك علم و فهم


حبيبتى لولو انتى علمتينى من الصفر مش ح انسى عمرى فضلك علية و ما فيش وقت احتاجلك الا و بلاقيكى ربنا يباركلك فى بنتك يا رب و بالنسبة للترجمة يا ريت اقدر اساعدك زى ما بتساعدينا كلنا فاضل بس اتعلم الباترون المرسوم فى المرحلة الجاية ان شاء الله و عيونى ليكى بالمناسبة انا اتعلمت ازاى اشتغل الجاكار بأبرة الايتامين زى ما قلتيلى و ممكن احضر موضوع كامل بالفيديو و الصور و مخططات لرسوم الاطفال بس المشكلة ان المنتدى مش بيحمل الصور و لا ملفات الوورد المهم لو ربنا كرمنى و حضرت الموضوع ح ابعتهولك على صفحتك ع الفيس



و مشكورة ع الشرح ح ابدأ فورا ان شاء الله :D :D :D


الفضل لله رب العالمين
وان شاء الله تبقى استاذه فى التريكو بالاجتهاد والصبر

بصى ياقمر اى صور او ملفات ممكن تضيفيها عادى هنا فى المنتدى
شوفى الموضوع ده هيشرحلك بالتفصيل ازاى تعملى موضوع منسق وجميل

طريقة كتابة موضوع جديد، وكيفية تنسيقه بالصور

وان شاء الله نتمكن من رؤية ابداعاتك فى التريكو




دورة تعلم التريكو من البداية وحتى الإحتراف

صورة



أعلى
رد مع اقتباس


إرسال موضوع جديد الرد على الموضوع  [ 7 مشاركة ] 

أقرا ايضا
سؤال فى باترون
سؤال ضررررررررررررورى
سؤال عن غرزه no stitch
سؤال عن غرزة بطانية
سؤال عن اللفات فى التريكو
سؤال عن إسم غرزة
سؤال فى حردة الكم
سؤال فى حردة الباط
سؤال عن قياس الوحدة
سؤال فى البونشو التريكو بضفائر

تعليمات المشاركة
لا تستطيع كتابة مواضيع جديدة في هذا المنتدى
لا تستطيع كتابة ردود في هذا المنتدى
لا تستطيع تعديل مشاركاتك في هذا المنتدى
لا تستطيع حذف مشاركاتك في هذا المنتدى
لا تستطيع إرفاق ملف في هذا المنتدى
لهلوبه - أعلى

Powered by phpBB® Forum Software © phpBB Group
ترجم بواسطة phpBBArabia
phpbb_seo