إرسال موضوع جديد الرد على الموضوع  [ 5 مشاركة ] 
الكاتب رسالة
 عنوان المشاركة: طريقة البسبوسة بالقشطة الكدابة بالتفصيل و الصور من مطبخ مروة الشافعى
مرسل: السبت يناير 28, 2017 9:50 pm 
غير متصل
مراقب عام
مراقب عام
اشترك في: الاثنين إبريل 05, 2010 7:23 pm
مشاركات: 12841
مكان: المنصورة
طريقة البسبوسة بالقشطة الكدابة بالتفصيل و الصور من مطبخ مروة الشافعى

بسم الله الرحمن الرحيم

البسبوسة العملة عقدة لكل الناس و كأنها من الأسرار الحربية أهو أهو ولا سحر ولا شعوذة من مطبخى أحلى طريقة للبسبوسة بالقشطة الكدابة بالتفصيل و الصور

صورة

صورة

صورة

أول حاجة حضرى القشطة الكدابة الهية المهلبية. . و هى عبارة عن كوباية لبن ساقع دوبى فيها معلقتين كبار نشا و قلبيها على البارد كويس و بعد كدة على النار و تقلبى بالمضرب اليدوي لغاية ما تبقلل و تتقل معاكى يبقى خلاص حطيها على جمب ... ايوة من غير سكر ... الشربات هيبقى كفاية و البسبوسة نفسها حطيت عليها سكر

صورة

مقادير البسبوسة بقى ... كباية و 2/3 كوب من دقيق السميد .. انا بستخدم نوع اسمة خمس نجوم هايل
1/2 كوب من السكر ..
معلقة كبيرة باكينج بودر. ..
رشة ملح ...و
2/3 كوباية من السمنة البلدى السايحة انا بستخدم سمنة NCZ أو ممكن فيرن .... و خلى بالك السمنة الحلوة هتخلى البسبوسة طعمها حلو زى المحلات. .. و مينفعش زيت ولا زبدة .. البسبوسة الصح بالسمنة البلدى
معلقة كبيرة من عسل الكلوجوز دة بيتباع في محلات مستلزمات الحلويات. . و ممكن تستبدلية بمعلقة كبيرة من العسل النحل ....
1 زبادى ....
بس خلاص

صورة

اعملى التكنيك الأنا هقولوا بالظبط ...
أول حاجة حطى الباكنج بودر على السميد و قلبى ...

صورة

و عليهم السكر ....

صورة

قلبيهم كويس اوى....

صورة






دورة تعلم التريكو من البداية وحتى الإحتراف

صورة



أعلى
رد مع اقتباس


 عنوان المشاركة: Re: طريقة البسبوسة بالقشطة الكدابة بالتفصيل و الصور من مطبخ مروة الشافعى
مرسل: السبت يناير 28, 2017 9:53 pm 
غير متصل
مراقب عام
مراقب عام
اشترك في: الاثنين إبريل 05, 2010 7:23 pm
مشاركات: 12841
مكان: المنصورة

هاتى السمنة السايحة و يا ريت تكون دافية شوية و حطى عليها المعلقة الكبيرة من عسل الكلوجوز و قلبيهم كويس جدااا علشان العسل ينزل كلة و يخطلت مع السمنة الدافية. .

صورة

حطى السمنة على السميد ....

صورة

و قلبيهم كام تقليبة كدة بحيث أن السمنة توصل لكل السميد بس متقلبيش فيها كتير و هيبقى شكلها مفلفل كدة زى الصورة ...

صورة

آخر حاجة خالص قبل ما تحطيها فى الصينية علطول هو الزبادى ... خلى بالك من معلومة مهمة أن السميد بيكون فية مادة الجلوتين عالية جداا و اللبن أو الزبادى بيتفاعل معاة بسرعة و ينشف البسبوسة فعوزينوا يبقى آخر حاجة تتحط هو الزبادى و نقلب تقليبتين علشان الزبادى يمتزج معاهم و حطيها علطول فى الصينية ...

صورة

لو هتستخدمى صينية بتتفتح زى الصينية بتعتى دى لازم تحطى تحتها صينية خبز كبيرة زى الصورة علشان ممكن يتسرب سمنة من تحت لأن الصينية بتتفتح. .. ادهنى بقى الصينية سمنة و حطى نص كمية البسبوسة و اضغطى عليها بأيدك و سويها. .. الصينية بتعتى دى مقاس 22 ..

صورة




دورة تعلم التريكو من البداية وحتى الإحتراف

صورة



أعلى
رد مع اقتباس

 عنوان المشاركة: Re: طريقة البسبوسة بالقشطة الكدابة بالتفصيل و الصور من مطبخ مروة الشافعى
مرسل: السبت يناير 28, 2017 9:57 pm 
غير متصل
مراقب عام
مراقب عام
اشترك في: الاثنين إبريل 05, 2010 7:23 pm
مشاركات: 12841
مكان: المنصورة

و حطى القشطة و وزعيها براحة و بلاش تخليها توصل للحروف سيبى شوية مسافة صغيرة زى الصورة

صورة

و حطى بقى من فوق حتت من البسبوسة و لزقيهم فى بعض علشان نعمل طبقة البسبوسة الفوق ...

