إرسال موضوع جديد الرد على الموضوع  [ 39 مشاركة ]  الانتقال إلى صفحة 1, 2, 3, 4  التالي
الكاتب رسالة
 عنوان المشاركة: الدرس(2):الخيوط المستخدمة فى التريكو
مرسل: الخميس فبراير 27, 2014 10:21 am 
غير متصل
مراقب عام
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة

الدرس(2):الخيوط المستخدمة فى التريكو



بسم الله الرحمن الرحيم

صورة

الدرس(2)

الخيوط المستخدمة فى التريكو

فى الواقع لكى تبدأى أى عمل تريكو فأنتى فى حاجه فقط إلى خيط وإبرة تريكو

ولبساطة هذه المتطلبات فيعتبر التريكو من أسهل الأشغال اليدوية حيث لايحتاج إلى الكثير من المواد

ولكننا فى هذا الدرس سنسرد لكم جميع أنواع الخيوط التى تستخدم فى شغل التريكو وفى الدرس المقبل إن شاء الله سنسرد لكم جميع الأدوات والمستلزمات الخاصة بالتريكو

..........

الخيوط

Knitting yarns

صورة

_ الخيوط أنواع كثيرة جدا تختلف حسب 4 نقاط
1- خامة الخيط
2- شكل الخيط
3- سمك الخيط
4- لون الخيط
5- تعبئة الخيط

.............

أولا
** خامة الخيط**

_ منها ماهو مصنوع من خامات طبيعية من النباتات أو الحيوانات

الخامات النباتية

صورة

زى القطن cotton

طبعا عندنا فى مصر والحمد لله القطن رخيص جدا مقارنة بباقى دول العالم

ومن الخامات النباتية الطبيعية أيضا

الكتان Linen

صورة

وحرير الرايون Rayon

صورة

الخيزران Bamboo

صورة

الأيوسل Tencel

صورة


>>>>>>>>

اما الخامات الحيوانية

زى صوف الألبكة Alpaca
المصنوع من حيوان الألبكة

صورة

وهناك الكشمير cashmere
المصنوع من ظهور ماعز الكشمير

صورة

وهناك الأنجورا Angora
المصنوع من فرو أرانب الأنجورا

صورة

وهناك الموهير Mohair
المصنوع من ظهور ماعز الأنجورا

صورة

وهناك الحرير Silk
المصنوع من شرانق الديدان

صورة

وهناك الصوف Wool
المصنوع من صوف الأغنام

صورة

ده طبعا صوف طبيعى وكتير من الناس عندها حساسية منه وهو غالى جدا إحنا عادة بنسمى أى خيط تريكو (صوف) بس طبعا ده مش صحيح


>>>>>>>>>

ومنها ماهو مصنوع من خامات مصنعة كالنايلون والأكريليك والبوليستر وكلها خامات رخيصة مقارنة بالخامات الطبيعية

وغالبا ماتجد أنواع الخيوط خليط مابين الخامات الطبيعية والصناعية






دورة تعلم الكروشيه من البداية وحتى الإحتراف

صورة



أعلى
رد مع اقتباس


 عنوان المشاركة: Re: الدرس(2):الخيوط والأدوات المستخدمة فى التريكو
مرسل: الخميس فبراير 27, 2014 10:45 am 
غير متصل
مراقب عام
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة

ثانيا
**شكل الخيط**

أشكال الخيوط كثيرة جدا ومتنوعة بحيث يصعب إدراجها جميعها فى الموضوع ولكنى حاولت أن أحصل على معظم الأشكال المتداولة والمتوفرة

فهناك خيوط ناعمة وإنسيابية smooth

وفيه يكون الخيط منتظم على طوله وأيضا يعطى شكلا ناعما فى الشغل وهو من أكثر الأنواع إستخداما وإنتشارا

صورة

صورة

صورة

وهناك خيوط مضفرة Braided
وهيا فى الواقع لا تسمى خيوط ولكن الأصح تسميتها أحبال Cords
ويكون الخيط ناعما وانسيابيا ولكنه مضفر وليس مبروما ويمتاز بقساوته وعدم مرونته وغالبا يستخدم فى فن عقد المكرمية لذلك يطلق عليه ( خيط المكرمية )

صورة

صورة

صورة


وهناك خيوط متورمة Bumpy

وهو أيضا خيط ناعم ومنتظم على طول الخيط ولكنه ليس مجدولا بالقدر الكافى كالخيوط الناعمة

