اقتباس:
انا فاهمة ازاي هتتعمل الطريقة المحترفة موضوع اني هشتغل الباترون20 مرة مفهوم برضو نيجي للتحت
بتقولي اننا نحط ٣١ غرزة على ماسك الغرز بس دول كلهم ٣١ غرز فهل ده معناه اني بحط الغرز كلها على ماسك الغرز؟؟؟؟
ولا المفروض بعد ما هخلص ال20 مرة هيكون عدد الغرز زاد فاخد منهم ٣١ غرزة؟؟؟؟؟؟
طيب لو انا هاخد من الغرز الكتيرة اللي زادت ٣١ غرزة هاخدهم من النص ولا منيين بالضبط؟؟؟
بصى ياقمر الجزء المخرم اللى تحت فى اخر الإسكارف ده عبارة عن 31 غرزة بتشتغلى الباترون فوقيهم 20 مرة هيطلع فى النهاية معاكى شريط طويل ليه جانب مشرشر والجانب الثانى مخرم وبدايته 31 غرزة ونهايته 31 غرزة الموجودين على الابرة انا عاوزاكى تتخيلى معايا الشكل ده هتحطى 31 غرزة اللى على الابرة على ماسك غرز عشان هنحتاجهم فى الاخر
اقتباس:
وومش فاهمة ازاي يعني هلقط من جانب الحافة ؟؟؟؟ وهلقط بابرة كورشيه صح؟؟؟؟
وطبعا بعد ما هلقط هشتغل ال202 غرزة زي ما انتي كاتبة صح؟؟
انا قولتلك الحافة عبارة عن شريط ليه ناحية مشرشرة وناحية مخرمة احنا بقا هنلقط على الناحية المخرمة بابرة الكروشيه 202 غرزة
اقتباس:
السطر الاول عايزة افهمه لانه غالبا لو فهمته هفهم الباقي بتقولي بعد ما نلقط هنشتغل السطر الاول
السطر الأول= 96م,هنضع علامة,10م,هنضع علامة,(هنسلت غرزة على الإبرة اليمين مع وجود خيط الشغل خلف العمل ثم نرجع الغرزة المسلوتة الى الابرة الشمال مع وجود خيط الشغل امام العمل ثم هنلف الشغل ونضع علامة على الابرة اليمين)
ماشي انا فاهم لحد موضوع اننا نشتغل 10 مقلوب وبعدين نحط علامة اللي ما بين القوسين بقى ده ايه ده ؟؟؟
بتقولي نسلت غرزة والخيط خلف العمل ونرجعها والخيط امام العمل صح كده؟؟؟ وبعدين هنلف الشغل يعني انا مش هشتغل باقي الغرز اللي هم باقيين من 202 بمعنى اخر انا اشتغلت ٩٦ وبعدين 10مقلوب يعني عدي 106 غرزة اشتغلتهم يبقى باقي كده ٩٦ دول هشتغلهم ايه؟؟؟؟
دى حاجه اسمها السطور اليابانية القصيرة معناه اانك بتشتغل عدد سطور اكتر فوق بعض الغرز عن غيرها من الغرز وبنعمل كدا عشان نحصل على الشكل البيضاوى اللى انتى شيفاه فى الإسكارف
انتى هتشتغلى فعلا 106 غرزة وباقى الغرز مش هتشتغلى فوقيهم وفى كل سطر جديد بتشتغلى شويه من الغرز دى 3غرز بتدخليهم مع الشغل من كل ناحية
انتى بس لو مشيتى مع الخطوات وطبقتى هتفهمى اكتر
اقتباس:
واخيرا في السطر ال٦٤ بتقولي نلقط وا٣١ غرزة على الجانب الشمال ده غير اللي موجودين على الماسك؟؟؟؟
فاكرة الحافة اللى فى الاول وشكلها ليها بداية ونهاية وجانبين
البداية دى بقا اللى هتلقطى عليها 31 غرزة علشان يبقوا زى ال31 غرزة اللى احنا سلتناهم فى نهاية عمل الحافة
اقتباس:
يبقى انا كده عايزة افهم ازاي يعني القط على جانب الحافة والكلام اللي ما بين قوسين ده مش فاهمة منه كلمه وحكاية ٣١ غرزة اللي على الماسك
وبكده اكون طلبت منك انك تشرحي الاسكارف من اول وجديد واثبتلك غبائي وطبعا ميرفت اتاكدت انها ذكية جدا وانه في ناس (اللي هم انا طبعا )اغبى بكتير اوي
هههههههههههههههههههههههههههههههههههههههه
ضحكتينى من قلبى والله إنتى زى العسل
انا متأكدة إنك لو طبقتيه هتفهمى الموضوع أكتر ساعات الحاجه لما بنقرأها بتبقا مبهمة وصعبة ولكن عند التنفيذ بنكتشف إنها أسهل بكتير مما كنا نتخيل
