الدرس(13):غرزة البيكو picot stitch

غرزة البيكو غالبا بنعملها فى اخر سطر اما للتزيين كغرزة تجميلية او بنستخدمها كاماكن لتشبيك الوحدات مع بعضها البعض
يعنى مابيكنش فوقها سطور جديده

اهلا وسهلا بيكى مبتدئة كروشيه
منورة الدورة والمنتدى كله وان شاء الله تستفيدى معانا وتبقى لهلوبه فى الكروشيه
وياريت يبقا فى صور لتطبيقاتك عشان الصورة تبقا اوضح واعرف اقيم شغلك

الشغل بيتلف يبقا ممكن تكونى عاملة عينه صغيرة خالص او ممكن تكونى نسيتى تعملى غرز فى بعض السطور او ممكن يكون شغلك كله صح بس محتاجه تفردى الشغل بتاعك بايدك يعنى تمطيه بايدك كدا بحيث انه يتفرد

اهلا وسهلا بكى
عزيزتى
أى باترون سواء كان كروشيه أو تريكو لازم يقولك على مقاس الابرة وبالتالى بتجيبى الخيط اللى مكتوب عليه مقاس الابرة اللى طالبه الباترون
وكمان بيقولك مقاسات الموديل وكمان بيديكى المقاسات النهائية للموديل بالسنتيميتر عشان تقدرى تحددى مقاسك المظبوط

أتمنى لكى المتعه والفائدة واى استفسار انا تحت امرك

يسلملى ذوقك
أتمنى لكى الفائدة إن شاء الله