صورة

صورة


وهناك خيوط معقدة Boucle

ويكون شكله عبارة عن خيط رفيع جدا مبروم عليه خيط بشكل متداخل وغير منتظم

صورة

صورة

صورة


وهناك خيوط ذات سمك غير متناسق thick&thin أو homespun look

وهو خيط غير منتظم على طول ه ففى بعض المناطق تجد الخيط غير منسوج بالقدر الكافى فيعطى شكلا غير منتظم وتفاوت فى سمك الخيط

صورة

صورة

صورة

وهناك خيوط ممشطة لتعطى مظهر الموهير Fuzzy أو Brushed

وهيا خيوط يتم تمشيطها لتعطى مظهرا يشبه مظهر الموهير الطبيعى

صورة

صورة

صورة

وهناك خيوط الشنيل أو القطيفة Chenille

خيوط فاخرة وقيمة جدا وعند شغلها تعطى مظهر القطيفة

صورة

صورة

صورة

صورة

وهناك خيوط الفرو أو رمش العين Fur أو Eyelash

طبعا النوع ده إنتشر قوى فى الفترة الأخيرة وبقا بيتعمل منه حاجات كتيرة جدا وحاز على إعجاب كثير من المستخدمين
والخيط ده ذات شعر واذا كان الشعر قصير ومنتظم فيسمى خيط فرو اما اذا كان الشعر طويل وغير منتظم فيسمى رمش العين

ده خيط الفرو

صورة

صورة

صورة

وده خيط رمش العين

صورة

صورة

صورة

وهناك خيوط ذات عقد Slub أو Nubby

خيوط تحتوى على عقد على مسافات متباعدة

صورة

صورة

صورة

وهناك خيوط شريطية Ribbon

وهيا خيوط عريضه تختلف فى العرض وتكون مميزة فى الشغل

صورة

صورة

صورة


وهناك خيوط السلالم Ladder

خيوط عبارة عن فتلتين بينهم صفوف من الخيط ليشبه فى النهاية السلم وهيا جميلة ومميزة فى الشغل

صورة

صورة

صورة

صورة

صورة


وهناك خيوط لامعة أو معدنية Metallics Lames or Lure

خيوط صناعية وتستخدم فى السواريهات والأفراح وغالبا مابنشتغلش بيها لوحدها لازم يدخل معاها خيط تانى بس عيبها إنها ناشفة جدا وكمان فى انواع بتبهت وبتسيب لون

صورة

صورة

صورة

وهناك خيوط تحتوى على خرز وترتر Beaded

وهيا جميلة جدا للسوريهات ولها أشكال كتير جدا

صورة

صورة

صورة


وهناك خيوط شبكية open mesh tape

وبرضه النوع ده من الخيوط إنتشر جدا فى الفترة الأخيرة وبيتعمل منه كوفيات وإسكارفات وشنط عبارة عن أدوار مكشكشة

صورة

صورة

صورة

وهناك خيوط الكرات أو البنبونى Pompon

إنتشرت أيضا فى الفترة الأخيرة وهيا عبارة عن خيوط تحتوى على كرات على مسافات متساوية

صورة

صورة

صورة

صورة

صورة

وهناك خيوط مصنوعة من الأقمشة

هناك مصانع تنتج هذا النوع من الخيط , ولكن بإمكانك إعادة إستغلال ملابسك القديمة سواء كانت قطن او جينز او اى خامة وتحويل أى قطعة من القماش إلى بكرة من الخيط العريض عن طريق قصها إلى شرائط متساوية السمك

ومن أشهرها خيط الكليم ( خيط التيشيرت )
وهو خيط مصنوع من قماش الليكرا أو القطن وهذا النوع إنتشر بصورة كبيرة مؤخرا وأصبح يصنع منه الكثير من الأعمال كالشنط والمشايات والكوفيات وغيرها من الأعمال

صورة

صورة

صورة

صورة

صورة


وهناك خيوط كتييييير جدا أشكال غريبة وجديدة وكل يوم يخترعوا أشكال أستعرض معاكم بعضها

صورة

صورة

صورة

صورة

صورة

صورة

صورة

صورة

صورة

صورة

صورة

صورة

صورة

صورة

صورة

صورة




دورة تعلم الكروشيه من البداية وحتى الإحتراف

صورة



أعلى
رد مع اقتباس


 عنوان المشاركة: Re: الدرس(2):الخيوط والأدوات المستخدمة فى التريكو
مرسل: الخميس فبراير 27, 2014 10:45 am 
غير متصل
مراقب عام
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة

