Salwa ahmed كتب:
متشكره قوي ويارب تطلع صح
انا بحب التريكو جدا بس للاسف مش بعرف اقرا الباترون
وبعد ازنك هتعبك شويه في باترون الجاكت الكحلي بس بعد ما اعمل الكوفيه ان شاء الله
مرسي خااااااااااالص
انا تحت امرك ياقمرايه وانا كمان من عشاق التريكو
والباترون سهل جدا ان شاء الله هعمل درس فى الاساسيات ازاى نتعامل مع الباترون المرسوم وازاى نقراه وانتى لو عرفتى الرموز وازاى تقراى الباترون مش هتحتاجى حاجه بعد كدا فى التريكو
واى حاجه انتى مش فهماها او عايزه تسالى فيها حتى لو مش فى المنتدى انا موجوده واسالى ميهمكيش
Salwa ahmed كتب:
انا بشتغلها علي ابر مقاس ١٢
بس الخيط مش تخين قوي وانا عملت يعني المفروض ٣ ضفاير جوا بعض بلطول يعني
وشكلها كان بايظ خالص
هجربها واقولك علي النتيجه
لحسن انا كان بقالي والله يومين بتعزب بسببها وحصلي احباط
متشكره قوي
ويارب خير ادعيلي
طيب المقاس ده كويس قريب من اللى فى الباترون وانتى اعملى اول ضفيرتين فى بعض وشوفى الشكل عامل ايه لاقيتيه بايظ برضه ماتكمليش وياريت تصورى الشغل وتحطيه عشان اشوف الغلط فين واساعدك
قومى بس كدا اعمليلك كوباية شاى وركزى هتلاقيكى اتلخبطى او نسيتى تعملى خطوه او نسيتى سطور
ومش عاوزاكى يجيلك احباط لان لسه فى حاجات حلوة كتير هنعملها ان شاء الله
اتمنالك التوفيق وابقى طمنينى على النتيجه
