بونشو تريكو بضفاير بالباترون مترجم للعربيه

صح بيتحسبوا سطر واحد

اهلا وسهلا بيكى rosena
سعيده بتواجدك واسئلتك الجميلة اللى اكيد هتفيد ناس كتير

بالنسبه للضفاير بنستعين بابرة تريكو ثالثه ننقل عليه الغرز مؤقتا ثم نعيدها على الابر اللى شغالين بيها مرة تانيه
اما تبديل الابر فهو امر غير ضرورى ممكن الاستغناء عنه وده الهدف منه ان الغرز تبقا متماسكه من تحت اكتر عشان مع تكرار اللبس ما يوسعش من تحت

=اسلتى 3 غرز على ابرة الضفيرة خلف العمل ,3ع,اشتغلى الغرز المسلوته عدل

معنى السطر ده انك هتجيبى ابرة تريكو ثالثه (ويفضل تكون من نفس مقاس الابر اللى انتى شغاله عليه او مقاس اصغر ولكن لو اكبر هيبقا صعب نقل الغرز) وهتنقلى عليهم 3 غرز بدون ما تشتغليهم ثم هتشتغلى الثلاث غرز التاليين عدل ثم هترجعى الغرز المنقوله للابر اللى انتى شغاله عليها مره تانيه وتشتغليهم عدل

اسالى ولا يهمك

صح اللى انتى بتقوليه العدل فى اول سطر هيبقا مقلوب فى تانى سطر والعكس صحيح الا فى حاله غرزة الطوق بتبقا فى كل السطور عدل

اهلا بيكى rosena
اتمنى منك قراة الباترون كله كويس الاول قبل البدء فى الشغل عشان لو فيه خطا او حاجه مش فاهماها نقدر نلحقها قبل ما تكونى اشتغلتى بالفعل

فى الموضوع عرفك الاول على انواع الغرز والضفاير وازاى تعمليها وبتتكون من كام سطر وكام غرزة

وبعد كدا بدا يشرح ازاى هنعمل البونشو

الجزء اللى انتى بتسالى فيه وهوا الضفيرة 9 دى عبارة عن 9 غرز × 16 سطر

السطر السابع فى الضفيرة مكون ايضا من 9 غرز فقط


انما لما تيجى تطبقى الضفيرة دى فى البونشو

هتلاقيها وسط غرز كتير فمثلا اول سطر فى الضفيره بيقولك اشتغلى كله عدل يعنى يقصد 9 غرز بتوع الضفيرة بس هتشتغليهم عدل وبعد كدا هتشتغلى زى ما الباترون بيقولك