ثالثا
**سمك الخيط**

الجزئية دى مهمة جدا لان هيعتمد عليها حاجات كتير بعد كدا

_ الخيوط تختلف حسب سمكها من الرفيع جدا إلى السميك جدا
_ وعالميا تنقسم الخيوط حسب سمكها إلى 7 أنواع وجعلوا لها رمز عبارة عن بكرة خيط مكتوب فى وسطها رقم من صفر وحتى 6
حيث يمثل الرقم صفر الخيط الأرفع ويمثل الرقم 6 الخيط الأسمك ولكل سمك إسم وغالبا نجد هذا الرمز والإسم مكتوب على الورقة الملفوف بها الخيط

كما هو موضح فى الجدول التالى

صورة

وعلى حسب سمك الخيط يكون مقاس الإبر فكلما زاد سمك الخيط إحتاج إلى إبر أكبر والجدول يوضح ذلك

.....
الجدول السابق أيضا يوضح قياس الوحدة لكل سمك ولمن لا يعلم ماذا تعنى قياس الوحدة فهى تعنى بالإنجليزية Tension أو Gauge

ومعناها عندما نقوم بعمل عينة من الخيط المراد معرفة قياس الوحدة له وهذه العينة يجب أن تكون 10×10 سم وبإستخدام الإبر المناسبة لسمك الخيط كما موضح فى الجدول وهذه العينة مشغولة بغرزة الجيرسيه سنحصل فى النهاية على عدد من الغرز×عدد من السطور
وهذا الناتج هو قياس الوحدة
ويختلف من خيط لأخر حسب سمك الخيط
وغالبا أيضا نجد قياس الوحدة مكتوب على الورقة الملفوف بها الخيط

ودائما فى الباترونات يذكر قياس الوحدة للخيط المستخدم فى الباترون ويجب علينا أن نقوم بشغل الموديل بنفس سمك الخيط المطلوب فى الباترون وإلا ستتغير كل التعليمات والمقاسات وسيصبح الموديل غير مظبوط فى المقاس




دورة تعلم الكروشيه من البداية وحتى الإحتراف

صورة



أعلى
رد مع اقتباس


 عنوان المشاركة: Re: الدرس(2):الخيوط والأدوات المستخدمة فى التريكو
مرسل: الخميس فبراير 27, 2014 10:48 am 
غير متصل
مراقب عام
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة

رابعا
**لون الخيط**

الخيوط تختلف أيضا فى ألوانها
فمنها خيوط ذات اللون الواحد

صورة

وهناك خيوط تحتوى على أكثر من لون فى البكرة الواحدة وتسمى خيوط جنجاه وتكون أغلى ثمنا من الخيوط ذات اللون الواحد

صورة




دورة تعلم الكروشيه من البداية وحتى الإحتراف

صورة



أعلى
رد مع اقتباس


 عنوان المشاركة: Re: الدرس(2):الخيوط والأدوات المستخدمة فى التريكو
مرسل: الخميس فبراير 27, 2014 10:48 am 
غير متصل
مراقب عام
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة

خامسا
**تعبئة الخيط**

صورة

الخيوط تصل إلينا معبئة فى أربع أشكال

1/ الشكل الأول (الشلة) وتسمى skeins

صورة

وهيا من أكثر الأشكال إنتشارا وأحبها إلى الناس وعادة يكون وزنها 100 جرام

>>>>>>>>>

2/ الشكل الثانى (الكرة) وتسمى Ball

صورة

وهيا منتشرة أيضا ولها وزنين 50 جرام و100 جرام

>>>>>>>>>

3/ الشكل الثالث ( المخروط) ويسمى Cone

صورة

صورة


وعادة تكون للخيوط التى تباع بالجرام فيقوم البائع بلف الخيط على المخروط على حسب الوزن المطلوب

>>>>>>>>>

4/ الشكل الرابع ( اللفة) وتسمى Hank

صورة

وهذا الشكل قبل إستخدامه يجب لفه على شكل بكرة فإذا قمنا بالعمل به فى هذا الشكل سوف يتشابك الخيط ويصعب فكه لهذا السبب لايفضله الكثيرون مع أنه أرخص ثمنا من الأشكال الأخرى

