lolo92 كتب:
الموضوع اكثر من رائع
بس عندي كم سؤال معلش انا اسفة اني هتقل عليكي
- هو لما قولتي انه نضع الغرز على ماسك الغرز في اخر كل جزئية هل تقصدين ان بعد ما نخلص الظهر والجزء الأمامي اليمين نشيل كل الغرز ونحطها على الماسك ونبدأ شغل جديد ولا تقصدي غرز معينة هنحطها؟؟؟
- معلش انا اسفة بس هو يعني ايه نلف الشغل؟؟
- ويعني ايه نلقط؟؟؟؟
شيء اخير هو فيه طريقة معينة الواحد يغير بيها الخيوط قصدي الالوان ؟؟؟؟
ولا يهمك ياقمر
انا تحت امرك فى اى استفسارات
اقتباس:
- هو لما قولتي انه نضع الغرز على ماسك الغرز في اخر كل جزئية هل تقصدين ان بعد ما نخلص الظهر والجزء الأمامي اليمين نشيل كل الغرز ونحطها على الماسك ونبدأ شغل جديد ولا تقصدي غرز معينة هنحطها؟؟؟
فعلا انا اقصد انك مثلا لما تخلصى الظهر هتنقلى الغرز على ماسك وتبدأى شغل جديد وليكن مثلا الصدر
اقتباس:
- معلش انا اسفة بس هو يعني ايه نلف الشغل؟؟
نلف الشغل كانك خلصتى السطر وهتبداى سطر جديد
اقتباس:
- ويعني ايه نلقط؟؟؟؟
لقط الغرز باستخدام ابرة الكروشيه هدخليها فى المكان اللى انتى عاوزة تلقطى فيه الغرز وتلقطى الخيط وتضعيه على ابرة التريكو وفيه ناس بتلقط باستخدام ابرة التريكو نفسها بس انا بستسهل ابرة الكروشيه
اقتباس:
شيء اخير هو فيه طريقة معينة الواحد يغير بيها الخيوط قصدي الالوان ؟؟؟؟
لو فى وسط الشغل هتربطى اللونين كويس وتبدلى اللون باللون اللى هتشتغلى بيه وماتقطعيش الخيط القديم لانك هترجعى تشتغلى بيه تانى وكمان عشان مايبقاش الشغل من جوا مش نضيف
اتمنى اكون افدتك وانا تحت امرك فى اى استفسارات
