باترون بلوفر تريكو سبورت للأولاد بسوستة بالشرح كامل بالعربى

عليه أفضل الصلاة والسلام
تسلمى ياقمر ومبسوطة ان الموديل عجبك

بالنسبه للسن اعملى مقاس 4 ومتغيريش مقاس الابر وان شاء الله يظبط عليه وشوفى الرسم البيانى ده موضح المقاسات النهائية للبلوفر بالسنتيميتر لكل مقاس عشان تقدرى تحددى اكتر واكتر هل المقاس اللى هتشتغلى عليه هيكون مناسب ولا لأ


وبالنسبة لحردة الكم الرجلان والكابتشو مافيش اسهل من كدا هتشتغلى البلوفر عادى بس هتقفى عند حردة الباط فى كل الاجزاء يعنى الجزئين بتوع الامام والخلف وكمان الاكمام وبدل ماتقفلى عشان حردة الباط هتقفلى 5 غرز من كل جانب فى كل الاجزاء
يعنى هتقفلى 5 غرز من كل جانب فى الظهر و5 غرز من كل جانب فى الاكمام وهتقفلى 5 غرز من ناحية الباط فى كل جزء

بعد كدا هتجمعى الاجزاء كلها على ابرة واحدة وتشتغلى الرجلان

لو فهمتى الفكرة دى اكملك الشرح

انا افضل انك تعملى مقاس 4 وان شاء الله يبقا مظبوط

تمام
لا المفروض 17 سم بالبليسيه كمان
بالنسبه للرجلان هتجمعى الاجزاء كلها وتشتغلى الرجلان على سطر واحد كل الاجزاء

بصى ياجميل حردة الرجلان ممكن تتعمل بكذا طريقة

يعنى ممكن تشتغلى الرجلان منفصل فى كل جزء يعنى تعملى الكم كامل بحردة الرجلان بتاعته وتعملى الوجه بحردة الرجلان بتاعته وهكذا وتيجى فى الاخر تخيطى الاجزاء كلها فى بعضها بالماكينه او اى طريقة لتوصيل القطع ببعضها
انا مش بحب الطريقة دى لانها بتكلكع مكان التوصيل او الخياطة فانا هقولك على الطريقة اللى انا بتبعها فى حردة الرجلان وممكن متبقاش معروفة لناس كتير فى الطريقة دى بتشتغلى الرجلان فى كل الاجزاء مرة واحدة ومش هتحتاجى انك تخيطى الرجلان لان الاجزاء كلها هتبقا مشبكة مع بعضها

بصى يا ستى

انتى دلوقتى بتشتغلى الظهر هتشتغلى لغاية الجزئية بتاعة التقفيل عشان الباط مش هتعمليها انتى هتقفلى 5 غرز من كل ناحية وتركنى الغرز على ابرة جانبيه وتقطعى الخيط لغاية ما تعملى الوجه اليمين والشمال وبرضه بالمثل هتيجى عند التقفيل عشان الباط وتقفلى 5 غرز طبعا فى كل جزء من ناحية الباط س هتقطعى الخيط بتاع الناحية الشمال وتسيبى الخيط بتاع الناحية اليمين ماتقطعهوش عشان ده اللى هتكملى بيه الشغل بعدين وتركنى الغرز برضه جانبا لغاية ماتشتغلى الاكمام وبرضه هتشتغلى الى ان تصلى للجزئية بتاعة التقفيل عشان قبة الكم ومش هتعمليها لا انتى هتقفلى 5 غرز من كل ناحية وتقطعى الخيط
وفى كل الاجزاء تعملى حسابك ان اخر سطر تكونى شغلاه يبقا مقلوب

نيجى بقا لسطر التجميع بتاع الاجزاء كلها هتجيبى الجزء الامامى اليمين وبالخيط المتصل بيه هتشتغلى سطر عدل ثم تضعى علامة وبنفس الخيط وبنفس الابرة هتشتغلى احد الاكمام سطر عدل ثم تضعى العلامة الثانيه ثم بنفس الخيط والابرة هتشتغلى الظهر سطر عدل ثم تضعى العلامة الثالثة ثم بنفس الخيط والابرة هتشتغلى الكم الاخر سطر عدل وتضعى العلامة الرابعة ثم بنفس الخيط والابرة هتشتغلى الجزء الامامى الشمال سطر عدل

دلوقتى اصبح عندك كل الاجزاء على ابرة واحده وبتشتغليهم كلهم كانك بتشتغلى قطعة واحدة وعندك 4 علامات

السطر اللى بعد كده هتشتغليه كله مقلوب عادى

السطر اللى بعده واللى هيبقا فيه التنقيص عشان تبداى بقا تعملى الحردة الرجلان كالتالى هتشتغلى الغرز فى الجزء الامامى اليمين عدل وقبل اول علامة ب 3 غرز هتشتغلى اسلتى غرزة ثم 1ع ثم مررى الغرزة العدلة فوق المسلوته ثم هتشتغلى غرزة عدل ثم بعد العلامه هتشتغلى غرزة عدلة ثم 2ع معا

وهتكملى السطر كدا يعنى قبل كل علامة هتشتغلى (اسلتى غرزة ثم 1ع ثم مررى الغرزة العدلة فوق المسلوته ثم هتشتغلى غرزة عدل) وبعد العلامة هتشتغلى (غرزة عدلة ثم 2ع معا )


وهتستمرى هكذا سطر مقلوب ثم السطر العدل هتعملى فيه التنقيص

وبالنسبة لحردة الرقبة زى ماهو مشروح فى الموديل ده والكابتشو بيتلقط على دوران الرقبه وبتشتغليه بعد كدا


اتمنى تكون الصورة وضحت شوية ولو لسه ماوصلتش الفكرة اشرحلك بطريقة تانيه خالص

الشكر لله حبيبتى وانا تحت امرك فى اى استفسارات