إرسال موضوع جديد الرد على الموضوع  [ 2 مشاركة ] 
الكاتب رسالة
 عنوان المشاركة: طريقة عمل الكشري المصرى
مرسل: الأربعاء إبريل 28, 2010 8:03 pm 
غير متصل
مراقب عام
مراقب عام
اشترك في: الاثنين إبريل 05, 2010 7:25 pm
مشاركات: 10942
مكان: المنصورة

طريقة عمل الكشري المصرى



طريقة عمل الكشري


المقادير :
  • كوب عدس بجبّة
  • 2 كوب أرز مغسول
  • 4 كوب ماء
  • 1/2 كيلو مكرونة صغيرة
  • 2 بصلة متوسطة مقطعة شرائح لعمل التقلية
  • 4 معالق كبيرة زيت
  • ملح وفلفل






مقادير الصلصة:
  • كوب ونصف عصير طماطم
  • 2 معلقة كبيرة زيت
  • معلقة كبيرة خل
  • ثوم مفروم
  • ملح وفلفل وشطة


الطريقة:

1- اغسلي العدس كويس جداً، وحطيه في مصفاة علشان ينزّل ميته، وبعد كده نقيه كويس.

2- حطي الزيت في حلة على نار متوسطة لغاية ما يتقدح، وبعد كده حطي البصل وقلّبيه في الزيت لغاية ما لونه يبقى ذهبي أو بني فاتح.

3- شيلي البصل من على النار وحطيه على مناديل ورقية علشان تشرب الزيت.

4- ضعي العدس في نفس الحلة اللي عملتي فيها البصل، وقلبيه كويس مع الزيت، وبعد كده غطيه بالماء وتبليه بالملح والفلفل، وبعد كده قللي درجة الحرارة وسيبيه لمدة 25 دقيقة أو لغاية ما يبدأ يستوي.

5- بعد كده ضيفي الأرز وقلّبيه كويس مع العدس، وبعد كده تبليه بالملح والفلفل والكمون، وسيبيه على نار هادئة لغاية ما يستوي، وممكن تضيفي ماء لو حسيتي إنه محتاج.

6- في الوقت اللي الكشري والعدس بيستوا فيه، اسلقي المكرونة وصفّيها بعد ما تستوي وتسيبيها على جنب.

لتحضير الصلصة:

1- سخّني الزيت على نار متوسطة، وبعد كده ضيفي عليه الثوم وقلّبيه في الزيت لمدة دقيقتين، وبعد كده ضيفي عصير الطماطم ومعاه الملح والفلفل والشطة، وسبيها على نار متوسطة لغاية ما تبدأ في الغليان، وبعد كده هدّي النار عليها وسيبيها لمدة 10 دقائق.

2- بعد كده ضيفي الخل وسيبيه لمدة 5 دقائق كمان، أو لغاية ما تحسّي إن الصلصة استوت، وبكده تكون جاهزة علشان تقدميها مع الكشري.

عند التقديم بتحطي الأرز والعدس الأول وعليهم كمية من المكرونة، وعلى الوش بتحطي صلصة الطماطم والتقلية (البصل المحمر)؛ وعلشان الوجبة تبقى متكاملة ممكن تقدّمي معاها سلطة خضراء وبيض مسلوق..


وبالهنا والشفا.





لا اله الا الله محمد رسول الله



أعلى
رد مع اقتباس


 عنوان المشاركة: Re: طريقة عمل الكشري
مرسل: الخميس إبريل 29, 2010 4:07 pm 
غير متصل
مراقب عام
مراقب عام
اشترك في: الاثنين إبريل 05, 2010 7:23 pm
مشاركات: 13047
مكان: المنصورة

الكشرى المصرى حياتى

شكرااااااااا لوكة




دورة تعلم الكروشيه من البداية وحتى الإحتراف

صورة



أعلى
رد مع اقتباس


إرسال موضوع جديد الرد على الموضوع  [ 2 مشاركة ] 

أقرا ايضا
طريقة عمل الملوخية المصرى بالصور
الخيشري المقلي - الكشري المقلي
الخيشري العادي ، الكشري العادي
أحلى طريقة للكوسا بالبشاميل تحفة على طريقة مروى الشافعى
كفتة باللبن ، طريقة عمل كفتة اللبن ، طريقة تحضير كفتة اللبن
طريقة عمل اللحمة الموزة بالفريك ، طريقة طهى اللحمة بالفريك
طريقة عمل لحم بقر بالخردل
لحم بقر على طريقة مَدْراس
طريقة عمل الفته
طريقة عمل الثومية

تعليمات المشاركة
لا تستطيع كتابة مواضيع جديدة في هذا المنتدى
لا تستطيع كتابة ردود في هذا المنتدى
لا تستطيع تعديل مشاركاتك في هذا المنتدى
لا تستطيع حذف مشاركاتك في هذا المنتدى
لا تستطيع إرفاق ملف في هذا المنتدى
لهلوبه - أعلى

cron
Powered by phpBB® Forum Software © phpBB Group
ترجم بواسطة phpBBArabia
phpbb_seo