إرسال موضوع جديد الرد على الموضوع  [ 20 مشاركة ]  الانتقال إلى صفحة 1, 2  التالي
الكاتب رسالة
 عنوان المشاركة: الدرس(8): غرزة الطوق Garter Stitch
مرسل: الأربعاء إبريل 02, 2014 8:47 am 
غير متصل
مراقب عام
مراقب عام
اشترك في: الاثنين إبريل 05, 2010 7:23 pm
مشاركات: 12646
مكان: المنصورة
الدرس(8): غرزة الطوق Garter Stitch

بسم الله الرحمن الرحيم

الدرس 8

صورة

غرزة الطوق

Garter Stitch


..........

أحبائى اللهلوبات الجميلات قبل البدء فى درس النهاردة كالعادة عاوزة أدردش معاكم فى شوية أساسيات الأول علشان الصورة تبقا واضحة بالنسبة ليكم.

فى الدرسين السابقين شرحنا غرزتين أساسيتين فى شغل التريكو وهما الغرزة العدلة والغرزة المقلوبة وبالفعل إذا تمكنتى من عمل الغرزتين دول يبقا إنتى كدا قطعتى نصف الطريق فى تعلم التريكو .

عاوزة أتكلم معاكوا النهاردة عن

(عينة التريكو أو وحدة التريكو)

ومجازا يطلق عليها غرز التريكو وتسمى بالإنجليزية

Knitting Stitches

_ غرز التريكو أعداد وأشكال لامتناهية فلا يوجد إحصاء أو فهرسه عالمية لغرز التريكو .

_ ولكن عالميا غرز أو وحدات التريكو مقسمة إلى ثلاث مجموعات

1/ الغرز التى تتكون من تداخل الغرزة العدلة والغرزة المقلوبة (Knits & Purls)

2/ الضفائر (Cables & Arans)

3/ اللاسيه (Laces & eyelet)

والكلام ده هنتطرق إليه بشكل أوسع فى المستوى الثانى للمحترفين.

_ أى غرزة تريكو أو أى وحدة تريكو عبارة عن عدد معين من الغرز × عدد معين من السطور

**لكل وحدة من وحدات التريكو عدد غرز للبداية يجب الإلتزام به حتى تصبح الوحدة صحيحة الشكل فهناك وحدات يجب أن تبدأى بعدد غرز زوجى ووحدات أخرى يجب أن تبدأى بعدد غرز فردى ووحدات أخرى تبدأى بأى عدد من الغرز وهكذا (طبعا هتسألونى دلوقتى يعنى إحنا هنقعد نحفظ كل وحدة من الوحدات دى عدد غرز البداية ليها كام؟ لأ طبعا لو بتشتغلى من باترون بيذكر ليكى الوحدة بتفاصيلها أما لو كنتى بتشتغلى من غير باترون وعاوزة تنفذى وحدة معينة فى الشغل بتاعك بتكونى محتفظة بألبوم للوحدات دى بتفاصيلها ).

**أيضا كل وحدة تريكو تتكون من عدد معين من السطور فهناك وحدات تتكون من سطرين ووحدات أخرى تتكون من 4 أو 6 وهكذا لتحصلى على شكل الوحدة النهائى
وتلك السطور عبارة عن
1/ سطر البداية (الذى يحتوى على غرز البداية)
ثم
2/ السطور الأمامية (وهيا السطور الفردية زى السطر 1 و 3 و 5 و 7 وهكذا ) وتسمى Right-side rows وسميت بالسطور الأمامية لأنها تظهر من أمام العمل
ثم
3/ السطور الخلفية (وهيا السطور الزوجية زى السطر 2 و 4 و 6 و 8 وهكذا ) وتسمى Wrong-side rows وسميت بالسطور الخلفية لأنها تظهر من خلف العمل


_ أيضا أى غرزة أو وحدة تريكو يكون لها وجهان
1/ الوجه الأمامى ( يسمى أمام العمل وبالإنجليزية يسمى Right-side) ويتكون هذا الوجه من السطور الأمامية وهو الوجه الذى يكون ظاهرا للخارج كوجه القبعة الخارجى أو وجه البلوفر الخارجى وهكذا

2/ الوجه الخلفى ( يسمى خلف العمل وبالإنجليزية يسمى Wrong-side) ويتكون هذا الوجه من السطور الخلفية وهو الوجه الذى يكون مختفيا للداخل كظهر القبعة الداخلى أو سطح البلوفر الداخلى وهكذا

** والوجه الأمامى هو الوجه المميز للوحدة والذى يحتوى على تفاصيل الغرزة والذى يستخدم دائما ليصبح ظاهرا خارج العمل أما الوجه الخلفى فهو الوجه السئ ودائما يكون غير ظارها للخارج وهناك بعض وحدات التريكو وجهها الأمامى مماثل لوجهها الخلفى أى تظهر بنفس الشكل وتسمى reversible stitches وتكون هذه الوحدات مثالية لعمل البطاطين أو الشيلان أو أى عمل يمكن إستخدامه على الوجهين

..........

