ميرفت كتب:
لو سمحتى لو حبيت استبدل برواز الزراير فى الموديل ده بالبرواز اللى فى الموديل ده
http://www.lahlooba.com/forum/men-knitting/topic-t9938.html
معلش ح اكتب لك الخطوات على قد فهمى و لو فى غلط من فضلك صلحيلى
1-ح اشيل ال8 غرز بتوع البواز القديم و ابدأ الشغل من الغرز اللى بعه على طول
2-بعد ما اخلص الجانب الامامى خالص ح ألقط الغرز على الحرف و بعدين اشتغل
السطر الاول عدل
السطر التانى 1ع -1م
السطر التالت عدل و هكذا لحد ما اوصل للعرض اللى يوازى عرض البرواز الاصلى؟؟مش كدة و لا ايه ؟؟
و بعدين لما نوصل للعرض المطلوب نفقل صح كده
بس سؤالى ح أعمل فتحات الزراير ازاى؟؟
أقيس بالمسطرة بقى عند 7سم ثم 14 سم ؟؟ لأن الشغل ح يبقى بالطول ..و لا أعمل ايه؟؟
اهم حاجة بقى ح اشتغل ع البرواز ع الابر العادية ولا الدائرية لأن البرواز بالكابتشو ح يبقى طويل؟؟؟ و لو على الدائرية فى تعليمات معينة لأنى ما أشتغلتش بيها قبل كدة ؟؟
هشرحلك ياقمر تعملى ايه بالظبط
اولا هتشتغلى الجزء الامامى الشمال واليمين من غير 8 غرز بتوع البرواز وكمان الكابتشو هتشتغليه من غير 8غرز بتوع البرواز وبعد ماتخلصى الجاكت كله هتبداى بقا تلقطى الغرز بتاعتك على ابر دائريه لان عددها هيكون كبير (وهتشتغلى عليها عادى كانك بتشتغلى على ابر عاديه بس احنا هنستخدمها هنا عشان عدد الغرز كبير بس ولو لاقيتى ابرة عادية بس تكون طويلة ممكن تشتغلى عليها برضه)هتلقطى حوالى من 451 الى 501 غرزة (لازم العدد يكون فردى) وتبداى اللقط من اسفل الجزء الامامى اليمين مرورا بالكابتشو ثم تنتهى بالجزء الامامى الشمال
وتبداى تشتغلى الغرز الملقوطة كالتالى
السطر الاول=عدل
السطر الثانى= 1ع (1م,1ع)هتكررى مابين الاقواس حتى نهاية السطر
السطر الثالث= 1م(1ع,1م)هتكررى مابين الاقواس حتى نهاية السطر
السطر الرابع= هتشتغلى البليسيه زى السطر الثانى بس فى السطر ده هتعملى فتحات الزراير على البرواز اليمين فقط الفتحة الواحده بتتعمل كالتالى هتشتغلى 2ع معا ,لفه وبالنسبه للمسافات بين فتحات الزراير مش هتقسيها بالمسطرة ولا حاجه هتقيسى المسافه بين كل فتحة والتانية بعدد الغرز يعنى شوفى انتى عاوزة تعملى كام زرار وعدى الغرز اللى على البرواز اليمين بس وقسميهم بحيث يكون عدد الغرز بين كل الفتحات مساوى لبعضه
السطر الخامس=زى الثالث
السطر السادس=زى الثانى
السطر السابع= زى الثالث
السطر الثامن=هتقفلى الشغل هتقفلى الغرزة العدلة عدل والغرزة المقلوبه مقلوب
واى استفسار انا تحت امرك