صورة

صورة

صورة

صورة

صورة

صورة




دورة تعلم الكروشيه من البداية وحتى الإحتراف

صورة



أعلى
رد مع اقتباس


 عنوان المشاركة: Re: الدرس(2):الخيوط والأدوات المستخدمة فى التريكو
مرسل: الخميس فبراير 27, 2014 10:48 am 
غير متصل
مراقب عام
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة

أخر جزئية هتكلم عنها بالنسبة للخيوط هيا الورقة الملصقة او الملفوفة حول الخيط والتى تحتوى على كل معلومات الخيط

تعرف بإسم Yarn label أو ball band

طبعا كثير مننا لما بنشترى الخيط أول حاجه بنعملها إننا بنرمى الورقة دى هههههههههه مع إنها فى قمة الأهمية لأننا بنعرف من خلالها حاجات كتير جدا

تعالوا بينا نتعرف على المعلومات اللى على الورقة وأهميتها

أكيد كل ورقة بتختلف من نوع للتانى بس معظم المعلومات بتبقا واحدة

والصوة التالية مثال هنشرح عليه

صورة

1/ أول حاجه ممكن نشوفها على الورقة هيا الإسم التجارى للخيط وخامة الخيط ومكوناته

2/ وزن البكرة 100 جرام وطول الخيط بالمتر وبالياردة والجزئية دى مهمه علشان نعرف هنجيب قد إيه من الخيط بكرة ولا إتنين وهكذا

3/ قياس الوحدة ومقاس الإبر المطلوبة فى المثال ده جايب قياس الوحدة لو هتشتغلى تريكو وكمان لو هتشتغلى كروشيه
وهنا قياس الوحدة للتريكو 21 غرزة×25 سطر بإبر تريكو مقاس 4 مللى وطبعا دى أهم نقطة فى الورقة كلها ومن خلالها بنحدد مقاس الإبر اللى هنشتغل بيه الخيط

4/ سمك الخيط فى المثال الخيط سمكه 3 خفيف زى ما إحنا شايفين الرمز على الورقة

5/ بلد المنشأ تركيا

6/ تعليمات التنظيف والغسيل ودى برضه مهمة

صورة

أنا جبتلكم صورة مجمعة لكل الرموز الممكنة لتعليمات الإعتناء بالخيوط



7/ لون الخيط ورقمه (lot أو renk) اللون معروف ولكن حتى لو نفس اللون بيختلف درجاته حسب الصبغه علشان كدا مهم قوى تعرفى رقم اللون ليه؟ لو إنتى شغاله مثلا فى موديل معين والخيط خلص منك ومحتاجه تجيبى خيط بنفس اللون لازم تتأكدى من رقم اللون علشان ميحصلش تفاوت فى اللون أثناء الشغل وللسبب ده لازم تحتفظى بالورقة دى لحد ماتخلصى شغلك

8/ الشركة المنتجة ومعلومات عنها



فى نهاية هذا الدرس أريد أن أوضح نقطة مهمة

الفنون اليدوية بالخيوط متنوعة ك فن التريكو , الكروشيه , المكرمية , النسج , وحتى التطريز بالخيوط كلها فنون نستخدم فيها الخيوط

وفى الواقع لا نستطيع أن نقول هذا الخيط مخصص للتريكو وآخر للكروشيه و آخر مثلا لعمل المكرميات وآخر لنسج السجاد ,
فكل أنواع الخيوط يمكن توظيفها بشكل أو بآخر فى جميع تلك الفنون ..
ولكن بعض أنواع الخيوط بسبب طبيعتها لا يمكن إستغلالها إلى فى أنواع معينة من الفنون ..
على سبيل المثال لا الحصر خيوط المكرمية غالبا تمتاز تلك الخيوط بقساوتها وتكون مصنوعة غالبا من النايلون ولذلك فطبيعة تلك الخيوط تجعلها غير مناسبة لعمل قطعة ملبسية من التريكو او الكروشيه مثلا .
ولكن تلك القساوة تعتبر ميزة فى عمل عقد المكرمية فهل هذا يعنى اننا لانستطيع إستغلال خيوط المكرمية فى فن التريكو ؟
بالطبع لا , فيمكن عمل قطع تريكو كثيرة من خيوط المكرمية كالمشايات والشنط والوسادات الأرضية .. وهكذا .
فالمهم هو إختبار الخيط المناسب فى المكان المناسب وليس حصر خيط معين لفن معين.