طبعا كل الكلام السابق هنشرحه بعد كدا بالتفاصيل المملة بس حبيت أذكره النهاردة للمبتدئين لأن درس النهاردة والدرس القادم هنتكلم عن وحدتين أو غرزتين اساسيتين من غرز التريكو وهنتطرق فيهم لكل تلك النقاط السابق ذكرها إن شاء الله






دورة تعلم التريكو من البداية وحتى الإحتراف

صورة



أعلى
رد مع اقتباس


 عنوان المشاركة: Re: الدرس(8): غرزة الطوق Garter Stitch
مرسل: الأربعاء إبريل 02, 2014 11:21 am 
غير متصل
مراقب عام
مراقب عام
اشترك في: الاثنين إبريل 05, 2010 7:23 pm
مشاركات: 12646
مكان: المنصورة

نيجى بقا لدرس النهاردة

غرزة الطوق

Garter stitch


_ غرزة الطوق هيا من أبسط ومن أكثر الغرز إستخداما وشيوعا فى أعمال التريكو

_ لعمل غرزة الطوق هنبدأ بعمل أى عدد من الغرز

ثم هنشتغل كل الغرز فى كل السطور الأمامية والخلفية عدل

**(ملاحظة يمكن أيضا عمل غرزة الطوق بشغل كل الغرز فى كل السطور الأمامية والخلفية مقلوب)

وهنا فيديو يوضح طريقة عمل غرزة الطوق Garter Stitch


...........


شكل غرزة الطوق

غرزة الطوق من الغرز التى تظهر بنفس الشكل فى أمام وخلف العمل reversible stitch

عند النظر إلى أو لمس غرزة الطوق نشعر ببروزات ومرتفعات

فكل سطرين يكونوا مرتفع من هذه المرتفعات ويسمى Ridge

لذلك إذا أردنا عد سطور غرزة الطوق فنحن نقوم بعد المرتفعات وضربها × 2

والمرتفع يظهر على شكل أقواس متقابلة

كما فى الشكل التالى


صورة

صورة

وفى الشكل التخطيطى التالى يوضح شكل غرزة الطوق وشكل المرتفعات

صورة

.............


مميزاتها وإستخداماتها

1/ سهلة وسريعة العمل
2/ من الغرز متماثلة الوجهان reversible stitch لذلك يمكن إستخدامها فى عمل البطاطين والإسكارفات والأعمال التى تظهر من الجانبين
3/ تتميز غرزة الطوق بالمرونه وأيضا لا تبرم أو تنثنى لذلك تستخدم فى عمل الحواف والبراويز والأحزمة والشرائط

...........


وهنا إستعرضت لكم بعض الأعمال التى صنعت بإستخدام غرزة الطوق

صورة

صورة

صورة

صورة

صورة

صورة

.........

وفى النهاية عاوزة أعاتبكم لأنكم مش مشجعنى مافيش غير مشتركة واحدة بس هيا اللى بتطبق الدروس ورايا وبتعرض تطبيقها ربنا يكرمها

عاوزة كل واحدة متابعة الدورة تطبق درس النهاردة بعمل عينة من غرزة الطوق عبارة عن 20 غرزة×20 سطر

يللا بقا إفتحوا نفسى وورونى تطبيقاتكم




دورة تعلم التريكو من البداية وحتى الإحتراف

صورة



أعلى
رد مع اقتباس

 عنوان المشاركة: Re: الدرس(8): غرزة الطوق Garter Stitch
مرسل: الأربعاء إبريل 02, 2014 5:14 pm 
غير متصل
عضو فعال
عضو فعال
اشترك في: الجمعة يوليو 19, 2013 6:15 pm
مشاركات: 277

معلش انا عندي سؤال في موضوع عد المرتفعا هو انا بعد المرتفعا اللي فوق واللي تحت يعني مثلا في الصورة دي هيكون عدد المرتفعا 14
صورة


