بلوفر تريكو حريمى روعه بالشرح الكامل والباترون

حبيبتى هكملك الشر ح من حيث توقفت وان شاء الله استفساراتك كلها تجاوب خلال الشرح


_عندما يصل الطول الى 36سم هنقفل عشان حردة الباط من كل جانب كالتالى
3غرز مرة واحده من كل جانب
ثم غرزتين 4مرات من كل جانب
ثم غرزة 4مرات من كل جانب

سيصبح عدد الغرز بعد جميع التنقيصات=68 غرزة
_ إستمرى فى الشغل حتى يصل الطول إلى53 سم هنشتغل ال 38غرزة اللى فى المنتصف كالتالى:(2ع ,2م) ونكرر مابين الأقواس وننهى ب 2ع وباقى الغرز هنشتغلها كما سبق
_عندما يصل الطول إلى56 سم هنقفل ال 18 غرزة اللى فى المنتصف عشان حردة الرقبة هيتبقا عندنا 23غرزة لكل كتف.
_هنستمر فى العمل العدل فوق العدل والمقلوب فوق المقلوب مع عمل 2 غرزة طوق ناحية الرقبة.
_عندما يصل الطول إلى 58سم هنقفل الشغل

السلام عليكم ورحمة الله تعالى وبركاته
أختي لهلوبة انا انتهيت من الظهر والحمد لله ودحين بديت في الجزء الايسر وعملت السطرين العدلين وبس ودحين منتظره باقي الشرح لأني مافهمتو

وعليكم السلام ورحمة الله وبركاته
مبارك عليكى وان شاء الله يكمل على خير اتمنى لكى التوفيق
بالنسبه للجزء الامامى الشمال هنشتغله كالتالى

_هتبدأى بعمل 49غرزةة(بما فيهم ال8 غرز بتوع البرواز الأمامى وغرزة الحافة)
_هتشتغلى سطرين عدل
_ثم هنستمر كالتالى
السطر1= غرزة حافه,1م,2ع,2م,2ع,4م,2ع,4م,2ع,2م,(2ع,4م,5ع,4م,2ع),2م,8ع
السطر2=8ع,2ع,2م,4ع,لفه,1م,إسلتى غرزة كأنك هتشتغليها عدل ,2ع معا,مررى الغرزة المسلوته فوق الغرزة العدلة.1م,لفه,4ع,2م,2ع,2م,4ع,2م,4ع,2م,2ع,2م,1ع,غرزة حافه
السطر3=زى السطر الاول
السطر4=8ع,2ع,2م,4ع,1م,لفه,إسلتى غرزة كأنك هتشتغليها عدل ,2ع معا,مررى الغرزة المسلوته فوق الغرزة العدلة.لفه,1م,4ع,2م,2ع,2م,4ع,2م,4ع,2م,2ع,2م,1ع,غرزة حافه
السطر5=زى السطر الاول
السطر6=8ع,2ع,2م,4ع,5م,4ع,2م,2ع,2م,4ع,2م,4ع,2م,2ع,2م,1ع,غرزة حافه

هتكررى ال 6 سطور دول طول الشغل
وفى نفس الوقت عندما يصل الطول الى 10سم هتزودى غرزة من الجانب كل 7سم 4 مرات
عدد الغرز سيصبح بعد جميع التزويدات=53غرزة

_هنستمر فى الشغل وعندما يصل الطول 33سم هنشتغل سطرين عدل فوق ال8 غرز بتوع البرواز الأمامى (ومش هنشتغل باقى السطر ) ده هيجعل شكل حردة الرقبة أنيق ومنظم


اشتغلى لحد هنا واما تخلصى اكملك ان شاء الله
واى استفسار انا تحت امرك

بعتذر منك حبيبتى انتى عندك حق انا اللى اخطأت فى السطر الاول وتم تعديله وان شاء الله مايكون فى اخطاء ثانية

بصى ياجميل انا رأيى تعملى مقاس لارج لان سمك الخيط مش فارق قوى عن اللى مطلوب

وخدى بالك ان الكم هنا ثلاث أربع كم يعنى مش طويل زى فىى الموديل اللى فى الصورة يعنى لو عاوزة الكم اطول ويبقا مظبوط على طول ذراعك خدى طول الذراع من تحت الباط هنفترض مثلا انه طلع 40سم
فى الموديل طول الكم من تحت الباط للمقاس لارج = 31سم
يبقا انتى محتاجه تزودى طول الكم 9سم هتشتغليهم فى الأول بدون تزويد فى الجناب ثم تكملى عادى زى ما الباترون شارح

كمان فيه نقطة طول البلوفر نفسه برضه قصير لو عاوزاه اطول ويبقا مناسب بنفس الطريقة هتقيسى الطول من تحت الباط لحد الطول المناسب ليكى وقارنيه بالطول الموجود فى الرسم وهكذا

بالنسبة للتوسيع ماينفعش نلعب فى المقاسات وندخل حردات لمقاس على مقاس تانى ولكن الطول ممكن نعدل فيه
وحددى مقاسك المظبوط بقياس محيط الصدر
فى الرسم التخطيطى نصف محيط الصدر=45_49_53_56_64 سم

وفيه نقطه اخيرة البلوفر ده ظهره عباره عن بليسيه
يعنى مهما وسعتى كدا كدا هيبقا مجسم

واى استفسار ياقمر تحت امرك

تسلميلى ياقمر