فى الفيديو التالى إستعراض للدرس
لمن يريد مشاهدة الدرس على اليوتيوب

https://youtu.be/MS5lPI1yobk




................

وبكدا نكون إنتهينا بحمد الله من الدرس الثانى
أشوفكم إن شاء الله فى الدرس الثالث واللى هنتكلم فيه عن إبر و أدوات التريكو

فهرس دورة تعلم التريكو من البداية وحتى الإحتراف




دورة تعلم الكروشيه من البداية وحتى الإحتراف

صورة



أعلى
رد مع اقتباس


 عنوان المشاركة: Re: الدرس(2):الخيوط والأدوات المستخدمة فى التريكو
مرسل: الجمعة فبراير 28, 2014 12:41 pm 
غير متصل
عضو متالق
عضو متالق
اشترك في: الثلاثاء مارس 12, 2013 8:24 pm
مشاركات: 655
موضوع الخيوط رررررررررررررررررروعة و ماحد كتب فيه بالشكل ده ...... تسلم ايديكى لهلوبة معلومات جديدة :idea: :idea: و انا حاولت اشتغل ب Boucle و النتيجة كانت مدمرة و اخر بهدلة و الله صعب جدا الشغل بيه


أعلى
رد مع اقتباس


 عنوان المشاركة: Re: الدرس(2):الخيوط والأدوات المستخدمة فى التريكو
مرسل: الجمعة فبراير 28, 2014 2:02 pm 
غير متصل
مراقب عام
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة
ميرفت كتب:
موضوع الخيوط رررررررررررررررررروعة و ماحد كتب فيه بالشكل ده ...... تسلم ايديكى لهلوبة معلومات جديدة :idea: :idea: و انا حاولت اشتغل ب Boucle و النتيجة كانت مدمرة و اخر بهدلة و الله صعب جدا الشغل بيه


والله ياميرفت بقالى 4 أيام بكتب فيه ومش عاوز يخلص البرد مدمرنى ومش عارفه اركز
إدعيلى أخلصه بقا لان لسه فيه كلام كتييييييير




دورة تعلم الكروشيه من البداية وحتى الإحتراف

صورة



أعلى
رد مع اقتباس


 عنوان المشاركة: Re: الدرس(2):الخيوط والأدوات المستخدمة فى التريكو
مرسل: الجمعة فبراير 28, 2014 5:52 pm 
غير متصل
عضو فعال
عضو فعال
اشترك في: الجمعة يوليو 19, 2013 6:15 pm
مشاركات: 277
بصراحة موضوع مهم جدا موضوع الخيوط والف سلامة عليكي يا لولو وان شاء الله هتخلصيه :)


أعلى
رد مع اقتباس


 عنوان المشاركة: Re: الدرس(2):الخيوط والأدوات المستخدمة فى التريكو
مرسل: الجمعة فبراير 28, 2014 7:49 pm 
غير متصل
عضو متالق
عضو متالق
اشترك في: الثلاثاء مارس 12, 2013 8:24 pm
مشاركات: 655
الف سلامة و خلى بالك من نفسك وخصوصا الحرارة ما تاخدي اى دوا من نفسك
:( :(


أعلى
رد مع اقتباس


إرسال موضوع جديد الرد على الموضوع  [ 39 مشاركة ]  الانتقال إلى صفحة 1, 2, 3, 4  التالي

أقرا ايضا
الفرق بين التريكو والكروشيه
تعليم حردات التريكو
الدرس الأول لتعليم التريكو
الدرس(1): تعريف وتاريخ التريكو
الدرس(3):إبر وأدوات وإكسسوارات التريكو
الدرس(5):البداية فى التريكو للمبتدئين casting on
فهرس دروس الدورة القديمة لتعلم التريكو
اساسيات التريكو/ التزويد بطريقة القطبه المضاعفه
الدرس(10): قفل الغرز فى التريكو للمبتدئين Bind off/Cast off
دورة تعلم التريكو من البداية وحتى الإحتراف

تعليمات المشاركة
لا تستطيع كتابة مواضيع جديدة في هذا المنتدى
لا تستطيع كتابة ردود في هذا المنتدى
لا تستطيع تعديل مشاركاتك في هذا المنتدى
لا تستطيع حذف مشاركاتك في هذا المنتدى
لا تستطيع إرفاق ملف في هذا المنتدى
لهلوبه - أعلى

Powered by phpBB® Forum Software © phpBB Group
ترجم بواسطة phpBBArabia
phpbb_seo