أعلى
رد مع اقتباس

 عنوان المشاركة: Re: الدرس(8): غرزة الطوق Garter Stitch
مرسل: الأربعاء إبريل 02, 2014 5:28 pm 
غير متصل
عضو فعال
عضو فعال
اشترك في: الجمعة يوليو 19, 2013 6:15 pm
مشاركات: 277

اه صحيح انا حبيت اقول الناس المبتدئة وبتشوف الدروس دي وتستسهلها نصحة من وحدة جربت وتعبت على ما اتعلمت الاساسيات بجد والله يا جماعة على قد ما الدروس سهلة على قد ما الواحد محتاج يعملها عشان يفهم واي غرزة بعد كده بتعتمد على الغرزة العدلة والمقلوبة وكل الغرز الاساسية اللي بتشرحها لهلوبة ربنا يبارك فيها :) وانا لولا ان عندي امتحانات ميد تيرم ومزنوقة فيها اوي كنت هشتغل واوريها بس للاسف انا مشغولة جدا اليومين دول بس بجد يا جماعة انا لما كنت جاهلة في الامور وبديت اشتغل علطول كان لازم كل شوية ادورعلى النت على الغرز اللي بتتقال عشان اعرف اشتغل وكنت بضيع وقت كتير الاقي ايجابات لأسئلتي ده غير طبعا كم الاسئلة اللي كنت بسئلها للهلوبة:D


أعلى
رد مع اقتباس

 عنوان المشاركة: Re: الدرس(8): غرزة الطوق Garter Stitch
مرسل: الأربعاء إبريل 02, 2014 6:08 pm 
غير متصل
عضو فعال
عضو فعال
اشترك في: السبت مايو 07, 2011 8:10 pm
مشاركات: 279

جزاكي الله خيراً وبارك الله فيكي استاذتي

شكلها جميل الغرزه

يسلمو ايديكي حبيبتي

الله يعطيكي العافيه



أعلى
رد مع اقتباس

 عنوان المشاركة: Re: الدرس(8): غرزة الطوق Garter Stitch
مرسل: الأربعاء إبريل 02, 2014 6:10 pm 
غير متصل
عضو فعال
عضو فعال
اشترك في: السبت مايو 07, 2011 8:10 pm
مشاركات: 279

والأن التطبيق

اتمنى ان يكون صح

صورة

صورة

صورة



الله عليكى جميل جدا وصحيح مية بالمية
تسلم إيديكى عزيزتى وبالتوفيق دائما بس قوليلى انتى إشتغلتى كل السطور عدل ولا مقلوب؟



أعلى
رد مع اقتباس

 عنوان المشاركة: Re: الدرس(8): غرزة الطوق Garter Stitch
مرسل: الأربعاء إبريل 02, 2014 6:15 pm 
غير متصل
عضو فعال
عضو فعال
اشترك في: السبت مايو 07, 2011 8:10 pm
مشاركات: 279

تسلمي استاذتنا الغاليه لهلوبه على الشرح والمجهود المبذول ♥

الله يجزيكي كل خير ويبارك في حضرتك ♥

الله يعينك ويقويكي ويجعل كل ما تقدميه لنا بموازين حسناتك ياغاليه ♥

دمتي بحفظ الرحمن يا غاليه ♥

صورة



أعلى
رد مع اقتباس

 عنوان المشاركة: Re: الدرس(8): غرزة الطوق Garter Stitch
مرسل: الأربعاء إبريل 02, 2014 7:02 pm 
غير متصل
مراقب عام
مراقب عام
اشترك في: الاثنين إبريل 05, 2010 7:23 pm
مشاركات: 12646
مكان: المنصورة

lolo92 كتب:
معلش انا عندي سؤال في موضوع عد المرتفعا هو انا بعد المرتفعا اللي فوق واللي تحت يعني مثلا في الصورة دي هيكون عدد المرتفعا 14
صورة


لأ ياجميل اللى فى الصورة دول 7 مرتفعات فقط (كل مرتفع بيتكون من سطرين يعنى فى الصورة 14 سطر)
الهدف من الموضوع ده لما تحتاجى تعدى السطور فى غرزة الطوق بيبقا صعب تعدى سطر سطر فبتعدى المرتفعات وتضربيهم × 2 هيكون الناتج عدد السطور