صورة

حطى باقى البسبوسة كلها و وزعيها براحة بأيدك بحيث القشطة متكنش باينة خالص ....

صورة

سويها بقى و ظبطيها زى الصورة

صورة

دخليها فرن سخن على درجة 180 لمدة 35 دقيقة و هتلاقى الحروف اخدت لون بنى و افتحى عليها بقى الشواية دقيقة تحمر الوش خفيف ....

صورة

العسل بقى عبارة عن كباية الأربع مية و كباية الأربع سكر على النار يغلوا لغاية ما السكر يدوب حطى معلقة صغيرة من الفانيليا السايلة و بعد كدة نقطتين من عصير الليمون و يا دوب دقيقة تغلى و اطفى النار .. احنا عوزين العسل يكون خفيف مش تقيل ...

صورة

يكون العسل سخن و البسبوسة سخنة ... و مقدار البسبوسة دة هياخد مقدار العسل كلوا ....

صورة




دورة تعلم التريكو من البداية وحتى الإحتراف

صورة



أعلى
رد مع اقتباس

 عنوان المشاركة: Re: طريقة البسبوسة بالقشطة الكدابة بالتفصيل و الصور من مطبخ مروة الشافعى
مرسل: السبت يناير 28, 2017 10:02 pm 
غير متصل
مراقب عام
مراقب عام
اشترك في: الاثنين إبريل 05, 2010 7:23 pm
مشاركات: 12841
مكان: المنصورة

و غطيها علطول و رجعيها الفرن تانى و يكون الفرن مطفى مش شغال ... احنا بس عوزين البسبوسة ترتاح و هى متغطية مش أقل من ربع ساعة ....

صورة

و بعد كدة طلعيها و افتحى الصينية

صورة

انا عندى قطاعة حجمها حلو زى الفى الصورة و القطاعات دى بتتباع فى السوبرماركتس الكبيرة أو محلات مستلزمات الحلويات. ...و ممكن تستخدمى بدلها كباية

صورة

هنقطع البسبوسة من غير ما نهدر فى المسافات زى الصورة كدة

صورة

و القطاعة و انا بقطع بيها بتشيل البسبوسة كمان و بحطها على طبق و خلاص ... شيفين حلوين اوى ازاى ... و طبعا باقى البسبوسة ال فى الصينية هتتاكل عادى ... بس انا قلت اعمل حركة شياكة

صورة

حطيت عليها من فوق شوية فستق

صورة

و حطيت تحتها ورق كاب كيك لونة ابيض

صورة

فظيييييييعة و سهلة و تجنن كأنك شرياها من محل حلويات فخم

صورة




دورة تعلم التريكو من البداية وحتى الإحتراف

صورة



أعلى
رد مع اقتباس

 عنوان المشاركة: Re: طريقة البسبوسة بالقشطة الكدابة بالتفصيل و الصور من مطبخ مروة الشافعى
مرسل: السبت يناير 28, 2017 10:05 pm 
غير متصل
مراقب عام
مراقب عام
اشترك في: الاثنين إبريل 05, 2010 7:23 pm
مشاركات: 12841
مكان: المنصورة

و لو مش عوزاها بالقشطة عادى جداا اعملى نفس مقدار البسبوسة فى صينية بسبوسة سادة
انا فكيت شفرة البسبوسة أهو اى خدمة جربوهاااااااااا

صورة




دورة تعلم التريكو من البداية وحتى الإحتراف

صورة



أعلى
رد مع اقتباس

إرسال موضوع جديد الرد على الموضوع  [ 5 مشاركة ] 

أقرا ايضا
الكريب الحلو على طريقة مروة الشافعى بالتفصيل و الصور
طريقة عجينة العيش الفينو بحشو الشيكولاتة من مطبخ مروة الشافعى
البانكيك من مطبخ مروة الشافعى بالخطوات والصور
المولتن كيك بالصور والخطوات من مطبخ مروة الشافعى
تشيز كيك على البارد بالتوت الأحمر من مطبخ مروة الشافعى بالخطوات المصورة
البراونيز بالشيكولاتة و التوت الأحمر على طريقة مروة الشافعى
أسهل و اسرع و أنجح طريقة لكيك شيكولاتة من مطبخ مروى الشافعى
خطوات ومقادير بلح الشام بالصور من مطبخ مروى الشافعى
كيك الايس كريم بطريقة سهلة جدا من مطبخ مروى الشافعى
قطايف بالقشده - طريقة عمل قطائف بالقشطة

تعليمات المشاركة
لا تستطيع كتابة مواضيع جديدة في هذا المنتدى
لا تستطيع كتابة ردود في هذا المنتدى
لا تستطيع تعديل مشاركاتك في هذا المنتدى
لا تستطيع حذف مشاركاتك في هذا المنتدى
لا تستطيع إرفاق ملف في هذا المنتدى


لهلوبه - أعلى

cron
Powered by phpBB® Forum Software © phpBB Group
ترجم بواسطة phpBBArabia
phpbb_seo