emanmorcy كتب:
معلش السن من 5-6.
emanmorcy كتب:
انا قفلت 6غرز من الناحيتين وهنشتغل الجزء الامامى والجزء الخلفى منفصلين بعد كده هنقص غرزه فى اول السطر الامامى وغرزه فى اخره ....كده تمام
emanmorcy كتب:
يا اخت لهلوبه معلش ان كنت بتاقل عليكى شويه ولكن اعذرينى انا لسه مبتدئه في التريكو
حبيبتى إسألى براحتك وأنا تحت أمرك فى أى وقت
إنتى دلوقتى قفلتى 6 غرز من كل جانب وفصلتى الشغل وهتشتغلى كل ناحية لوحدها
الجزء الخلفى اللى هو الظهر كالتالى
(الجزء الخلفى)
_عدد الغرز على الابرة= 84 غرزة
_هنشتغل غرزة الجرسية امام وخلف العمل مع عمل غرزة حافة من كل جانب (لاحظى ان غرزة الجرسيه اما وخلف العمل معناها سطر عدل وسطر مقلوب يعنى مش هتبقا زى الشغل الدائرى كل السطور عدل)
_فى نفس الوقت فى اول سطر (امام العمل) هنقص غرزة من كل جانب كالتالى
هنشتغل غرزة حافة ثم 3 غرز جرسيه ثم إسلتى غرزة,1ع,مررى المسلوته فوق العدلة وهنكمل باقى السطر عدل حتى اخر 6 غرز هنشتغلهم 2ع معا ثم 3 غرز جرسيه ثم غرزة حافه
_هنكرر التنقيص فى كل سطر امامى 8 مرات ككل (بمعنى عدد مرات التنقيص كلها 8 مرات وكل التنقيصات يجب ان تكون فى السطور الامامية يعنى فى السطور العدلة)
_سيصبح عدد الغرز بعد جميع التنقيصات= 68 غرزة
_عندما يصل الطول الى 39 سم هنقفل 24 غرزة فى المنتصف لعمل حردة الرقبة ثم هنكمل كل كتف منفصلا (كل كتف يتكون من 22 غرزة)
_هنستمر بعمل غرزة الجرسيه لكل كتف حتى يصل الطول الى 40 سم هنقفل الشغل
.......
بالنسبة للجزء الامامى
_عدد الغرز = 102 غرزة
_هنشتغل امام وخلف العمل كما سبق وهنقفل عشان حردة الباط كما هو مشروح فى الجزء الخلفى
_فى نفس الوقت عندما يصل الطول إلى 28 سم هنسلت 6 غرز اللى فى المنتصف على ماسك الغرز عشان حردة الرقبة ثم نكمل كل ناحية منفصلة
_ هنسلت الغرز الموجودة فى احد الناحيتين مؤقتا على ماسك الغرز ونكمل الناحية الاخرى
_هنستمر بالتقفيل ناحية الباط وفى نفس الوقت فى السطر التالى (امام العمل) هنقص غرزة ناحية الرقبة كالتالى هنشتغل غرزة حافة,إسلتى غرزة,1ع,مررى المسلوت فوق العدل,هنكمل السطر حتى اخر 6 غرز هنشتغلهم 2ع معا,3جرسيه,غرزة حافة
_هنكرر التنقيص ناحية الرقبة كل سطر امامى 9 مرات ككل
_بعد جميع التنقيصات ناحية الباط وناحية الرقبة سيصبح عدد الغرز= 31 غرزة متبقيين للكتف
_هنستمر بعمل الباترون مع عمل غرزة حافة من كل جانب حتى يصل الطول الى تقريبا 39.5 سم (هنضبط الطول بحيث يكون السطر التالى سطر امامى) هنقص غرزتين فوق كل ضفيرة صغيرة وهنقص 5 غرز فوق الضفيرة الكبيرة بشغل كل غرزتين 2ع معا
_سيصبح عدد الغرز بعد التنقيصات= 22 غرزة متبقيين للكتف هنقفل الشغل
_هنرجع الغرز المسلوتة الناحية الاخرى وهنشتغلها زى الجزء الاخر ولكن معكوس
...........
لو فى اى استفسار او اى جزء غير واضح انا تحت امرك