دورة تعلم التريكو من البداية وحتى الإحتراف

صورة



أعلى
رد مع اقتباس

 عنوان المشاركة: Re: الدرس(8): غرزة الطوق Garter Stitch
مرسل: الأربعاء إبريل 02, 2014 7:06 pm 
غير متصل
مراقب عام
مراقب عام
اشترك في: الاثنين إبريل 05, 2010 7:23 pm
مشاركات: 12646
مكان: المنصورة

lolo92 كتب:
اه صحيح انا حبيت اقول الناس المبتدئة وبتشوف الدروس دي وتستسهلها نصحة من وحدة جربت وتعبت على ما اتعلمت الاساسيات بجد والله يا جماعة على قد ما الدروس سهلة على قد ما الواحد محتاج يعملها عشان يفهم واي غرزة بعد كده بتعتمد على الغرزة العدلة والمقلوبة وكل الغرز الاساسية اللي بتشرحها لهلوبة ربنا يبارك فيها :) وانا لولا ان عندي امتحانات ميد تيرم ومزنوقة فيها اوي كنت هشتغل واوريها بس للاسف انا مشغولة جدا اليومين دول بس بجد يا جماعة انا لما كنت جاهلة في الامور وبديت اشتغل علطول كان لازم كل شوية ادورعلى النت على الغرز اللي بتتقال عشان اعرف اشتغل وكنت بضيع وقت كتير الاقي ايجابات لأسئلتي ده غير طبعا كم الاسئلة اللي كنت بسئلها للهلوبة:D


تسلمى يالولو والله العتاب بتاعى ده عتاب الأحبة مش زعلانة ولا مضايقة خالص بجد وأنا عارفة إن أكيد كل واحدة مشغولة زى ماأنا مشغولة برضه ببيتى وأسرتى وإن شاء الله الأجازة تيجى ونفضا لبعض



عاشقة الكروشية كتب:

جزاكي الله خيراً وبارك الله فيكي استاذتي

شكلها جميل الغرزه

يسلمو ايديكي حبيبتي

الله يعطيكي العافيه



يسلملى ذوقك ياجمييييل




دورة تعلم التريكو من البداية وحتى الإحتراف

صورة



أعلى
رد مع اقتباس

 عنوان المشاركة: Re: الدرس(8): غرزة الطوق Garter Stitch
مرسل: الأربعاء إبريل 02, 2014 7:14 pm 
غير متصل
مراقب عام
مراقب عام
اشترك في: الاثنين إبريل 05, 2010 7:23 pm
مشاركات: 12646
مكان: المنصورة

عاشقة الكروشية كتب:

تسلمي استاذتنا الغاليه لهلوبه على الشرح والمجهود المبذول ♥

الله يجزيكي كل خير ويبارك في حضرتك ♥

الله يعينك ويقويكي ويجعل كل ما تقدميه لنا بموازين حسناتك ياغاليه ♥

دمتي بحفظ الرحمن يا غاليه ♥

صورة



الشكر لله
ربنا يكرمك عزيزتى وكله من فضل ربى
وأهم شئ عندى وجائزتى الحقيقية هيا دعواتكم الحلوة تسلموا




دورة تعلم التريكو من البداية وحتى الإحتراف

صورة



أعلى
رد مع اقتباس

إرسال موضوع جديد الرد على الموضوع  [ 20 مشاركة ]  الانتقال إلى صفحة 1, 2  التالي

أقرا ايضا
الدرس(9): غرزة الجيرسيه أو القماشة Stockinette Stitch
الدرس(6): الغرزة العدلة Knit Stitch
الدرس(7): الغرزة المقلوبة Purl Stitch
الدرس(1): تعريف وتاريخ التريكو
الدرس(2):الخيوط المستخدمة فى التريكو
الدرس(3):إبر وأدوات وإكسسوارات التريكو
الدرس(5):البداية فى التريكو للمبتدئين casting on
الدرس(4):عقدة البداية فى التريكو Slip Knot
الدرس(10): قفل الغرز فى التريكو للمبتدئين Bind off/Cast off
الدرس(14): بداية التريكو بطريقة الضفيرة Cable cast on

تعليمات المشاركة
لا تستطيع كتابة مواضيع جديدة في هذا المنتدى
لا تستطيع كتابة ردود في هذا المنتدى
لا تستطيع تعديل مشاركاتك في هذا المنتدى
لا تستطيع حذف مشاركاتك في هذا المنتدى
لا تستطيع إرفاق ملف في هذا المنتدى


لهلوبه - أعلى

Powered by phpBB® Forum Software © phpBB Group
ترجم بواسطة phpBBArabia
phpbb_seo